完整藏文原文 · 德格版页 当前仅加载第 62 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་ན་མར་མེ་འདུག་པ་བཞིན་དུ་བུམ་པ་བཅག་ན་མར་མེ་རབ་ཏུ་འབར་ཞིང་མཛེས་ཏེ། དེ་བཞིན་གཤེགས་པའི་སྙིང་པོ་སྟོན་པར་བྱེད་པ་ནི་རྫོགས་པའི་སངས་རྒྱས་སོ། །ཡང་ན་རྫོགས་པའི་སངས་རྒྱས་ཀྱི་ཉན་ཐོས་ནི་བུམ་པ་ལྟ་བུ། ཉོན་མོངས་
D213.062.0158a01.01པ་མེད་པ་ནི་མར་མེ་ལྟ་བུ། དེ་བཞིན་གཤེགས་པའི་སྙིང་པོ་སྟོན་པར་བྱེད་པ་ནི་ཉོན་མོངས་པ་དང་བཅས་པའམ། ཉོན་མོངས་པ་མེད་པའམ། སུ་ཡང་རུང་སྟེ་དེ་ཉིད་རྫོགས་པའི་སངས་རྒྱས་ཞེས་བྱའོ། །བཙུན་པ་གང་པོ་སྒྲོལ་བ་ལམ་དུ་ཞུགས་པས་ཉོན་མོངས་པ་
D213.062.0158a02.01བྱེ་བ་བུམ་པ་ལྟར་བཅག་ན། ཕྱིས་གདོད་དབྱིངས་ཐམས་ཅད་ལག་མཐིལ་ན་སྐྱུ་རུ་རའི་འབྲུ་བཞིན་དུ་མཐོང་ངོ་། །དཔེར་ན་ཟླ་བ་དང་། ཉི་མ་སྤྲིན་གྱིས་གཡོགས་ན་སའི་སྟེང་དུ་མི་སྣང་ཞིང་སྤྲིན་ལས་གྲོལ་ན། ཟླ་བ་དང་། ཉི་མ་སའི་སྟེང་དུ་སྣང་བ་དེ་བཞིན་དུ། དེ་བཞིན་
D213.062.0158a03.01གཤེགས་པའི་སྙིང་པོ་ཉོན་མོངས་པ་བྱེ་བས་ཁེབས་ན་མི་སྣང་ངོ་། །ཟླ་བ་དང་། ཉི་མ་བཞིན་དུ་ཉོན་མོངས་པ་ལས་གྲོལ་ན། སངས་རྒྱས་ཀྱི་དབྱིངས་ཀྱི་ཉི་མ་དང་ཟླ་བ་ཡང་སྣང་ངོ་། །ཀྱེ་མ་བཙུན་པ་གང་པོ་ཁྱོད་ནི་སྦྲང་བུའི་སྤྱད་པ་ལྟ་བུ་ལ་སྤྱོད་དེ། ཆོས་ཀྱི་
D213.062.0158a04.01གཏམ་སྟོན་མི་ཤེས་སོ། །སྦྲང་བུ་ཡང་སྒྲ་འབྱིན་ན་དེ་ཡང་ཤེས་པ་ཡིན་ནམ། ལན་གཉིས་སུ་མ་སྨྲ་བར་སྦྲང་བུ་ཁྱོད་མྱུར་དུ་སོང་ཤིག། །དེ་ནས་གནས་བརྟན་མཛེས་{དགའས་,དགས་}བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སོར་མོའི་ཕྲེང་བ་ལ་
D213.062.0158a05.01འདི་སྐད་ཅེས་སྨྲས་སོ། །ལེགས་སོ་ལེགས་སོ། །སོར་མོའི་ཕྲེང་བ་ཁྱོད་ཀྱིས་འཐུན་པ་དང་རྗེས་སུ་དགོངས་པའི་བསོད་ནམས་བྱས་པ་ང་ཡང་དགའོ། །ད་སངས་རྒྱས་ཀྱི་གཟུགས་འདོད་པར་གྱིས་ལ་བྲམ་ཟེ་ཁྱོད་དེ་ལྟར་ཤེས་པར་གྱིས་ཤིག །དེ་ནས་སོར་
D213.062.0158a06.01མོའི་ཕྲེང་བས། མཛེས་དགའ་ལ་སླར་འདི་སྐད་ཅེས་སྨྲས་སོ། །བཙུན་པ་མཛེས་དགའ་ཁྱོད་ནི་བྱད་བཞིན་བཟང་བའི་མཆོག་ཡིན་ན། འཇིག་རྟེན་ན་རབ་ཏུ་བྱད་བཞིན་བཟང་བ་གང་ཇི་ལྟར་ན་མི་རྣམས་ཀྱི་གཟུགས་མཛེས་པ་བཟང་པོར་འགྱུར། མྱུར་དུ་སྨྲོས་
D213.062.0158a07.01