完整藏文原文 · 德格版页 当前仅加载第 62 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
དག་སྨྲས་སོ། །སྒྱུ་མའི་རྒྱལ་པོ་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་དཔའ་ཆེན་ཐབས་ཀྱི་སྐུ། །ཐབས་ཀྱི་མཚན་ཉིད་རབ་ཏུ་ཕུན་སུམ་ཚོགས། །ཐབས་མཆོག་དམ་པའི་ཆོས་རྣམས་རབ་ཏུ་སྟོན། །ཐབས་ཀྱི་དབྱིངས་རྣམས་སུ་ཡང་འཇོག་པར་མཛད། །ཐབས་ཀྱིས་སྤྲུལ་པ་དག་ནི་ཡོངས་སུ་
D213.062.0206b01.01སྟོན། །དེ་བཞིན་གཤེགས་པའི་སྐུ་ཡང་མཐའ་ཡས་ཏེ། །བློ་གྲོས་མཐའ་ཡས་གྲགས་པའང་མཐའ་ཡས་སོ། །དེ་བཞིན་གཤེགས་པའི་གཟི་བརྗིད་མཐའ་ཡས་ཏེ། །བདེ་གཤེགས་མཐའ་ཡས་སྟོབས་ཆེན་སྟོན་མཛད་པ། །གསང་བ་མཐའ་ལས་མཐའ་ཡས་དགོངས་དག་སྟོན། །འཇིག་རྟེན་རབ་ཏུ་སྣང་
D213.062.0206b02.01མཛད་མཐའ་ཡས་སོ། །དེ་བཞིན་གཤེགས་པའི་འོད་ཟེར་མཐའ་ཡས་པ། །ཡོན་ཏན་མཐའ་མེད་གྲངས་ལས་ཤིན་ཏུ་འདས། །དེ་བཞིན་གཤེགས་ནི་མཚུངས་མེད་དཔག་ཏུ་མེད། །ཆགས་མེད་ཡེ་ཤེས་ནམ་མཁའ་ལྟ་བུར་སྟོན། །དེ་བཞིན་གཤེགས་པའི་སྐུ་ནི་ནམ་མཁའ་བཞིན། །འཇམ་དཔལ་
D213.062.0206b03.01གཞོན་གྱུར་ཕན་བྱེད་ཞི་བར་བྱེད། །སོར་ཕྲེང་སླད་དུ་བདེ་གཤེགས་གཤེགས་པ་ནི། །གཤེགས་དང་མ་གཤེགས་ཤེས་ཀྱང་བརྗོད་མི་ནུས། །བདེ་གཤེགས་སྒྲ་གཅན་ཟིན་ལྟར་སྙོམས་པར་གཟིགས། །དེ་སྐད་ཅེས་གསོལ་པ་དང་། བཅོམ་ལྡན་འདས་དགྱེས་སོ། །ལྷ་དང་། མི་དང་། ལྷ་མ་ཡིན་དང་། དྲི་
D213.062.0206b04.01ཟར་བཅས་པའི་འཇིག་རྟེན་དང་། ཉན་ཐོས་དེ་དག་དང་། བྱང་ཆུབ་སེམས་དཔའ་དེ་དག་དང་། མཛོད་འཛིན་གྱི་རྒྱལ་པོ་གསལ་རྒྱལ་གྱིས་དེ་དག་ཐམས་ཅད་ཀྱང་སོར་མོའི་ཕྲེང་བའི་བྱང་ཆུབ་སེམས་དཔའི་སྤྱོད་པ་དང་། དེའི་སངས་རྒྱས་ཀྱི་ཞིང་དུ་སྐྱེ་བ་དང་། འཇམ་དཔལ་གཞོན་ནུར་གྱུར་པའི་བྱང་ཆུབ་སེམས་
D213.062.0206b05.01དཔའི་སྤྱོད་པ་དང་། དེའི་སངས་རྒྱས་ཀྱི་ཞིང་དུ་སྐྱེ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་ཡི་རངས་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཤིན་ཏུ་རྒྱས་པའི་ལུང་ཐེག་པ་ཆེན་པོའི་མདོ་ལས་མེ་ཏོག་ཨུ་དུམ་བཱ་ར་ལྟར་རབ་ཏུ་རྙེད་དཀའ་བ།
D213.062.0206b06.01འཕགས་པ་སོར་མོའི་ཕྲེང་བ་ལ་ཕན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ཞུ་ཆེན་གྱི་ལོཙྪ་བ་བན་དེ་དྷརྨ་ཏཱ་ཤཱི་ལ་དང་། རྒྱའི་ལོ་ཙྪ་བ་བན་དེ་ཏོང་ཨཱ་ཙརྱ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D213.062.0206b07.01