完整藏文原文 · 德格版页 当前仅加载第 87 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བར་འགྱུར་རོ། །མདོར་ན་རྫས་གང་གིས་སྦྱིན་སྲེག་བགྱིས་པའི་རྫས་དེ་འབྱུང་བར་འགྱུར་རོ། །ཅི་སྟེ་བསྒྲུབ་པར་འཚལ་ན་རིའི་རྩེ་མོར་མཆིས་ལ་སློང་མོའི་ཟས་འཚལ་ཞིང་སྙིང་པོ་འདི་ལན་སུམ་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ་མེ་ཐབ་བགྱིས་
D496.087.0061a01.01ལ་རྒྱ་ཤུག་གི་ཡམ་སྲེག་ཤིང་ཞོ་དང་སྦྲང་རྩི་དང་མར་སྨྱུགས་ལ་ལན་ཁྲི་སྦྱིན་སྲེག་བགྱིའོ། །དེ་ནས་གྲུབ་པར་འགྱུར་ཏེ་དགའ་མགུར་ལས་རྣམས་བགྱིད་དོ། །དེ་ནས་སྤྲིན་གྱི་ཕྲེང་བ་ཅན་ལ་སོགས་པ་རླུང་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་
D496.087.0061a02.01སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །སྒྲུབ་པ་པོ་དངོས་གྲུབ་བསྒྲུབ་པར་འཚལ་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བགྱིའོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བྷྲ་མ་ར་བྷྲ་མ་རེ། ཙ་པ་ལི་
D496.087.0061a03.01ཙ་པ་ལི་ཀེ། ཧེ་རམ་བི་ནི་སྭཱ་ཧཱ། འདི་ནི་བདག་ཅག་གི་སྙིང་པོ་མཆོག་ལགས་ཏེ་འདིས་བདག་ཅག་དེ་བཞིན་གཤེགས་པའི་བཀའ་བཞིན་བགྱིད་དོ། །བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ཀྱི་ལུང་དང་མི་འགལ་བར་བགྱིའོ། །ཕན་པ་དང་
D496.087.0061a04.01བདེ་བ་བསྒྲུབ་པར་བགྱིའོ། །བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་དེས་ཐོག་མར་སྙིང་པོ་འདི་ལན་སུམ་འབུམ་བཟླས་བརྗོད་བགྱིས་ན་དེ་ནས་བདག་ཅག་གིས་དེའི་བགྱི་བ་ཐམས་ཅད་གནང་བར་བགྱིའོ། །ཅི་སྟེ་གང་ལ་ལ་ཞིག་བསྒྲུབ་པར་འཚལ་ན་དེས་ཟས་མི་བཟའ་བར་ལན་ཁྲི་
D496.087.0061a05.01བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་དེ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་ལྔ་བགྱིའོ། །ཁ་དོག་སྣ་ཚོགས་ཀྱི་བ་དན་བདུན་བཞག་གོ། །དེ་ནས་བ་དན་འགུལ་གྱི་བར་དུ་བཟླས་བརྗོད་བགྱིས་ན་དེ་ནས་འགྲུབ་པར་འགྱུར་ཏེ་བསྐྱེད་པ་དང་དགག་པ་ལ་སོགས་པ་ལས་རྣམས་དགའ་
D496.087.0061a06.01མགུར་བགྱིད་དོ། །དེ་ནས་སྐར་མའི་རྒྱལ་པོ་ཟླ་བས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་གདུང་བ་ཐམས་ཅད་རབ་ཏུ་ཞི་བར་བགྱིད་པ། དཔལ་ཡང་དག་པར་འཇོག་པར་བགྱིད་པ་དབུལ་ལོ། །
D496.087.0061a07.01