完整藏文原文 · 德格版页 当前仅加载第 87 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་སུ་ནི་རིག་སྔགས་འཆང་གི་རྒྱལ་པོ་ཏོག་ལྡན་གཞག་གོ། །བྱང་ཕྱོགས་སུ་ནི་རིག་སྔགས་འཆང་གི་རྒྱལ་པོ་ཀཱི་ལི་ཀི་ལ་གཞག་གོ། །གྲྭ་བཞིར་ནི་ཚོན་སྣ་བཞི་པའི་རྡོ་རྗེ་རྩེ་གསུམ་པ་མེ་ལྕེ་འབར་བ་དང་བཅས་པ་གཞག་གོ། །དབུས་སུ་ནི་པདྨ་འདབ་མ་བརྒྱད་པ་ཟེ་བ་
D496.087.0078b01.01དང་བཅས་པ་བྲིས་ལ་སྙིང་པོ་སྟེང་དུ་གང་བསྒྲུབ་པ་དེ་བྲིའོ། །དེའི་སྟེང་དུ་རྫས་གང་བསྒྲུབ་པར་བྱ་བ་གང་ཡིན་པ་དེ་ཤིང་ཨ་ཤྭཏྠའི་ལོ་མའི་སྟེང་དུ་གཞག་གོ། །པདྨ་ནས་ཁྲུ་གང་ཙམ་གྱི་ས་གཞི་བོར་ལ། རྡོ་རྗེ་རྒྱ་གྲམ་བྲིས་ཏེ་དེར་འདུག་ལ་བསྲུང་བར་བྱ་སྟེ་འབར་བའི་བར་དུ་བཟླས་
D496.087.0078b02.01བརྗོད་བྱའོ། །འབར་ནས་གཡོ་བར་འགྱུར་རོ། །ཡང་ན་རྔ་བོ་ཆེའི་སྒྲ་སྒྲོགས་པར་འགྱུར་རོ། །ཡང་ན་མེ་ཏོག་གི་ཆར་འབབ་བོ། །ཞི་བའི་བློ་གྲོས་ཡང་ན་སྣང་བ་ཆེན་པོས་སྒྲུབ་པ་པོ་སྣང་བར་འགྱུར་རོ། །ཡང་ན་མེ་ཏོག་གི་ཕྲེང་བ་འགུལ་བར་འགྱུར་ཏེ། །མཆོད་ཡོན་
D496.087.0078b03.01བྱིན་ལ་བླངས་ན་འགྲུབ་པར་འགྱུར་རོ། །ཉི་མ་ཤར་བ་ལྟ་བུའི་མདོག་ཅན་དང་། ཡིད་ལྟར་མགྱོགས་པ་དང་། ཁམས་གཞན་དུ་མར་རྒྱུ་བ་དང་། མཆོད་པ་བྱེད་པ་དང་། དེ་བཞིན་གཤེགས་པ་ཐམས་ཅད་ལ་མཆོད་ཅིང་རིམ་གྲོ་བྱ་བ་ལ་མཁས་པ་དང་། དབང་ཕྱུག་
D496.087.0078b04.01ཐམས་ཅད་ཀྱི་གནས་ཐོབ་པ་དང་འདོད་ན་མཆི་བར་འགྱུར་རོ། །རྟག་ཏུ་རྗེས་སུ་དྲན་པར་བྱེད་ན་མི་མ་ཡིན་པའི་འཇིགས་པ་མི་འབྱུང་ངོ་། །བདག་འཆི་བ་ཤེས་པར་འགྱུར་རོ། །ལག་ན་རྡོ་རྗེ་བདག་ཉིད་སྟོན་པར་བྱེད་དོ། །ཤི་འཕོས་ནས་ཀྱང་ལྕང་ལོ་ཅན་དུ་ལག་ན་རྡོ་རྗེའི་ཁྱིམ་
D496.087.0078b05.01དུ་གཞོན་ནུའི་ལུས་འཐོབ་པར་འགྱུར་རོ། །ཉིན་གཅིག་བཞིན་དུ་སྙིང་པོ་འདི་ལན་བརྒྱ་རྩ་བརྒྱད་བཟླས་བརྗོད་བྱས་པའི་ཆུ་འཐུངས་ན་ནད་ཐམས་ཅད་མེད་པར་འགྱུར་རོ། །གི་ཝང་ལ་ལན་ཅིག་བསྔགས་ཏེ་མིག་ལ་བསྐུས་ན་གང་མཐོང་བ་དེ་དབང་དུ་འགྱུར་རོ། །སོ་ཤིང་ལ་
D496.087.0078b06.01སྔགས་ལན་ཅིག་བཏབ་སྟེ་འཆོས་ན་འདོད་པའི་ཟས་རྙེད་དོ། །ཆུའི་ནང་དུ་མེ་ཏོག་ཁ་དོག་ཅི་འདྲ་བ་བོར་བ་དེ་འདྲ་བའི་གོས་རྙེད་པར་འགྱུར་རོ། །ཁ་ལ་སྔགས་ཀྱིས་བཏབ་ན་གང་དང་སྨྲ་བ་དེ་དབང་དུ་འགྱུར་རོ། །ལྕགས་ཀྱུའི་ཕྱག་རྒྱ་བཅིངས་ལ་ཧཱུཾ་ཞེས་བྱ་བས་དུག་སེལ་ཏོ། །
D496.087.0078b07.01