完整藏文原文 · 德格版页 当前仅加载第 87 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པ་རྙེད། །གི་ཝང་དང་ནི་ལྡོང་རོས་དང་། །ལིག་བུ་མིག་ཀྱང་དེ་བཞིན་ནོ། །ཁ་ཟས་མི་བཟའ་གཙང་བྱས་ལ། །མཁས་པས་ལན་འབུམ་བཟླས་བརྗོད་བྱ། །སྔར་བསྙེན་བྱ་བ་མེད་པར་ཡང་། །སྔགས་པས་འགྲུབ་འགྱུར་ཐེ་ཙོམ་མེད། །འཇིག་
D496.087.0078a01.01རྟེན་གསུམ་ན་མི་སྣང་ཞིང་། །སྐྱེ་བོ་ཀུན་གྱིས་ཐུབ་མི་འགྱུར། །རི་དང་ནགས་ཚལ་བཅས་པ་ཡིས། །ས་རྣམས་ཀུན་དུ་རྣམ་པར་རྒྱུ། །བསྐལ་པར་གནས་ཤིང་གཟི་བརྗིད་ཆེ། །རྒ་དང་འཆི་བ་རྣམ་པར་སྤངས། །ཞི་བའི་བློ་གྲོས་གཞན་ཡང་དྲག་པོ་ཆེན་པོ་ལག་ན་
D496.087.0078a02.01རྡོ་རྗེའི་སྒྲུབ་པ་ནི་འདི་ཡིན་ཏེ། རང་གི་ཡུལ་ན་གནས་ཤིང་གཙང་བར་བྱས་ལ་བྱང་ཆུབ་ཀྱི་སེམས་དང་ལྡན་པའི་ཡིད་དུ་བྱས་ཏེ། རིའི་རྩེ་མོར་སོང་ལ་སློང་མོའི་ཟས་བཟའ་ཞིང་གོས་ལན་གསུམ་བརྗེས་ལ་དུས་གསུམ་དུ་ཁྲུས་བྱ་ཞིང་བྱང་ཆུབ་སེམས་དཔའི་སྡོམ་པས་བསྡམས་
D496.087.0078a03.01ཏེ། གུས་ཤིང་དེ་དང་མཐུན་པའི་ཆ་བྱད་དུ་བྱས་ལ་མི་སྨྲ་བར་ས་ཡ་གཅིག་འབུམ་བཟླས་བརྗོད་བྱའོ། །དེའི་འོག་ཏུ་རལ་གྲིའམ། འཁོར་ལོའམ། བེ་ཅོན་ནམ། ཞགས་པའམ། དགྲ་སྟའམ། གཏུན་ཤིང་རྐེད་ཉག་གམ། ཐོ་བའམ། མདུང་ཐུང་བླངས་ལ།
D496.087.0078a04.01བའི་རྣམ་ལྔས་བཀྲུས་ཤིང་སྤོས་ཆུས་ཀྱང་བཀྲུས་ལ་ཤུབས་དང་བཅས་པར་ལག་ན་ཐོགས་ཏེ། འགྲེང་ངམ་འདུག་ཀྱང་རུང་འགྲོ་ཡང་རུང་ཟླ་བ་གཅིག་བཟླས་བརྗོད་བྱའོ། །ཉལ་ན་ཡང་འཁོར་ལོས་སྒྱུར་བ་ཆེན་པོས་བསྲུང་བར་བྱའོ། །དེ་ནས་ཟླ་བ་ཕྱི་མ་ལ་ཚེས་ནས་བརྩམས་
D496.087.0078a05.01ཏེ་ཉའི་བར་དུ་བདོག་པ་ཐམས་ཅད་ཡོངས་སུ་གཏང་བར་བྱའོ། །དེ་ནས་ཟླ་བ་ཉ་ལ་ཅི་འབྱོར་པས་མཆོད་དེ། །བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ་རིའི་རྩེ་མོ་དེ་ཉིད་དུ་རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ། བདེ་བར་གཤེགས་པའི་མཐོ་གང་གི་ཚད་
D496.087.0078a06.01ཀྱི་སྐུ་གཟུགས་གཞག་ལ་མཆོད་པ་བྱས་ཏེ། ཕྱོགས་གཅིག་ཏུ་བསྒྲུབ་པའི་དཀྱིལ་འཁོར་བྲིའོ། །དེ་ལ་ཤར་ཕྱོགས་སུ་ནི་རིག་སྔགས་འཆང་གི་རྒྱལ་པོ་ཡན་ལག་བཀྲས་བྱིན་གཞག་གོ། །ལྷོ་ཕྱོགས་སུ་ནི་རིག་སྔགས་འཆང་གི་རྒྱལ་པོ་སྣ་ཚོགས་སྡེ་གཞག་གོ །ནུབ་
D496.087.0078a07.01