完整藏文原文 · 德格版页 当前仅加载第 62 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
ཕུང་པོ་ཟད་པར་བྱས་པས། དེ་ལས་ངའི་ལུས་ནད་མེད་པ་དང་། འཇིགས་པ་མེད་པ་དང་། ང་རྒྱལ་མེད་པའི་སྐུར་གྱུར་ཏོ། །ངས་ཚེ་རབས་གྲངས་མེད་པའི་གང་གཱའི་ཀླུང་གི་བྱེ་མ་སྙེད་དུ། སེམས་ཅན་ལྷ་མི་མང་པོ་རྣམས་ལ་བུད་མེད་དང་རྩེ་བའི་ཉོན་མོངས་པ་བྱེ་
D213.062.0188a01.01བ་ནི་སྦྲུལ་གདུག་པའི་དུག་ལྟ་བུར་སྨད་པས། དེ་ལས་ངའི་ལུས་འགོག་པའི་སྐུར་གྱུར་ཏོ། །ངས་ཚེ་རབས་གྲངས་མེད་པ་གང་གཱའི་ཀླུང་གི་བྱེ་མ་མང་པོ་སྙེད་དུ། དེ་བཞིན་གཤེགས་པ་མར་མེ་མཛད་ཀྱི་ཞབས་ཀྱི་དྲུང་ནས་བྱིས་པའི་སྤྱོད་པ་ལྟ་བུ་བདག་ཉིད་ལུང་བསྟན་པ་ཐོས་ནས།
D213.062.0188a02.01དེ་བཞིན་ཉིད་དུ་ནན་ཏན་བྱས་ཏེ། མདོ་སྡེ་ལ་སྨོད་པ་རྣམས་ལ་ཐེག་པ་ཆེན་པོ་བཤད་པས། དེ་ལས་ངའི་ལུས་གནས་མེད་པའི་སྐུར་གྱུར་ཏོ། །ངས་ཚེ་རབས་གྲངས་མེད་པ་གང་གཱའི་ཀླུང་གི་བྱེ་མ་མང་པོ་སྙེད་དུ། དེ་བཞིན་གཤེགས་པའི་སྙིང་པོ་ཐོས་ནས། བསྐལ་པ་བྱེ་བ་མང་
D213.062.0188a03.01པོར་སེམས་ཅན་རྣམས་ཀྱིས་ཉོན་མོངས་པ་གཞིག་པར་བྱས་ནས་སངས་རྒྱས་སུ་འགྱུར་བར་ཡིད་ཆེས་པའི་ཕྱིར། སེམས་ཅན་བྱེ་བ་ཀུན་གྱི་སྐྱབས་སུ་འགྱུར་བར་སྤྱད་པ་བརྩམས་ཏེ། དེའི་འབྲས་བུས་ངའི་ལུས་སྐྱབས་ཀྱི་སྐུར་གྱུར་ཏོ། །ངས་ཚེ་རབས་གྲངས་མེད་པ་གང་གཱའི་
D213.062.0188a04.01ཀླུང་གི་བྱེ་མ་མང་པོ་སྙེད་དུ། བྱང་ཆུབ་སེམས་དཔའི་བཟོད་པར་སྨྲ་བའི་དྲང་སྲོང་དུ་གྱུར་པའི་ཚེ། ཚད་མེད་པ་བཞི་ལ་བསྒོམས་པས། དེའི་འབྲས་བུས་ངའི་ལུས་ད་དུང་ཡང་སེམས་ཅན་ཐམས་ཅད་ཀྱི་སྐྱབས་ཀྱི་སྐུར་གྱུར་ཏོ། །ཐེག་པ་ཆེན་པོ། ཐེག་པ་གཅིག་པ། བླ་ན་
D213.062.0188a05.01མེད་པའི་ཡེ་ཤེས། ཆགས་པ་མེད་པའི་ཡེ་ཤེས་འོད་ཆེན་པོ་སེམས་ཅན་ཐམས་ཅད་ཀྱི་དཔུང་གཉེན་གྱི་ཡེ་ཤེས་ངས་བསྟན་པས། སྡིག་པ་གྲངས་མེད་པར་བྱས་པ་ཡང་ཐེག་པ་ཆེན་པོ་ཐོས་ནས་འབྱང་བར་འགྱུར་ཏེ། དེའི་ཕྱིར་ངའི་ལུས་ནི་དཔུང་གཉེན་གྱི་སྐུར་གྱུར་ཏོ། །ངས་
D213.062.0188a06.01ཚེ་རབས་གྲངས་མེད་པ་གང་གཱའི་ཀླུང་གི་བྱེ་མ་མང་པོ་སྙེད་དུ་དབྱིངས་དང་། བདེ་བའི་དབྱིངས་སེམས་ཅན་ཐམས་ཅད་ཀྱི་དབྱིངས་དྲི་མ་མེད་པའི་སྙིང་པོ་གནོད་པ་མེད་པ་རབ་ཏུ་བསྔགས་སོ། །རབ་ཏུ་བསྔགས་པའི་འབྲས་བུ་དེས་ངའི་ལུས་གནོད་པ་མེད་པའི་སྐུར་གྱུར་ཏོ། །
D213.062.0188a07.01