完整藏文原文 · 德格版页 当前仅加载第 62 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་ཀྱི་འཇིག་རྟེན་གྱི་ཁམས་འདས་པ་ན། འཇིག་རྟེན་གྱི་ཁམས་རྟག་ཏུ་དགའ་བའི་རྒྱལ་པོ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐེ་ཙོམ་དང་ཡིད་གཉིས་ཐམས་ཅད་གཅོད་པའི་འབྱུང་གནས་རྒྱལ་པོ་ཞེས་བྱ་བ་ད་
D213.062.0182b01.01ལྟར་བཞུགས་ཏེ། འཚོ་ཞིང་གཞེས་ཀྱིས། དེ་བཞིན་གཤེགས་པ་དེ་ལ་བཅོམ་ལྡན་འདས་ཤཱཀྱ་ཐུབ་པ་མི་མཇེད་ཀྱི་འཇིག་རྟེན་གྱི་ཁམས་ན་ཡོངས་སུ་མྱ་ངན་ལས་མ་འདས་པར་བཞུགས་ཤིང་། དེ་བཞིན་གཤེགས་པ་ཐམས་ཅད་ཀྱི་ཚིག་གི་དཔེས་བརྒྱན་པའི་ཐར་པའི་
D213.062.0182b02.01མཐའ་ལ་ཇི་ལྟར་གནས་པ། འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་ཁྱོད་དེང་ལ་བཅོམ་ལྡན་འདས་དེ་བཞིན་གཤེགས་པ་དེ་ལ་དྲིས་ཤིག །ཁྱོད་ཀྱི་ཐེ་ཙོམ་དང་ཡིད་གཉིས་ཐམས་ཅད་གཅོད་པར་འགྱུར་ཏེ། དེ་བས་ན་དེ་བཞིན་གཤེགས་པ་དེའི་མཚན་ཐེ་ཙོམ་
D213.062.0182b03.01དང་། ཡིད་གཉིས་ཐམས་ཅད་གཅོད་པ་ཞེས་བྱའོ། །དེ་ནས་འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བས་བཅོམ་ལྡན་འདས་ལ་ལེགས་སོ་ལེགས་སོ་ཞེས་གསོལ་ནས། དེ་བཞིན་གཤེགས་པའི་ཞབས་ལ་མགོ་བོས་ཕྱག་འཚལ་ནས། རྫུ་འཕྲུལ་
D213.062.0182b04.01གྱི་རྐང་པའི་སྟོབས་ཀྱིས་ངང་པའི་རྒྱལ་པོ་ལྟར་དོང་སྟེ། རྟག་ཏུ་དགའ་བའི་རྒྱལ་པོ་ཞེས་བྱ་བའི་འཇིག་རྟེན་གྱི་ཁམས་དེར་ཕྱིན་ནས། དེ་བཞིན་གཤེགས་པ་ཐེ་ཙོམ་དང་ཡིད་གཉིས་ཐམས་ཅད་གཅོད་པ་ཞེས་བྱ་བའི་ཞབས་ལ་མགོ་བོས་ཕྱག་འཚལ་ཏེ། ཕྱོགས་
D213.062.0182b05.01གཅིག་ཏུ་འཁོད་ནས་གསོལ་པ། བཅོམ་ལྡན་འདས་བདག་ཅག་གཉིས་མི་མཇེད་ཀྱི་འཇིག་རྟེན་གྱི་ཁམས་ནས། དེ་བཞིན་གཤེགས་པ་ཤཱཀྱ་ཐུབ་པའི་ཞབས་ཀྱི་དྲུང་ནས་འདིར་མཆིས་སོ། །ཕྱོགས་བཅུའི་སངས་རྒྱས་བཅུའི་ཞབས་ཀྱི་དྲུང་དུའང་ཕྱིན་ཏེ། བཅོམ་
D213.062.0182b06.01ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་མི་མཇེད་ཀྱི་འཇིག་རྟེན་གྱི་ཁམས་ན་བཞུགས་ཏེ། མྱ་ངན་ལས་མ་འདས་བཞིན་དུ་ཐར་པའི་མཐའ་ལ་ཇི་ལྟར་གནས་པ་དེ་དག་ཐམས་ཅད་ལ་ཞུས་ན། དེ་བཞིན་གཤེགས་པ་དེ་དག་གིས་འདི་སྐད་དུ་བཀའ་སྩལ་ཏེ། དེ་བཞིན་
D213.062.0182b07.01