完整藏文原文 · 德格版页 当前仅加载第 62 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེ་དག་ནི་འཇིག་རྟེན་ན་མི་སྡུག་པའི་སྐྱོན་ཅན་དུ་འགྱུར་རོ། །ད་དུང་ཡང་སེམས་ཅན་དེ་དག་ནི་ཡན་ལག་ཐམས་ཅད་མ་ཚང་ཞིང་ཁ་མནམ་པ་འཇིག་རྟེན་དང་འཐུན་པར་འཇུག་པ་ལས་ཐམས་ཅད་ཕྱིར་ཕྱོགས་པར་འགྱུར་རོ། །མ་འོངས་པ་ན་
D213.062.0156a01.01ཡང་སེམས་ཅན་གང་ཁ་མི་གཙང་བའི་དྲི་མི་ཞིམ་པར་མནམ་པ་ཞ་བོ་གཞོགས་ཉམས་པ་ཡན་ལག་ཐམས་ཅད་མ་ཚང་བ་འཇིག་རྟེན་དང་འཐུན་པར་འཇུག་པ་ལས་ཕྱིར་ཕྱོགས་པའི་སེམས་ཅན་དེ་དག་ནི་གཞན་མ་ཡིན་ཏེ། བཙུན་པ་གང་པོ་འཇིག་རྟེན་ཐམས་ཅད་ཀྱིས་
D213.062.0156a02.01སྤངས་པའོ། །སེམས་ཅན་ཐམས་ཅད་ཀྱི་ལས་སྔར་བཤད་པ་རྣམས་ཤིན་ཏུ་ཡ་ང་བ་ཡིན་ཏེ། གལ་ཏེ་མིའི་སྐྱེ་གནས་སུ་སྐྱེ་བ་ཐོབ་ན་ཡང་འཇིག་རྟེན་གྱི་སྡུག་བསྔལ་བསམ་གྱིས་མི་ཁྱབ་པ་ཐམས་ཅད་འཐོབ་པར་འགྱུར་རོ། །དུད་འགྲོའི་སྐྱེ་གནས་དང་།
D213.062.0156a03.01གཤིན་རྗེའི་འཇིག་རྟེན་གྱི་སྡུག་བསྔལ་གྱི་སྐལ་བ་ཅན་དུ་འགྱུར་རོ། །རང་གིས་བྱས་པས་མ་རིག་པ་ཡུན་རིང་པོར་མྱོང་ཞིང་གནས་ཏེ། དེ་བཞིན་གཤེགས་པའི་ཡོན་ཏན་གྱི་བདག་ཉིད་ཆེན་པོ་ལས་ཕྱིར་ཕྱོགས་པ་དེ་དག་ལ་དགེ་བ་ཡུངས་འབྲུ་ཙམ་ཡང་རྙེད་པར་
D213.062.0156a04.01དཀའོ། །སྔོན་གང་དེ་བཞིན་གཤེགས་པ་མང་པོ་ལ་མཉེས་པར་བྱས་པས་དེ་བཞིན་གཤེགས་པའི་ཆེ་བ་ཐོས་ནས། སེ་གོལ་གཏོགས་པའི་སྲིད་དུ་འཛིན་ན་ཡང་དགེ་བའི་རྩ་བ་དེས་སེམས་ཅན་དེ་དག་དབང་པོ་ཐུལ་བ་དང་། ཕྱུག་ཅིང་རིགས་ཆེན་པོར་འགྱུར་རོ། །
D213.062.0156a05.01ད་ལྟར་ཡང་སེམས་ཅན་གང་དབང་པོ་ཐུལ་ཅིང་བྲན་བཟའ་མང་པོའི་ཁྱིམ་བདག་ཤིང་སཱ་ལ་ཆེན་པོ་ལྟ་བུ་དང་། བྲམ་ཟེའི་རིགས་ཆེན་པོར་གྱུར་པའི་སེམས་ཅན་དེ་དག་ནི་དེ་བཞིན་གཤེགས་པའི་སྙིང་པོ་རྣ་བ་ལ་རེག་པ་ཙམ་གྱིས་མཉེས་པར་བྱེད་ཅིང་བསོད་ནམས་ཀྱི་
D213.062.0156a06.01ལས་ཤིན་དུ་བྱེད་དོ། །མ་འོངས་པ་ན་ཡང་སེམས་ཅན་གང་དེ་བཞིན་གཤེགས་པའི་སྙིང་པོ་ཐོས་ནས། དེ་བཞིན་ཉིད་དུ་བསྒྲུབ་པ་དང་། མི་གང་བྲན་བཟའ་མང་ཞིང་རིགས་ཆེ་བའི་སེམས་ཅན་དེ་དག་ནི་གཞན་མ་ཡིན་ཏེ། བསོད་ནམས་བྱས་པའི་སེམས་ཅན་
D213.062.0156a07.01