完整藏文原文 · 德格版页 当前仅加载第 62 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
དཀའ་ན། འཇིག་རྟེན་ལས་འདས་པའི་ཆོས་རྣམ་པར་དག་པ་དེ་བཞིན་གཤེགས་པའི་སྙིང་པོ་བསྟན་པ་ལྟ་ཅི་སྨོས། དེ་ལྟར་སྐྱེས་བུ་དམ་པ་དེ་སྟོང་གསུམ་གྱི་སྟོང་ཆེན་པོའི་མེའི་ཕུང་པོ་རབ་ཏུ་འབར་བ་ཁྱོར་བའི་ཆུས་ཞི་བར་བགྱི་བའི་སླད་དུ་དེར་མཆི་
D213.062.0191a01.01ཞིང་། ཤིན་ཏུ་དཀའ་བ་བགྱིད་པ་དེ་ནི་སྐྱེས་བུ་དེ་གཞན་མ་ལགས་ཀྱི། དེ་བཞིན་གཤེགས་པ་ཉིད་ལགས་པ་སྙམ་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །ངས་ཀྱང་ཚིག་དེ་སྐད་སྨྲས་སོ། །སྐྱེས་བུ་དེ་ཤིན་ཏུ་
D213.062.0191a02.01དཀའ་བ་བྱེད་པ་ནི་སངས་རྒྱས་ཐམས་ཅད་ཀྱིས་བསྐལ་པ་བྱེ་བ་སྙེད་དུ་ཡོན་ཏན་བཤད་ཀྱང་དེའི་མཐའ་མི་རྙེད་དོ། །གཞན་ཡང་རིགས་ཀྱི་བུ་འདི་ལྟ་སྟེ། རྒྱ་མཚོ་ཆེན་པོའི་ཆུའི་ཕུང་པོར་ཆུ་བོ་ཐམས་ཅད་འབབ་པ་མི་མངོན་པ་དེ་བཞིན་དུ་སྐྱེས་བུ་དེའི་བློའི་ནང་དུ་
D213.062.0191a03.01འཇིག་རྟེན་ཐམས་ཅད་ཀྱི་བློ་དེའི་ནང་དུ་ཞུགས་པར་མི་སྣང་ངོ་། །གཞན་ཡང་རིགས་ཀྱི་བུ་རྒྱ་མཚོ་ཆེན་པོ་ནི་སེམས་ཅན་གྱི་རོ་ཐམས་ཅད་མཐར་འབྱིན་པ་དེ་བཞིན་དུ་སྐྱེས་བུ་དམ་པ་དེ་ཡང་མིག་ཟུར་ཡང་མི་ལྟ། ཁྱིམ་ལ་ཆགས་པ་ཡང་མེད། ཆོས་དང་མི་ལྡན་པ་
D213.062.0191a04.01རྣམས་དང་རིགས་འདྲེས་པ་ཡང་མེད། དེ་བཞིན་གཤེགས་པའི་སྙིང་པོ་ལ་སྨོད་པ་བྱེད་པ་རྣམས་ཀྱང་སྤངས་ཏེ། སྐྱེས་བུ་དམ་པ་དེ་ལྟ་བུ་ནི་ཤིན་ཏུ་དཀའ་བ་བྱེད་པའོ། །གང་དེའི་ཕྱོགས་འཛིན་ཅིང་ཉན་པ་དེ་དག་ཀྱང་། ངའི་ཉན་ཐོས་ཤིན་ཏུ་དཀའ་བ་བྱེད་པ་ཡིན་ནོ། །
D213.062.0191a05.01གསོལ་པ། བཅོམ་ལྡན་འདས་མཚན་ཉིད་དུ་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་གསར་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མཚན་ཉིད་བརྒྱད་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་གསར་ཡིན་
D213.062.0191a06.01ནོ། །བརྒྱད་གང་ཞེ་ན། ཆོས་ལ་སེམས་པ་དང་། རྟོག་ཅིང་གཞིག་པ་དང་། ལེན་ཅིང་འཛིན་པ་དང་། ཕ་མ་ལ་སྲི་ཞུ་ཆེ་བ་དང་། རང་གི་སློབ་དཔོན་ལ་བྱས་པ་གཟོ་བ་དང་། ལྟ་བ་ཐམས་ཅད་དང་མི་འཐུན་པ་དང་། མཚན་མ་ཐམས་ཅད་ལ་ཁྱད་དུ་གསོད་ཅིང་འདུལ་
D213.062.0191a07.01