完整藏文原文 · 德格版页 当前仅加载第 62 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ལས་ཀྱིས་བྲམ་ཟེའི་གཟུགས་སུ་འགྱུར་ཏེ། དེས་སློང་བ་རྣམས་ལ་ཡང་བུ་རྣམས་བྱིན་ཏེ་བྱིན་པ་དེ་དག་ཟའོ། །ཡང་བདག་ཉིད་ཀྱང་ཐམས་ཅད་ཟ་སྟེ། དེ་ལྟར་འདོད་ཆེན་པའང་འདོད་ཆེན་གྱི་སྦྱིན་པའི་ཕ་རོལ་ཏུ་ཕྱིན་པ་རྫོགས་པར་འགྱུར་ཏེ།
D213.062.0165a01.01དེ་བཞིན་དུ་ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་པར་བྱེད་དོ། །དེའི་ཕྱིར་མཐོན་པོའི་གནས་ཀྱི་མཆོག་ནི་སངས་རྒྱས་བཅོམ་ལྡན་འདས་རྣམས་སོ། །དམའ་བའི་གནས་ན་ནི་འདོད་ཆེན་པ་རྣམས་སོ། །བཙུན་པ་མཽང་གལ་གྱི་བུ་དེ་ལྟར་ངོ་མཚར་རྣམ་པ་གཉིས་ཏེ།
D213.062.0165a02.01ལོག་པར་ངེས་པའི་གང་ཟག་ནི་འདོད་ཆེན་པ་ཡིན་པར་སོམས་ཤིག །ཡང་དག་པར་ངེས་པའི་གང་ཟག་ནི་དེ་བཞིན་གཤེགས་པ་དང་། དེ་བཞིན་གཤེགས་པའི་ཉན་ཐོས་ཡིན་པར་སོམས་ཤིག །དེ་ནས་བཅོམ་ལྡན་འདས་ཀྱིས་སོར་མོའི་ཕྲེང་བ་ལ་བཀའ་སྩལ་པ། སོར་
D213.062.0165a03.01མོའི་ཕྲེང་བ་ཚུར་ཤོག །མྱུར་དུ་རབ་ཏུ་བྱུང་ལ་སྐྱབས་གསུམ་དུ་འགྲོ་བ་ཟུང་ཤིག །དེ་ནས་སོར་མོའི་ཕྲེང་བས། བཅོམ་ལྡན་འདས་ལ་ཚིགས་སུ་བཅད་པས་སླར་གསོལ་པ། ཐེག་པ་འདི་ནི་ཐེག་ཆེན་ཏེ། །ཆགས་མེད་ཡེ་ཤེས་ཞེས་ཀྱང་བགྱི། །ཐེག་པ་གཅིག་
D213.062.0165a04.01པོ་སྐྱབས་གཅིག་སྟེ། །དེ་བཞིན་གཤེགས་པ་དོན་དམ་སྐྱབས། །ཆོས་དང་སངས་རྒྱས་དོན་གཅིག་སྟེ། །དེ་བཞིན་གཤེགས་པ་ཆོས་ཀྱི་སྐུ། །དགེ་འདུན་དེ་བཞིན་གཤེགས་ཀྱི་མིང་། །དགེ་འདུན་ཉིད་ནི་དེ་བཞིན་གཤེགས། །ཆོས་དང་དགེ་འདུན་
D213.062.0165a05.01གཉིས་ནི་ཐབས་ཀྱི་སྐྱབས་ལགས་ཏེ། །དེ་བཞིན་གཤེགས་ནི་ཐབས་མེད་སྐྱབས་དང་དོན་དམ་སྐྱབས། །དེ་བཞིན་གཤེགས་པ་སྐྱབས་མེད་རྣམས་ཀྱི་སྐྱབས་ལགས་ཏེ། །དེ་ཡི་སླད་དུ་དེ་བཞིན་གཤེགས་ལ་སྐྱབས་སུ་མཆི། །ཇི་ལྟར་ཤིང་ཀུན་ཟ་འདོད་པས་ནི་
D213.062.0165a06.01ཤིང་ཀུན་བཟའ་བྱ་ཞེས། །ཤིང་ཀུན་ཡང་དག་བོར་ནས་ཤིང་ཀུན་བཅོས་མ་ཟ་བ་ནི། །འཇིག་རྟེན་དག་ན་བདག་ལ་མི་ཕན་ནད་ཀྱང་སོས་མི་འགྱུར། །འཇིག་རྟེན་དེ་འདྲའི་ཕྱུགས་མེད་སྨན་པ་སྟོང་གིས་གསོ་མི་ནུས། །དེ་བཞིན་དུ་ནི་སྐྱབས་གཅིག་ཡོངས་
D213.062.0165a07.01