完整藏文原文 · 德格版页 当前仅加载第 62 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མི་གནས་སོ། །བཅོམ་ལྡན་འདས་ཀྱིས་བཀའ་སྩལ་པ། གང་འཇིག་རྟེན་པ་ལ་སངས་རྒྱས་ཀྱི་ཚིག་དང་འཐུན་པ་ཡོད་པ་དེ་ཡང་ཐམས་ཅད་དུ་ཐམས་ཅད་སངས་རྒྱས་ཀྱི་ཚིག་ཏུ་རིག་པར་བྱའོ། །འཇམ་དཔལ་འཇིག་རྟེན་པ་རྣམས་ཀྱང་ཐར་པ་བརྗོད་
D213.062.0198a01.01དེ། དེ་དག་ལ་ཐར་པ་མེད་ཀྱི། བཅོམ་ལྡན་འདས་ཀྱི་བསྟན་པ་ལ་ཐར་པ་ཡོད་དོ། །དེ་དག་ལ་ཡང་རབ་ཏུ་འབྱུང་བ་ཡོད་དེ། དེ་དག་གི་རབ་ཏུ་འབྱུང་བ་མ་ཡིན་ནོ། །བཅོམ་ལྡན་འདས་ཀྱི་བསྟན་པ་ལ་ནི་རབ་ཏུ་འབྱུང་བ་ཡོད་དོ། །འཇིག་རྟེན་པ་ལ་ཡང་ཤ་ཟ་བ་
D213.062.0198a02.01ནི་བདག་ཉིད་ཟ་བའོ་ཞེས་བརྗོད་དེ། དེ་ཡང་བདག་ཉིད་བདག་ཉིད་ཀྱི་ཤ་ལ་མི་ཟ་སྟེ། བཅོམ་ལྡན་འདས་ཀྱི་བསྟན་པ་ལ་ནི་བདག་ཉིད་ཀྱི་ཤ་ཟ་བར་ངེས་སོ། །འཇམ་དཔལ་འཇིག་རྟེན་དུ་ཡ་མཚན་ཅན་ཐམས་ཅད་བྱུང་བ་མདོ་སྡེ་འདི་ལས་བསྟན་པ་ཉན་འདོད་དམ།
D213.062.0198a03.01གསོལ་པ། བཅོམ་ལྡན་འདས་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སྔོན་འདས་པའི་དུས་ན་བྱུང་བ་གྲངས་མེད་པའི་བསྐལ་པ་བས་ཀྱང་ཆེས་གྲངས་མེད་པ་བསྐལ་པ་ཡངས་པ་བས་ཀྱང་ཆེས་ཡངས་པ། དཔག་ཏུ་མེད་པ་
D213.062.0198a04.01བས་ཀྱང་ཆེས་དཔག་ཏུ་མེད་པ་དེའི་ཚེ་དེའི་དུས་ན། དེ་བཞིན་གཤེགས་པ་ཀོ་སན་ཏ་བཟང་པོ་ཞེས་བྱ་བ་འཇིག་རྟེན་དུ་གྲོང་འདིར་བྱུང་སྟེ། །དེའི་ཚེ་ཡ་མཚན་ཅན་མེད་ཅིང་ཡ་མཚན་ཅན་གྱི་མིང་ཡང་མེད་དོ། །སེམས་ཅན་ཐེག་པ་ཆེན་པོ་པར་གྱུར་ཏེ། སེམས་
D213.062.0198a05.01ཅན་རྣམས་ཤིན་ཏུ་བདེ་བ་དང་ལྡན་པར་གྱུར་ཏོ། །དེའི་ཚེ་དེ་བཞིན་གཤེགས་པ་དེ་འཇིག་རྟེན་གྱི་ཁམས་འདིར་ལོ་མང་དུ་བཞུགས་ནས་ཡོངས་སུ་མྱ་ངན་ལས་འདས་སོ། །ཡོངས་སུ་མྱ་ངན་ལས་འདས་པའི་བསྟན་པ་ཡང་ལོ་མང་དུ་གནས་ནས། དམ་པའི་ཆོས་
D213.062.0198a06.01ནུབ་པར་གྱུར་པའི་ཚེ། དགེ་སློང་ཚུལ་ཁྲིམས་དང་ལྡན་པ་བྲི་བའི་དུས་ན། ཆོས་མ་ཡིན་པའི་ཕྱོགས་འཕེལ་བའི་ཚེ། དགེ་སློང་སངས་རྒྱས་ཀྱི་བློ་གྲོས་ཞེས་བྱ་བ་ཞིག་དགོན་པ་ན་གནས་ཏེ། དགེ་སློང་དེ་ལ་སེམས་ཅན་དགེ་བའི་རྩ་བ་དང་ལྡན་པ་གཅིག་གིས། རིན་
D213.062.0198a07.01