完整藏文原文 · 德格版页 当前仅加载第 62 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལས་བྱས་ན། །དེ་རིང་ཆོས་ཀྱི་རྗེ་བོར་གྱུར་ནས་བདག་དགའོ། །དེ་ནས་སོར་མོའི་ཕྲེང་བས་ལྷའི་བུ་དབང་ཕྱུག་ཆེན་པོ་ལ་སླར་འདི་སྐད་ཅེས་སྨྲས་སོ། །སྟབས་མི་སྡུག་པ་གཏུམ་པོ་ཁྱོད་སུ་ཞིག །ཁྱོད་ནི་རང་ལ་དབང་ཕྱུག་སྙམ་པ་སྟེ། ཁྱོད་ནི་མིང་
D213.062.0147a01.01གི་དབང་ཕྱུག་ཡིན་གྱི། དབང་ཕྱུག་ཇི་ལྟ་བ་བཞིན་མ་ཡིན་ནོ། །སོ་སོའི་སྐྱེ་བོའམ། དགྲ་བཅོམ་པ་གང་ཡིན་པ་ཇི་ལྟར་ཤེས་མྱུར་དུ་སྨྲོས་ཤིག །དབང་ཕྱུག་ཁྱོད་ཤ་ཟ་ལྟར་མཆེ་བ་རྣོ་ན་ད་རུང་ཡང་གཟུགས་ཕུན་སུམ་ཚོགས་པ་མ་ཐོབ་བམ། འདི་ལྟ་སྟེ། སྐྱེས་བུ་མཛེ་
D213.062.0147a02.01ཚབས་ཆེན་པོས་བཏབ་པས། མཛེ་རབ་ཏུ་ཞི་བ་བསྟན་ན། འཇིག་རྟེན་པ་རྣམས་འདི་སྙམ་དུ་སེམས་སོ། །གང་བདག་ཉིད་ཀྱི་ནད་ཞི་བར་མི་ནུས་པ་དེས་གཞན་གྱི་ནད་ཇི་ལྟར་གསོ་སྙམ་མོ། །དེ་བཞིན་དུ་གཏུམ་པོ་སྦྲང་བུ་ལྟ་བུ་ཁྱོད་ཀྱང་བདག་རྟོགས་པས་བདག་གི་ཁམས་
D213.062.0147a03.01ཀྱང་ད་དུང་མི་ཤེས་ཏེ། གཏུམ་པོ་མཛེ་ཚབས་ཆེན་པོས་བཏབ་པ་ལྟ་བུས་སོར་མོའི་ཕྲེང་བ་སོ་སོའི་སྐྱེ་བོའམ། དགྲ་བཅོམ་པའོ་ཞེས་ཕ་རོལ་གྱི་སེམས་ཤེས་པར་ག་ལ་འགྱུར། སྦྲང་བུ་ལྟ་བུ་ཁྱོད་ཅང་མ་ཟེར་ཅིག །ཁྱོད་ནི་སའི་དབང་ཕྱུག་ཏུ་དབང་བསྐུར་བ་དང་། སའི་
D213.062.0147a04.01དབང་ཕྱུག་གི་རྒྱལ་ཚབ་ཏུ་འོས་པ་མ་ཡིན་གྱིས། དམུས་ལོང་ལྟ་བུ་ཁྱོད་ཡུད་ཙམ་སྡོད་ཅིག །དེ་ནས་དེ་བཞིན་གཤེགས་པ་ཤིང་གང་ལ་རྟེན་ཏེ། བཞུགས་པའི་ཤིང་དེའི་ལྷ་མོས་སོར་མོའི་ཕྲེང་བ་ལ་ཚིགས་སུ་བཅད་པ་འདི་སྐད་ཅེས་སྨྲས་སོ། །དཔའ་བོ་སོར་མོའི་
D213.062.0147a05.01ཕྲེང་བ་མྱུར་བར་དུ། །ཁྱོད་ནི་ངུར་སྨྲིག་རྒྱལ་མཚན་གྱོན་ཅིག་དང་། །བདེ་གཤེགས་ཐབས་ཅིག་ཐོག་མར་བསོད་སྙོམས་གསོལ། །དཔའ་བོ་འབྲས་བུ་དམ་པ་ཐོབ་པར་བགྱི། །དེ་ནས་སོར་མོའི་ཕྲེང་བས་ལྷ་མོ་ལ་ཚིགས་སུ་བཅད་པས་སྨྲས་པ། དེ་བཞིན་གཤེགས་
D213.062.0147a06.01པ་བཤོས་མི་གསོལ། །ཉན་ཐོས་རྣམས་ཀྱང་དེ་བཞིན་ན། །ཁྱོད་ཀྱི་སྦྱིན་པ་སུ་ལ་སྦྱིན། །མྱུར་སྨྲོས་བཟང་མོ་ཡངས་པའི་མིག །ང་ཡི་ཐེ་ཙོམ་ལ་གོར་ཆོད། །དེ་ནས་ལྷ་མོ་ཡངས་པའི་མིག་གིས་སླར་སོར་མོའི་ཕྲེང་བ་ལ་ཚིགས་སུ་བཅད་པས་སྨྲས་པ།
D213.062.0147a07.01