完整藏文原文 · 德格版页 当前仅加载第 62 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་སངས་རྒྱས་བཅོམ་ལྡན་འདས་དེ་དག་གི་འཇིག་རྟེན་གྱི་ཁམས་དེ་དག་ཅི་འདྲ། དེ་གཉིས་ཀྱིས་གསོལ་པ། དེ་བཞིན་གཤེགས་པ་ཐམས་ཅད་ཀྱི་འཇིག་རྟེན་གྱི་ཁམས་སུ། བདག་ཅག་གིས་ཕྱིན་པ་ཐམས་ཅད་ནི་གྲམ་པ་དང་། གྱོ་མོ་ཐམས་
D213.062.0183b01.01ཅད་མ་མཆིས་པ། ལག་མཐིལ་བཞིན་དུ་མཉམ་པ། ཀ་ཙ་ལིན་དི་ཀ་བཞིན་དུ་རེག་ན་བདེ་བ། བདེ་བ་ཅན་གྱི་འཇིག་རྟེན་གྱི་ཁམས་ལྟར་སྙིགས་མ་ལྔ་དང་བྲལ་བ། ཉན་ཐོས་དང་། རང་སངས་རྒྱས་དང་། བུད་མེད་མ་མཆིས་པ་ཐེག་པ་དམ་པ་གཅིག་སྟེ། ཐེག་པ་གཞན་
D213.062.0183b02.01ལ་མི་འཇུག་གོ། །བཀའ་སྩལ་པ། དེ་བཞིན་གཤེགས་པ་དེ་རྣམས་ཀྱི་མཚན་རིགས་ཀྱི་བུའམ། རིགས་ཀྱི་བུ་མོ་གང་ཁ་ཏོན་ལེགས་པར་བྱེད་དམ། འདྲིའམ། ཉན་ཀྱང་རུང་སྟེ། བསྟིང་ངམ། བརྗོད་དམ། གཞན་གྱི་ཕྱིར་འཕྱའམ། བདག་གིས་བརྗོད་ན། བདག་
D213.062.0183b03.01འཇིགས་པ་ཐམས་ཅད་མེད་པར་འགྱུར་རོ། །ལྷ་ཐམས་ཅད་ཀྱང་དེ་ལ་གནོད་པར་མི་བྱེད་དོ། །དེ་བཞིན་དུ་ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དྲི་ཟ་ལ་སོགས་པས་ཀྱང་མི་ཚུགས་སོ། །ཐོས་ནས་ལ་ལ་སྲུང་བར་
D213.062.0183b04.01འགྱུར། དེས་འགྲོ་བ་བཞི་བཅད་པ་ཡིན། བྱང་ཆུབ་ཀྱི་སེམས་མ་སྐྱེས་པ་དེ་དག་ཀྱང་བྱང་ཆུབ་ཀྱི་རྒྱུ་ཐོབ་པར་འགྱུར་རོ་ཞེས་གསུང་ངོ་། །སོར་མོའི་ཕྲེང་བ་གཞན་ཡང་དེ་བཞིན་གཤེགས་པའི་ཆེ་བ་ཉིད་ངོ་མཚར་ནི་གཟུངས་མཚུངས་པ་མེད་པའི་མདོ་སྡེ་ཆེན་པོ་ལས་
D213.062.0183b05.01སངས་རྒྱས་བྱེ་བ་ཕྲག་བརྒྱད་ཅུ་རྩ་གཅིག་སྟེ། ང་ཉིད་དེ་བཞིན་གཤེགས་པ་དེ་ཉིད་ཡིན་ནོ་ཞེས་རྒྱ་ཆེར་བཤད་དོ། །དེ་བཞིན་དུ་སངས་རྒྱས་ཀྱི་ཞིང་བསྔགས་པ་ཡང་བསམ་གྱིས་མི་ཁྱབ་བོ། །དེ་ལྟར་དེ་བཞིན་གཤེགས་པའང་ཚད་མེད་པ་སྟེ། དེ་ལྟར་དེ་བཞིན་
D213.062.0183b06.01གཤེགས་པའི་གཟུགས་ཀྱི་སྐུ་ཡང་མཐའ་ཡས་གྲངས་མེད་དེ། དེ་ལྟ་བུའི་ཡོན་ཏན་གྱི་མཚན་ཉིད་དང་ལྡན་པ་ལ་མི་རྟག་པ་དང་། ནད་ལྟ་ག་ལ་འབྱུང་། ད་དེ་བཞིན་གཤེགས་པའི་སྐུ་རྟག་པ་དང་། མཐའ་ཡས་པ་རྩ་བ་དང་བཅས། རྒྱུ་དང་རྐྱེན་དུ་
D213.062.0183b07.01