完整藏文原文 · 德格版页 当前仅加载第 62 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཉོན་མོངས་མྱོང་བས་རྙེད། །བདག་གིས་མིག་ཏུ་གྱུར་པ་ཐོབ། །མིག་གི་རྡུལ་རྣམས་བདག་གིས་བསལ། །བདག་གི་བུ་ནི་མི་ཁྲག་གིས། །ཀྱེ་མ་ལུས་དང་ཟས་ལ་རེག །ཀུན་དུ་འཁྱམ་ཞིང་མཚོན་རྣོན་ཐོགས། །འགྲོ་བ་མང་པོའི་ཕུང་པོ་གསོད། །བདག་
D213.062.0139b01.01གི་བུ་ཡང་མགུ་བྱ་ཞིང་། །སངས་རྒྱས་ཕྱག་བྱའམ་ཇི་ལྟར་བྱ། །ཁྱོད་ཀྱི་བུ་ངན་འདི་འདྲ་ཞེས། །འགྲོ་{མངས་,མང་}ཚིག་རྩུབ་མཉན་མི་ནུས། །དེ་ལ་སོགས་པ་རྣམ་པ་དུ་མར་སྨྲེའོ། །དེ་ནས་བཅོམ་ལྡན་འདས་ཀྱིས་སོར་མོའི་ཕྲེང་བ་ལ་འདི་སྐད་ཅེས་བཀའ་སྩལ་ཏོ། །
D213.062.0139b02.01སོར་མོའི་ཕྲེང་བ་ཁྱོད་ཀྱི་གཙོ་མོ་ནི་ཤིང་དྲུང་ན་འདུག་སྟེ། དེ་ལྟ་བུ་ཤིན་ཏུ་དཀའ་བ་བྱེད་པའི་བུད་མེད་འདི་ལ་ཁྱོད་རལ་གྲི་ཐོགས་ཏེ། བདག་གི་མ་མཐོ་རིས་སུ་འགྲོ་བར་འགྱུར་རོ་སྙམ་ནས་གསད་པར་འདོད་པ་ནི་སོར་མོའི་ཕྲེང་བ་ཆོས་མ་ཡིན་པའི་ཕུང་པོ་ལ་ཆོས་སུ་
D213.062.0139b03.01ནོར་ཏོ། །འདི་ལྟ་སྟེ་དཔེར་ན། སོས་ཀའི་དབྱར་ཟླ་ར་བའི་དུས་ལ་སྨིག་རྒྱུ་བ་ལ་ཆུ་ཡིན་སྙམ་ནས་{རི་དགས་,རི་དྭགས་}རྣམས་ཀུན་དུ་འཁྱམ་པ་དེ་བཞིན་དུ། སོར་མོའི་ཕྲེང་བ་ཁྱོད་ཀྱང་སློབ་དཔོན་ངན་པའི་མན་ངག་གིས་རྨོངས་པར་གྱུར་ཏེ། ཆོས་མ་ཡིན་པ་ལ་ཆོས་སུ་སེམས་
D213.062.0139b04.01པའི་སེམས་ཅན་ནི་མནར་མེད་པ་ཞེས་བྱ་བའི་མི་ཟད་པ་ཆེན་པོར་འགྲོའོ། །སོར་མོའི་ཕྲེང་བ་དེ་བཞིན་གཤེགས་པའི་སྐྱབས་སུ་མྱུར་དུ་སོང་ཤིག་སོང་ཤིག །ཞུགས་ཤིག །སོར་མོའི་ཕྲེང་བ་ཁྱོད་མ་འཇིགས་ཤིག །དེ་བཞིན་གཤེགས་པ་ནི་འཇིགས་པ་མེད་པའི་འབྱུང་
D213.062.0139b05.01གནས་ཏེ། སངས་རྒྱས་ནི་སེམས་ཅན་ཐམས་ཅད་ལ་སྒྲ་གཅན་ཟིན་དང་མཚུངས་པར་གཟིགས་པ། ན་བ་རྣམས་གསོ་བ་དང་། སྐྱབས་མེད་པ་རྣམས་ཀྱི་སྐྱབས་སོ། །སངས་རྒྱས་ནི་དབྱེ་གནས་ན་བཞུགས་པ། རྩ་ལག་མེད་པ་རྣམས་ཀྱི་རྩ་ལག་གོ། །སངས་
D213.062.0139b06.01རྒྱས་ནི་དབུལ་པོ་རྣམས་ཀྱི་མི་ཟད་པའི་གཏེར་རོ། །སངས་རྒྱས་ནི་ལམ་སྟོར་བ་རྣམས་ལ་ལམ་བཟང་པོ་སྟོན་པའོ། །སངས་རྒྱས་ནི་འཇིགས་པས་གཟིར་བ་རྣམས་ཀྱི་སྐྱབས་སུ་གྱུར་པའོ། །དེ་བཞིན་གཤེགས་པ་ནི་གྲུ་ཞིག་པ་རྣམས་ཀྱི་གྲུར་གྱུར་པའོ། །
D213.062.0139b07.01