完整藏文原文 · 德格版页 当前仅加载第 87 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བསྐོར། །གནས་དེར་ཐུབ་པ་ཆེན་པོ་ཡིས། །བཀོད་པ་ཆེན་པོར་གང་སྤྲུལ་པ། །དེ་དག་གི་ནི་གྲངས་ཚད་དང་། །དབྱིབས་དང་ཁ་དོག་གང་ཡིན་པ། །དེ་ནི་བསྐལ་པ་གྲངས་མེད་དུ། །བསྟན་པར་ནུས་པ་མ་ཡིན་ནོ། །དེ་རུ་དེད་ལ་དཔའ་བོ་ཆེ། །རྫོགས་
D496.087.0003a01.01པའི་སངས་རྒྱས་རྐང་གཉིས་མཆོག །ཡིད་གཉིས་སོམ་ཉི་སྤངས་པ་པོ། །དོགས་པ་གཅོད་པ་བལྟ་བར་གྱིས། །ཞེས་བསྐུལ་ཏོ། །དེ་ནས་འོད་ཟེར་དེ་དག་གིས་བྱང་ཆུབ་སེམས་དཔའ་ཐམས་ཅད་ལ་བསྐུལ་ནས་སླར་ལོག་སྟེ། བཅོམ་ལྡན་འདས་རྣམ་པར་སྣང་མཛད་ཀྱི་མགུར་
D496.087.0003a02.01དུ་རང་གི་གནས་སུ་བཞུགས་སོ། །དེ་ནས་བཅོམ་ལྡན་འདས་ཀྱིས་ཡང་མཛོད་སྤུ་ནས་ཡིད་བཞིན་གྱི་ནོར་བུ་བཀོད་པའི་མཛོད་ཀྱི་སྙིང་པོ་ཞེས་བྱ་བའི་འོད་ཟེར་སངས་རྒྱས་ཐམས་ཅད་ཡང་དག་པར་བསྐུལ་བ་འཁོར་འོད་ཟེར་བརྒྱ་སྟོང་དང་ལྡན་པ་ཕྱུང་སྟེ། དེ་ཡང་སངས་རྒྱས་ཀྱི་ཞིང་ཐམས་ཅད་དུ་
D496.087.0003a03.01སངས་རྒྱས་བཅོམ་ལྡན་འདས་དེ་དག་ལ། འདྲེན་པ་བཅོམ་ལྡན་རྣམ་པར་སྣང་མཛད་ལ། །བལྟ་བ་དང་ནི་མཆོད་པ་བགྱི་བ་དང་། །སེམས་ཅན་ཕན་པར་བཞེད་པས་ཆོས་བརྗོད་ཕྱིར། །ཁྱེད་ཅག་ཐམས་ཅད་མ་ཤོལ་འདིར་གཤེགས་ཤིག །ཅེས་ཡང་དག་པར་སྟོན་ཏོ། །དེ་
D496.087.0003a04.01ནས་འོད་ཟེར་དེ་དག་ཡང་སླར་ལོག་ནས་བཅོམ་ལྡན་འདས་ཀྱི་མཛོད་སྤུ་ཉིད་དུ་ཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་འོད་ཟེར་དེས་བསྐུལ་མ་ཐག་ཏུ། རང་རང་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ།
D496.087.0003a05.01བཅོམ་ལྡན་འདས་དག་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་བལྟ་བ་དང་། ཕྱག་བགྱི་བའི་སླད་དུ། རྒྱལ་པོ་དབང་སྒྱུར་གྱི་ཁང་པ་ཆེན་པོར་མཆི་ན། རྒྱལ་པོ་དབང་སྒྱུར་གྱི་ཁང་པ་ཆེན་
D496.087.0003a06.01པོ་དེ་ནི་འཇིག་རྟེན་གྱི་ཁམས་གང་ཞིག་ན་མཆིས། གང་དུ་བཅོམ་ལྡན་འདས་རྣམ་པར་སྣང་མཛད་དེ། མངོན་པར་རྫོགས་པར་སངས་རྒྱས་པའི་འཇིག་རྟེན་གྱི་ཁམས་དེའི་མིང་ནི་ཅི་ཞེས་བགྱི། དེའི་བྱང་ཆུབ་ཀྱི་སྙིང་པོ་ནི་ཅི་འདྲ་བ་ཞིག་ལགས་ཞེས་ཞུས་སོ། །དེ་སྐད་ཅེས་
D496.087.0003a07.01