完整藏文原文 · 德格版页 当前仅加载第 87 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
སློབ་དཔོན་གྱི་ནི་ཡོན་ཏན་བཟུང་། །སྐྱོན་རྣམས་ནམ་ཡང་གཟུང་མི་བྱ། །ཡོན་ཏན་འཛིན་ན་གྲུབ་པར་འགྱུར། །ཉེས་པ་རྣམས་ནི་དངོས་གྲུབ་ཉམས། །སློབ་དཔོན་ལ་ནི་སྨད་བྱས་ན། །འཇིག་རྟེན་དག་ན་ཚེ་ཐུང་ཞིང་། །དེ་བཞིན་ངན་སོང་འགྲོ་བར་འགྱུར། །ཉ་པ་
D496.087.0040a01.01ལ་སོགས་རིགས་སུ་སྐྱེ། །འདི་ནི་ཉེས་ཀུན་འབྱུང་གནས་ཏེ། །མཁས་པས་བླ་མ་སྐུར་མི་གདབ། །ཆོས་འདོད་རྣམས་ཀྱིས་སློབ་དཔོན་ལ། །རྟག་ཏུ་རྒྱུན་དུ་མཉེས་པར་བྱ། །གང་ན་རྒྱལ་བའི་སྲས་གནས་པ། །ས་དེ་མཆོད་རྟེན་འདྲ་བ་ཡིན། །དེར་ནི་རྒྱལ་སྲས་
D496.087.0040a02.01ཐམས་ཅད་དང་། །བདག་ཀྱང་སྙིང་ལས་ཆུང་བ་ཡིན། །སྦྱིན་སྲེག་ལས་ཀྱི་དམ་པ་འདི། །དཔའ་བོ་ཁྱོད་ལ་བརྗོད་པ་ནི། །སེམས་ཅན་རྣམས་ལ་ཕན་བཞེད་པས། །མགོན་པོ་རྣམས་ཀྱིས་སྔོན་ཆད་བཤད། །སྦྱིན་སྲེག་བྱ་བའི་ལས་རྣམས་ལ། །གང་གིས་འདི་ལྟར་རྣམ་
D496.087.0040a03.01ཤེས་པ། །དེ་ནི་སངས་རྒྱས་གསུངས་པ་བཞིན། །དངོས་གྲུབ་མྱུར་དུ་ཐོབ་པར་འགྱུར། །ལག་ན་རྡོ་རྗེ་དབང་བསྐུར་བ་ལས་མེའི་ཚིག་ལེའུར་བྱས་པའི་རྣམ་པར་ཕྱེ་བའོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་བཞི་པ། དེ་ནས་བྱང་ཆུབ་སེམས་
D496.087.0040a04.01དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །སངས་རྒྱས་སྔ་མས་བསྔགས་པ་ཡི། །དབང་བསྐུར་དཀྱིལ་འཁོར་བརྗོད་པར་བྱ། །ཁྲུ་གསུམ་ཚད་གཅིག་གཞག་ནས་སུ། །ཕྱི་རོལ་དཀྱིལ་འཁོར་བྲི་བར་བྱ། །དེ་ཡི་
D496.087.0040a05.01ཚད་ནི་ཁྲུ་བཞི་སྟེ། །དཀྱིལ་འཁོར་ལོགས་སུ་མངོན་ཕྱོགས་བྱ། །དེར་ཡང་སྔགས་པས་ཆ་བསྙམས་ཤིང་། །ཀུན་དུ་གྲུ་བཞི་ལྷམ་པར་བྱ། །སྔགས་པ་སྔགས་ཀྱི་ཚུལ་གནས་ཏེ། །མེ་ཡི་ཕྱོགས་སུ་འདུག་བྱས་ལ། །དེ་ཚེ་བྱང་དུ་མངོན་ཕྱོགས་ཏེ། །ཆོ་ག་བཞིན་དུ་ཐིག་
D496.087.0040a06.01སྐུད་བྲེ། །སྔ་མའི་གནས་ནི་སྤངས་ནས་ནི། །དབང་ལྡན་ཕྱོགས་སུ་འདུག་བྱས་ཏེ། །རླུང་ཕྱོགས་སྤྱོད་ཡུལ་བར་དུ་ནི། །བྱང་ཕྱོགས་ངོས་ཀྱི་ཐིག་གདབ་བོ། །རླུང་གི་ཕྱོགས་སུ་འདུག་ནས་སུ། །ལྷོ་ཕྱོགས་ལོགས་སུ་མངོན་བལྟས་ཏེ། །བདེན་བྲལ་ཕྱོགས་ཀྱི་བར་དུ་ནི། །
D496.087.0040a07.01