完整藏文原文 · 德格版页 当前仅加载第 62 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
རྫུ་འཕྲུལ་འདོད་པ་རྫུ་འཕྲུལ་འཐོབ། །སོར་ཕྲེང་དེ་ལྟར་ཤེས་པར་གྱིས། །རྫུ་འཕྲུལ་འདོད་ན་དེ་ལྟར་སྤྱོད། །དེ་ནས་ཚེ་དང་ལྡན་པ་མཽང་གལ་གྱི་བུ་ཆེན་པོ་ལ། སོར་མོའི་ཕྲེང་བས་སླར་འདི་སྐད་ཅེས་སྨྲས་སོ། །ཀྱེ་མ་བཙུན་པ་མཽང་གལ་གྱི་བུ་སྦྲང་བུའི་སྤྱད་པ་སྤྱོད་དེ།
D213.062.0148b01.01རྫུ་འཕྲུལ་ཀུན་བཟུང་བ་མི་ཤེས་སོ། །སྦྲང་བུ་ཡང་ནམ་མཁའ་ལ་འགྲོ། སྦྲང་བུའི་རྫུ་འཕྲུལ་གྱི་སྟོབས་ཅན་ཁྱོད་ཅང་མ་ཟེར་ཅིག །བདག་གྲོལ་ནས་དགྲོལ་བར་བྱའོ་སྙམ་སྟེ། ཕན་པའི་སེམས་དེས་ནི་རྫུ་འཕྲུལ་དང་ལྡན་པ་མྱུར་དུ་འགྲུབ་བོ། །དམ་པའི་
D213.062.0148b02.01ཆོས་ཕན་པར་སྟོན་པ་ཉམ་ཐག་པའི་ཚེ། དེའི་མདུན་དུ་བདག་གི་སྲོག་བོར་ན། དེས་རྫུ་འཕྲུལ་དང་ལྡན་པ་འགྲུབ་བོ། །སེམས་ཅན་བྱེ་བ་མང་པོ་བསྒྲལ་བ་ལས་ལྷག་པ་རྒྱལ་བའི་ཚལ་ན་རྫུ་འཕྲུལ་ག་ལ་ཡོད་ཀྱིས་ང་མི་འགྲོའོ། །དེ་ལྟར་ཐེག་པ་ཆེན་པོ་དཔག་ཏུ་
D213.062.0148b03.01མེད་པས་ན། དེ་བཞིན་གཤེགས་པའང་དཔག་ཏུ་མེད་དོ། །དེ་ནས་ཚེ་དང་ལྡན་པ་ཤཱ་རིའི་བུ་ལ་སོར་མོའི་ཕྲེང་བས་ཚིགས་སུ་བཅད་པ་འདི་སྐད་ཅེས་སྨྲས་སོ། །འཇིག་རྟེན་དག་ན་ཤེས་རབ་ཆེ་བ་གང་། །ཇི་ལྟ་བུར་ན་བློ་གྲོས་སྐྱེ་བར་འགྱུར། །ཡེ་ཤེས་
D213.062.0148b04.01ཆེན་པོ་ཁྱོད་ཀྱིས་མྱུར་བར་ཡང་། །མྱུར་དུ་སྨྲོས་ཏེ་ང་ཡི་ཐེ་ཙོམ་ཆོད། །དེ་ནས་ཚེ་དང་ལྡན་པ་ཤཱ་རིའི་བུས་སོར་མོའི་ཕྲེང་བ་ལ་ཚིགས་སུ་བཅད་པ་སླར་སྨྲས་པ། ཚུལ་ཁྲིམས་ལྔ་རྣམས་རབ་ཏུ་བསྲུངས་པས་ན། །བློ་མཆོག་ཤེས་རབ་ཆེན་པོ་འཐོབ་པར་
D213.062.0148b05.01འགྱུར། །ལུས་འདི་བོར་ནས་རང་གི་བློར་བཅས་ཏེ། །གང་དང་གང་དུ་འདོད་པ་དེར་སྐྱེ་སྟེ། །དེ་དང་དེར་ནི་ཤེས་རབ་ཆེན་པོར་འགྱུར། །ཕྱོགས་སུ་སྙན་པ་རྣམས་གྲགས་སོར་མོའི་ཕྲེང་། །དཔའ་ཆེན་བློ་ལྡན་དེ་ལྟར་ཤེས་པར་གྱིས། །དེ་ནས་སོར་མོའི་ཕྲེང་
D213.062.0148b06.01བས། ཚེ་དང་ལྡན་པ་ཤཱ་རིའི་བུ་ལ་སླར་འདི་སྐད་ཅེས་སྨྲས་སོ། །དེ་བཞིན་གཤེགས་པ་རྟག་པའོ་ཞེས་བསྟན་པ་མི་འཆི་བའི་ཚིག་འདི་ལས་ཤེས་རབ་ཆེན་པོ་སྐྱེ་སྟེ། དེ་ལྟར་སྟོན་པ་ཤེས་རབ་དང་ལྡན་པ་དེ་ནི་སངས་རྒྱས་ཡིན་ཏེ། ཀྱེ་མ་བཙུན་པ་ཤེས་རབ་ཆེན་
D213.062.0148b07.01