完整藏文原文 · 德格版页 当前仅加载第 62 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ན་རྒྱགས་པ་བཅོམ་སྟེ། བདག་གི་སློབ་མར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་{བརྫུན་,རྫུན་}སྨྲ་བ་སྤངས་པའི་ཚུལ་ཁྲིམས་ཟུང་ཤིག །བཅོམ་ལྡན་འདས་ལ་སོར་མོའི་ཕྲེང་བས་སླར་འདི་སྐད་ཅེས་གསོལ་
D213.062.0166a01.01ཏོ། །བདག་ནི་{བརྫུན་,རྫུན་}སྨྲ་བ་སྤངས་པའི་ཚུལ་ཁྲིམས་མི་འཛིན་ཏོ། །ཆོས་ཐམས་ཅད་ནི་མི་བདེན་པ་སྟེ། བདག་ནི་མི་བདེན་པར་སྨྲ་བའི་ཆོས་སྟོན་ཏོ། །དེ་ནི་སངས་རྒྱས་ཀྱི་ཆོས་ཉིད་དེ་མི་བདེན་པ་ཞེས་བགྱིའོ། །ཆོས་ཐམས་ཅད་ནི་སྟོང་པ་སྟེ། དགྲ་བཅོམ་པ་ཞེས་
D213.062.0166a02.01བགྱི་བའི་ཆོས་ཐམས་ཅད་ཀྱང་{བརྫུན་,རྫུན་}ཞེས་བགྱིའོ། །ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་སྤྱོད་པ་འཇིག་རྟེན་དང་འཐུན་པའི་རྗེས་སུ་འཇུག་པ་རྣམས་ཀྱང་མི་བདེན་པའི་ཆོས་ཞེས་བགྱིའོ། །བདག་འཇིག་རྟེན་དུ་སྐྱེས་ཏེ་རབ་ཏུ་བྱུང་ཞིང་བསྙེན་པར་
D213.062.0166a03.01རྫོགས་ནས། བདག་གིས་དགྲ་བཅོམ་པ་ཐོབ་པོ། །གཞན་གྱི་སྦྱིན་པའི་དངོས་པོ་ལ་སྤྱད་དོ། །བདག་འཇིག་རྟེན་ན་འཆག་གོ། །བདག་གིས་ནི་རྨ་དགུ་ནས་དེའི་བགྱི་བ་བགྱིའོ། །བདག་ལྷ་མ་འཚལ་ལོ། །བདག་གིས་སོ་ཤིང་བླང་ངོ་། །བདག་གིས་
D213.062.0166a04.01མིག་རྩི་བྱུག་གོ། །བདག་སྒོམ་མོ། །བདག་གཉིད་གཅག་གོ། །བདག་གི་མགོ་བོ་བྲེག་གོ། །བདག་མལ་དུ་ཞུགས་ཏེ་ཉལ་ལོ། །རྐེད་པ་ན་བ་ཞིག་བྱུང་ངོ་། །བད་ཀན་དང་མཁྲིས་པ་དང་། རླུང་དང་། འདུས་པ་ཞིག་བྱུང་སྟེ། བདག་གིས་སྨན་བཏུང་ངོ་། །
D213.062.0166a05.01བདག་ནི་ཤིང་ཟད་པའི་མེ་བཞིན་དུ་ཡོངས་སུ་མྱ་ངན་ལས་འདའོ་ཞེས་བྱ་བ་ལ་སོགས་པའི་ཆོས་ཐམས་ཅད་ནི་མི་བདེན་པ་སྟེ། ཇི་ཙམ་དུ་ཐབས་ཀྱིས་བྱ་བ་དང་། འཇིག་རྟེན་ན་ཐབས་ཀྱིས་བྱ་བ་ལ་བདག་ཡོངས་སུ་སྤྱོད་པའི་བར་དུ་{བརྫུན་,རྫུན་}སྨྲ་བའི་ཚུལ་ཁྲིམས་མི་སྤྱོད་དོ། །
D213.062.0166a06.01དེ་ཁོ་ནའི་ཆོས་བདེན་པའི་ཆོས་རབ་ཏུ་བཤད་ཀྱིས་ང་ལས་ཉོན་ཅིག །བཙུན་པ་མཽད་གལ་གྱི་བུ་ཆེན་པོ་གང་དེ་བཞིན་གཤེགས་པའི་སྙིང་པོ་བདེན་པ་ཡང་དག་པ་ཉིད། དོན་དམ་པའི་སྐུ་རྟག་པའི་སྐུ། དེ་བཞིན་གཤེགས་པའི་བསམ་གྱིས་མི་ཁྱབ་པའི་སྐུ། དོན་
D213.062.0166a07.01