完整藏文原文 · 德格版页 当前仅加载第 87 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ། །དེ་ནས་ཐམས་ཅད་དང་ལྡན་པའི་འཁོར་ཆེན་པོ་དེ་ཡ་མཚན་དུ་ཆེའོ་སྙམ་དུ་སྙིང་འདུན་པར་གྱུར་ཏེ། འཇམ་དཔལ་གཞོན་ནུར་གྱུར་པ་ལ་བལྟ་ཞིང་འཁོད་དོ། །དེ་ནས་འཇམ་དཔལ་གཞོན་ནུར་གྱུར་པས་
D496.087.0024b01.01འཁོར་དེ་ཡ་མཚན་ཆེ་སྙམ་དུ་རྩེ་གཅིག་ཏུ་གྱུར་པར་རིག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི་དེ་བཞིན་གཤེགས་པ་དེ་དག་ལ་ཞུས་པ། གསང་
D496.087.0024b02.01སྔགས་རྒྱལ་པོ་བཀའ་སྩལ་ནས། །རྣམ་པར་འདྲེན་རྣམས་མི་གསུང་ལས། །བདེ་གཤེགས་སྲས་ལ་རྡོ་རྗེ་ཡིས། །དབང་བསྐུར་དུ་ནི་ངེས་པར་གདའ། །གསང་སྔགས་སྤྱོད་པ་ཡེ་ཤེས་ཆེ། །ཐེག་པ་ཆེན་པོའི་གོ་འཕང་མཆོག །དེར་ནི་ཐམས་ཅད་མཁྱེན་ཉིད་དང་། །དོན་
D496.087.0024b03.01ཀུན་གྲུབ་པའི་སྤྱོད་པ་འཐོབ། །གསང་སྔགས་སྤྱོད་ལས་བྱུང་བ་ཡི། །ཐེག་པ་ཆེན་པོ་ཐམས་ཅད་མཁྱེན། །སྔོན་གྱི་རྫོགས་སངས་རྒྱས་རྣམས་ཀྱིས། །ནགས་ཚལ་མཆོག་འདིར་རྟག་ཏུ་བཤད། །སཱ་ལའི་རྒྱལ་མཚན་ཉམས་དགའ་ཆེ། །སྤྱོད་པ་ཡང་དག་བསྟན་
D496.087.0024b04.01པའི་གནས། །སྔོན་གྱི་སྤྱོད་ལས་བྱུང་གྱུར་པ། །གསང་སྔགས་ཤེས་ལས་བྱུང་བར་བཤད། །གང་དག་འདས་པའི་རྫོགས་སངས་རྒྱས། །དེ་བཞིན་གང་དག་མ་བྱོན་དང་། །མགོན་པོ་གང་དག་ད་ལྟར་བྱུང་། །རྣམ་པར་འདྲེན་པ་བཞུགས་པ་རྣམས། །དེ་དག་
D496.087.0024b05.01ཐམས་ཅད་འདིར་གཤེགས་ནས། །གསང་སྔགས་སྤྱོད་ལས་བྱུང་བ་ཡི། །ཐེག་པ་ཆེན་པོས་དབང་བསྐུར་འདི། །བདེ་གཤེགས་སྲས་ལ་རབ་ཏུ་སྩོལ། །སངས་རྒྱས་དྲང་སྲོང་ཆེན་པོ་པ། །ཀུན་གྱི་དབང་ནི་བདག་ལགས་སོ། །འཇིག་རྟེན་ཕན་པར་འཚལ་བས་ན། །
D496.087.0024b06.01རྫོགས་སངས་རྒྱས་ལ་གསོལ་བ་འཚལ། །བསྟན་པ་ཀུན་ལ་བསྲུང་བ་དང་། །དམ་ཆོས་རྟག་གནས་བགྱི་སླད་དུ། །བདག་ཉིད་ཆེ་བའི་སྤྱི་གཙུག་ཏུ། །རྫོགས་སངས་རྒྱས་ཀྱིས་དབང་བསྐུར་སྩོལ། །གསང་སྔགས་སྤྱོད་ལས་བྱུང་བ་ཡི། །ཐེག་ཆེན་རྟོགས་པར་ཁོང་
D496.087.0024b07.01