完整藏文原文 · 德格版页 当前仅加载第 62 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་ཆང་འཐུང་བ་སྤངས་པའི་ཚུལ་ཁྲིམས་ཟུང་ཤིག །དེ་ནས་སོར་མོའི་ཕྲེང་བས་བཅོམ་ལྡན་འདས་ལ་སླར་ཚིགས་སུ་བཅད་པས་གསོལ་པ། ཆང་སྤོང་བ་ཡི་ཚུལ་ཁྲིམས་བདག་
D213.062.0167a01.01མི་འཛིན། །ཆང་ལས་མྱོས་པ་སྐྱེས་པའི་ཚུལ་ཁྲིམས་འཛིན། །ཆང་འཐུངས་པ་ནི་ང་རྒྱལ་སྐྱེ་བར་བརྗོད། །འགྲོ་འཆག་རྟག་ཏུ་རབ་བདེ་ཆང་ཞེས་བགྱི། །བདེ་གཤེགས་སྙིང་པོ་ཐེག་པ་ཆེ་ལས་སྐྱེས། །ཁུ་བ་འཐུངས་ནས་སྐྱེས་བུ་ངོམས་པར་འགྱུར། །དེ་བཞིན་
D213.062.0167a02.01གཤེགས་པ་རྟག་བརྟན་ཐེར་ཟུག་ཅེས། །རབ་ཏུ་དགའ་ངོམས་ཧ་ཧ་ལེགས་བརྗོད་པ། །ཕུན་སུམ་ཚོགས་པ་དེ་ནི་བདག་ཐོབ་ཤོག །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་འཁྲིག་པའི་ཆོས་སྤངས་པའི་ཚུལ་ཁྲིམས་ཟུང་ཤིག །
D213.062.0167a03.01དེ་ནས་སོར་མོའི་ཕྲེང་བས་བཅོམ་ལྡན་འདས་ལ་ཚིགས་སུ་བཅད་པས་སླར་འདི་སྐད་ཅེས་གསོལ་ཏོ། །བདག་ནི་འཁྲིག་པ་སྤངས་པའི་ཁྲིམས་མི་འཛིན། །རྟག་ཏུ་གཞན་གྱི་བུད་མེད་གཡེམ་ཆགས་འཛིན། །བ་དན་ལྟ་བུར་སྨད་ཚོང་ཁྱིམ་ན་སྤྱོད། །བུད་མེད་ཀུན་
D213.062.0167a04.01གྱི་དྲུང་དུའང་རབ་ཏུ་ཆགས། །ཏིང་འཛིན་རོ་ནི་བདག་གི་ཆུང་མ་སྟེ། །ཆོས་གཞན་དགའ་བ་གཞན་གྱི་བུད་མེད་ཆགས། །དཔའ་ཞིང་བདེན་ལ་དགའ་བ་བདག་གི་བུ། །སྙིང་རྗེ་བྱམས་པ་བུ་མོ་མང་པོ་སྟེ། །སྟོང་པ་འདི་ནི་བདག་གི་ཁྱིམ་ལགས་
D213.062.0167a05.01སོ། །མཐའ་ཡས་ཕ་རོལ་ཕྱིན་པ་བདག་གི་མལ། །ཉོན་མོངས་རྣམས་ནི་བདག་གི་གཡོག་ལགས་ཏེ། །ཟས་ནི་ལྡེམ་ངག་གསང་བ་བསྟན་པ་ལགས། །བདག་གི་སྐྱེད་མོས་ཚལ་ནི་གཟུངས་རྣམས་ཏེ། །བྱང་ཆུབ་ཡན་ལག་མེ་ཏོག་དག་གིས་བརྒྱན། །
D213.062.0167a06.01རྣམ་པར་གྲོལ་བའི་ཡེ་ཤེས་འབྲས་བུ་སྟེ། །བདག་གི་ཆོས་ཀྱི་ཚིག་ནི་སྡོང་པོ་ལགས། །དེ་ལ་སོགས་པ་ཁྱིམ་གནས་རྩེ་དགའ་མཆོག །བྱིས་པ་རྣམས་ཀྱི་སྤྱོད་ཡུལ་འདི་མ་ལགས། །འདི་ནི་མཁས་པ་རྣམས་ཀྱི་རང་བཞིན་ཆོས། །བཅོམ་ལྡན་འདས་ཀྱིས་
D213.062.0167a07.01