完整藏文原文 · 德格版页 当前仅加载第 62 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ཞེས་བྱ་བ། ཤིན་ཏུ་ཡིད་གཞུངས་ཤིང་། བླ་མ་ལ་མཆོད་པ་བྱེད་པ། དབང་པོ་ཐུལ་བ། བརྟུལ་ཞུགས་དང་མི་འགྱུར་བ་ལ་སྤྱོད་པ་དེ་སྲིད་སྲུང་གི་རིག་བྱེད་སློབ་བོ། །དེའི་ཚེ་སློབ་དཔོན་ནོར་བུ་བཟང་པོ་དེ་རྒྱལ་པོས་
D213.062.0126b01.01བོས་ནས། མཉན་དུ་ཡོད་པར་འགྲོ་བ་ན། རང་གི་སློབ་མ་བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ཁྱིམ་སྲུང་དུ་བཅུག་སྟེ། མཉན་དུ་ཡོད་པར་སོང་ངོ་། །དེ་ནས་དེའི་ཚེ་མཁན་པོའི་ཆུང་མ་གཞོན་ནུ་གཟུགས་བཟང་ཞིང་ཕུན་སུམ་ཚོགས་པ་དེས་
D213.062.0126b02.01བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་མཐོང་བ་དང་། སེམས་ཆགས་ནས་རབ་ཏུ་མི་བཟོད་པར་གྱུར་པ་དང་། གོས་དང་རྒྱན་རྣམས་ཀྱང་ལྷོད་ཅིང་འཕྱང་སྟེ། འདོད་ཆགས་ཀྱིས་ནོན་ནས། མགྱོགས་པ་མགྱོགས་པར་བྲམ་ཟེའི་བུ་འཇིག་རྟེན་ཐམས་
D213.062.0126b03.01ཅད་ཀྱིས་བལྟ་ན་སྡུག་པའི་གོས་ལས་བཟུང་སྟེ། འདོད་པ་ལ་གཞོལ་ཞིང་བསོད་ནམས་མ་ཡིན་པ་སྐྱེད་དོ། །དེ་ནས་བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེ་རང་བཞིན་གྱིས་བླ་མ་ལ་གུས་པ། དབང་པོ་དུལ་བ། བརྟུལ་ཞུགས་དང་མི་འགྱུར་བ་
D213.062.0126b04.01ལ་སྤྱོད་པ་སེམས་ཅན་གྱི་མཆོག་དེས་མཁན་པོའི་ཆུང་མ་ལ་འདི་སྐད་དུ་བླ་མའི་བཙུན་མོ་ཁྱོད་ནི་བདག་གི་མ་དང་འདྲ་སྟེ། དེ་ལྟར་མ་མཛད་ཅིག་ཅེས་སྨྲས་སོ། །དེ་གཏོང་བ་ལྟ་མི་བྱེད་ནས་གོས་གཅིག་བོར་ཏེ། ངོ་ཚ་ནས་གོས་གཅིག་དང་གུད་དུ་སོང་ངོ་། །དེ་ནས་མཁན་
D213.062.0126b05.01པོའི་ཆུང་མས་འཇིག་རྟེན་ཐམས་ཅད་ཀྱིས་བལྟ་ན་སྡུག་པའི་སེམས་ལ་རྣམ་པར་བརྟགས་ནས། མིག་མཆི་མས་གང་ཞིང་འདོད་པའི་འདོད་ཆགས་ཀྱིས་ནོན་ནས་རྣམ་པར་སེམས་པར་གྱུར་ཏེ། དེ་ནས་དེ་སྡུག་བསྔལ་ཞིང་འདི་སྙམ་སེམས་སོ། །འཇིག་རྟེན་ཐམས་
D213.062.0126b06.01ཅད་ཀྱིས་བལྟ་ན་སྡུག་པ་བདེ་བའི་བར་ཆད་བྱེད་པ་དེ་ཤིའང་སླས་བུད་མེད་གང་གི་ཁྱོར་ཡང་མ་གྱུར་པར་ཐལ་བར་གྱུར་ཅིག་སྙམ་སྟེ། ལུས་ཀུན་རང་གི་སེན་མོས་དྲལ་ནས་ན་ཞིང་མི་བདེ་སྟེ། ལུས་མི་སྡུག་པར་བཅོས་ནས་བུད་མེད་དེས་གཡོ་སྦྱར་ཏེ། ཁྱིམ་གཉིས་ཀྱི་
D213.062.0126b07.01