完整藏文原文 · 德格版页 当前仅加载第 87 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཁམས་ནི་དུ་མ་གནོན། །སྡིག་མེད་ནན་གྱི་སྟོབས་ཀྱིས་སུ། །ཐམས་ཅད་དབང་དུ་དགོད་པར་བྱ། །ཕ་རོལ་གནོན་པའི་རིགས་ཚུལ་གྱིས། །ཇི་ལྟར་བྱང་ཆུབ་འདོད་བྱས་ནས། །སེམས་ཅན་ཁམས་ནི་དུ་མ་དག །ཐམས་ཅད་དབང་དུ་དགོད་པར་བྱས། །རྡོ་རྗེ་
D496.087.0128a01.01སློབ་དཔོན་ཆེན་པོ་ཡིས། །ལོག་འདྲེན་བགེགས་རྣམས་དེ་ལྟར་དགོད། །བྱང་ཆུབ་སེམས་དྲན་བསྒོམ་བྱས་ན། །སྐྱོན་གྱིས་གོས་པར་མི་འགྱུར་རོ། །དེ་ཕྱིར་སྔགས་པ་ཆེ་ཁྲོས་ལ། །བསྐལ་པའི་མེ་ཡི་མཐུ་ལྟ་བུས། །རྡོ་རྗེ་རལ་གྲིའི་ཕྱག་རྒྱ་ཡིས། །བགེགས་རྣམས་ཐམས་ཅད་
D496.087.0128a02.01གཅད་པར་བྱ། །རྐང་པའི་ཚུལ་ནི་དེ་ཉིད་ཀྱིས། །རྡོ་རྗེ་གར་གྱིས་གར་བྱས་ལ། །རྐང་པ་གཡོན་པ་བརྐྱང་ཞེས་འདོར། །རྐང་གཡས་བརྐྱང་བའི་གནས་བརྟེན་ཏེ། །བསྣུན་བྱ་རྐེད་པའི་གནས་སུ་ནི། །རལ་གྲི་ཤུབས་སུ་ཞུགས་པར་བྱ། །མནན་པ་མེད་པའི་ཚུལ་གྱིས་ནི། །
D496.087.0128a03.01ཤུགས་ཀྱིས་ལག་པ་སར་བསྡམས་ལ། །རྐང་པ་སྤོ་བའི་ཚུལ་གྱིས་སུ། །རལ་གྲི་ཕྱུང་བ་འདྲ་བར་བཟུང་། །རལ་གྲི་ཚུལ་དུ་གཞུག་པ་ནི། །མཛུབ་མོ་གུང་མོ་གཤིབ་པར་བྱ། །དེ་ནས་ལག་པ་གཡོན་པ་ཡིས། །རལ་གྲི་ཤུབས་སུ་བྱ་བ་ནི། །མཐེའུ་ཆུང་དང་ནི་སྲིན་
D496.087.0128a04.01ལག་དང་། །མཐེ་བོས་རལ་གྲི་ཤུབས་སུ་བྱ། །དེ་ནས་རྐང་པ་གཡས་པ་ཡིས། །ས་ལ་བགེགས་ཀྱི་གཟུགས་བྲིས་ཏེ། །སོ་ཡིས་མཆུ་མནན་ཁྲོས་བྱས་ལ། །རང་གི་རྡོ་རྗེ་ཉི་འབར་བས། །རྐང་པས་མགོ་ནི་མནན་བྱས་ལ། །ལག་པས་རལ་གྲི་ཕྱུང་ནས་སུ། །དེ་ནི་རྡོ་རྗེ་
D496.087.0128a05.01གོམ་སྟབས་ཀྱིས། །གར་གྱི་ཚུལ་དུ་ཀུན་བསྐྱོད་ཅིང་། །རྡོ་རྗེ་རལ་གྲིའི་ཕྱག་རྒྱ་ཡིས། །བགེགས་རྣམས་ཐམས་ཅད་གཅད་པར་བྱ། །རྡོ་རྗེ་ལྡན་དེས་གང་བཅོམ་པ། །དེ་ཡི་སྲོག་ལ་མི་སེམས་སོ། །དེ་ནས་དེ་དག་ཞི་བར་འགྱུར། །ཡང་ན་འཆིར་འགྱུར་ཐེ་ཙོ་མ་མེད། །བརྒྱ་
D496.087.0128a06.01བྱིན་མཚུངས་པའི་བགེགས་ཞིག་ནའང་། །དེ་ཡི་མོད་ལ་བརླག་པར་འགྱུར། །དེ་ནས་རྡོ་རྗེ་སློབ་དཔོན་ཆེ། །སྙིང་རྗེ་སྙིང་བརྩེ་སེམས་ལྡན་པས། །ཇི་ལྟར་དེ་ཡང་སྐྱེ་བར་འགྱུར། །དེ་ལྟར་དེ་ལ་སྙིང་བརྩེར་བྱ། །རྡོ་རྗེ་རལ་གྲིའི་སྟང་སྟབས་སོ། །དེ་ནས་རྡོ་རྗེ་སློབ་དཔོན་ཆེས། །
D496.087.0128a07.01