完整藏文原文 · 德格版页 当前仅加载第 62 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་རྣམས་སྤངས་ཏེ། སེམས་ཅན་རྣམས་ཀྱང་དེ་བཞིན་དུ་སྤོང་དུ་བཅུག་པས། དེ་ལས་ངའི་ལུས་བཟང་པོའི་སྐུར་གྱུར་ཏོ། །ཚེ་རབས་གྲངས་མེད་པ་མང་པོར་ངས་ལྷ་དང་མིར་བཅས་པའི་སེམས་ཅན་བྱེ་བ་མང་པོ་ཉོན་མོངས་པ་བྱེ་བ་མང་པོ་ཐམས་ཅད་སྦྱོང་དུ་
D213.062.0187a01.01བཅུག་པས། དེ་ལས་ངའི་ལུས་སྤྲོས་པ་མེད་པའི་སྐུར་གྱུར་ཏོ། །ཚེ་རབས་གྲངས་མེད་པ་མང་པོར་ངས་སེམས་ཅན་སྐྱོན་ཆགས་པའི་ཡ་མཚན་ཅན་བྱེ་བ་མང་པོ་རྣམས་ལ་ལྕེ་འབབ་པ་ལྟ་བུར་དེ་དག་གི་གོ་སྐབས་བཅོམ་སྟེ། སྐྱེ་བོ་མེད་པར་བྱས་པས་དེ་ལས་ངའི་ལུས་
D213.062.0187a02.01ཀུན་གཞི་བཅོམ་པའི་སྐུར་གྱུར་ཏོ། །གྲངས་མེད་པ་མང་པོར་ངས་ཕྱིན་ཅི་ལོག་བཞིས་འཁྱམས་པའི་སེམས་ཅན་བྱེ་བ་མང་པོ་ཆོས་ཀྱི་ཁུ་བ་ཞིམ་པོ་བླུད་པས། དེ་ལས་ངའི་ལུས་སྤྲུལ་པའི་ཚངས་པ་ལྟར་ལྷའི་ལུས་སུ་གྱུར་ཏོ། །གྲངས་མེད་པ་མང་པོར་ངས་སེམས་ཅན་བྱེ་བ་མང་
D213.062.0187a03.01པོ་རྣམས་ལ་དེ་བཞིན་གཤེགས་པའི་སྙིང་པོ་དབེན་པ་དང་། རྟག་པའི་ཚོལ་བ་ལ་ཉེས་པ་དང་མ་བསྲེ་ཤིག་ཅེས་དྲང་པོར་བྱས་པས། དེ་ལས་ངའི་ལུས་དབེན་ཞིང་རྣམ་པར་གྲོལ་བའི་སྐུར་གྱུར་ཏོ། །ཚེ་རབས་མང་པོ་གྲངས་མེད་པ་གང་གཱའི་ཀླུང་གི་བྱེ་མ་སྙེད་དུ། ངས་སེམས་
D213.062.0187a04.01ཅན་བྱེ་བ་མང་པོ་རྣམས་ལ་སངས་རྒྱས་ཀྱི་ཚིག་གོ་ཞེས་སོར་མོའི་རྩེ་མོས་ཟླ་བ་བསྟན་པ་བཞིན་དུ་བཀོད་པས། དེ་ལས་ངའི་ལུས་སོ་སོར་བྲལ་བའི་སྐུར་གྱུར་ཏོ། །ཚེ་རབས་གྲངས་མེད་པ་མང་པོར་ཡོངས་སུ་མྱ་ངན་ལས་བཟླ་བས་ཡོངས་སུ་མྱ་ངན་ལས་ཟློ་ཞིང་ཤིན་ཏུ་
D213.062.0187a05.01ཡོངས་སུ་མྱ་ངན་ལས་འདའ་བས་ཀྱང་། ཡོངས་སུ་མྱ་ངན་ལས་མ་བཟླས་ཏེ། དེའི་ཕྱིར་ངའི་ལུས་ཆོས་ཉིད་ཀྱིས་ཆོས་ཀྱི་སྐུར་གྱུར་ཏོ། །ཚེ་རབས་གྲངས་མེད་པ་གང་གཱའི་ཀླུང་གི་བྱེ་མ་མང་པོ་སྙེད་དུ། ངས་སེམས་ཅན་བྱེ་བ་མང་པོ་རྣམས་ལ་དེ་བཞིན་གཤེགས་
D213.062.0187a06.01པའི་སྙིང་པོ་ལ་ཤིན་ཏུ་ནན་ཏན་དུ་བཙལ་ཀྱང་དྲི་མ་མེད་དོ་ཞེས་བསྟན་པས། དེ་ལས་ངའི་ལུས་དབྱིངས་ཀྱི་སྐུར་གྱུར་ཏོ། །དབྱིངས་དེ་ཡང་སེམས་ཅན་ཐམས་ཅད་ལ་ཡོད་དེ། གྲངས་མེད་པ་མང་པོར་ངས་ཐེག་པ་ཆེན་པོ་ཆགས་པ་མེད་པའི་ཡེ་ཤེས་བདག་མེད་པ་བདག་
D213.062.0187a07.01