完整藏文原文 · 德格版页 当前仅加载第 62 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ་སྙམ་ནས། དེ་སྐད་མ་ཟེར་བར་བསད་པ་རེ་རེའི་སོར་མོ་རྣམས་ལོང་ཤིག །མི་སྟོང་སོད་ལ་སོར་མོ་རྣམས་ཕྲེང་བར་བྱས་ཏེ་འོངས་དང་། གདོད་བྲམ་ཟེར་འགྱུར་རོ་ཞེས་ཟེར་ནས་དེའི་ཕྱིར་སོར་མོའི་ཕྲེང་བ་ཞེས་བྱའོ། །ཡང་སོར་མོའི་ཕྲེང་བ་དེས་ལེགས་སོ་ཞེས་སྨྲས་ནས།
D213.062.0127b01.01མི་ཉིས་སྟོང་དུ་གཅིག་གིས་མ་ཚང་བ་བསད་དོ། །དེའི་ཚེ་སོར་མོའི་ཕྲེང་བའི་མ་ཟས་ཀྱི་མཆོག་དང་མངར་སྣ་བཞི་ཐོགས་ནས་བདག་གི་བུ་འདི་ལྟར་གྱུར་པ་ལྟ་ཞིག་ན་ཉོན་མོངས་བླུད་དོ་སྙམ་སྟེ་འོངས་པ་དང་། སོར་མོའི་ཕྲེང་བས་རང་གི་མ་འོངས་པར་མཐོང་ནས་བདག་གི་མ་མཐོ་རིས་
D213.062.0127b02.01སུ་འགྲོ་བར་བྱའོ་སྙམ་སྟེ་རལ་གྲི་ཐོགས་ནས་འོངས་སོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཡུལ་དང་དུས་མཁྱེན་ནས་མཉན་དུ་ཡོད་པ་ནས་གནག་པའི་དགོངས་སུ་འདོམ་བཞི་བཅུས་མ་ཚང་བའི་བར་དུ་ཤིང་ཨ་ཤོ་ཀའི་དྲུང་ན་ཐམས་ཅད་མཁྱེན་པའི་ཡེ་ཤེས་ཐམས་ཅད་དང་
D213.062.0127b03.01ལྡན་པ་དེ་ངང་པའི་རྒྱལ་པོ་བཞིན་དུ་མདུན་ན་བཞུགས་པར་གྱུར་ཏོ། །དེ་ནས་སོར་མོའི་ཕྲེང་བས་བཅོམ་ལྡན་འདས་མཐོང་ནས་འོ་ན་དགེ་སྦྱོང་གཽ་ཏ་མ་གསད་དོ་སྙམ་སྟེ། རལ་གྲི་ཐོགས་ནས་མགྱོགས་པ་མགྱོགས་པར་འོངས་སོ། །དེ་ནས་བཅོམ་ལྡན་འདས་ཡེ་ཤེས་ཐམས་
D213.062.0127b04.01ཅད་དང་ལྡན་པས་བདག་ཉིད་གཤེགས་པ་ལྟ་བུར་བསྟན་པ་དང་། སོར་མོའི་ཕྲེང་བས་མ་ལ་མདུན་གྱིས་བལྟས་ཏེ། གཉིས་ཀྱི་བར་དུ་ཚིགས་སུ་བཅད་པ་འདི་དག་སྨྲས་སོ། །བཞུགས་ཤིག་དགེ་སྦྱོང་ཁྱོད་བཞུགས་ཤིག །ཟས་གཙང་སྲས་པོ་བཞུགས་སུ་གསོལ། །བདག་ནི་
D213.062.0127b05.01སོར་མོའི་ཕྲེང་བ་སྟེ། །སོར་མོའི་ཤོ་གམ་བདག་སྩོལ་ཅིག །བཞུགས་ཤིག་དགེ་སྦྱོང་ཁྱོད་བཞུགས་ཤིག །ཚོན་གོས་མནབས་པ་བཞུགས་སུ་གསོལ། །བདག་ནི་སོར་མོའི་ཕྲེང་བ་སྟེ། །སོར་མོའི་ཤོ་གོམ་བདག་སྩོལ་ཅིག །བཞུགས་ཤིག་དགེ་སྦྱོང་ཁྱོད་བཞུགས་
D213.062.0127b06.01ཤིག །མཁས་པའི་གཙོ་བོ་བཞུགས་སུ་གསོལ། །བདག་ནི་སོར་མོའི་ཕྲེང་བ་སྟེ། །སོར་མོའི་ཤོ་གམ་བདག་སྩོལ་ཅིག །བཞུགས་ཤིག་དགེ་སྦྱོང་ཁྱོད་བཞུགས་ཤིག །ལྷུང་བཟེད་ཐོགས་པ་བཞུགས་སུ་གསོལ། །བདག་ནི་སོར་མོའི་ཕྲེང་བ་སྟེ། །
D213.062.0127b07.01