完整藏文原文 · 德格版页 当前仅加载第 62 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
གྲངས་མེད་པར་ལྷ་དང་མིར་བཅས་པའི་སེམས་ཅན་བྱེ་བ་མང་པོ་རྣམས་སངས་རྒྱས་སུ་སྦྱོར་དུ་བཙུད་པས། ངའི་ལུས་ཚད་མེད་དཔག་ཏུ་མེད་པའི་མཆོག་དམ་པའི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་ལྷ་དང་
D213.062.0185b01.01མིར་བཅས་པའི་སེམས་ཅན་བྱེ་བ་མང་པོ་རྣམས་བསྒྲལ་བའི་ཕྱིར་རིགས་དེ་དང་དེར་སྐྱེ་བ་བསྟན་ཏེ། རབ་ཏུ་བསྒྲལ་བས་ན། ངའི་ལུས་མཆོག་དམ་པའི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་ལྷ་དང་མིར་བཅས་
D213.062.0185b02.01པའི་སེམས་ཅན་བྱེ་བ་མང་པོ་རྣམས་འཇིགས་པ་ཐམས་ཅད་ལས་བསྒྲལ་ཏེ། བྱང་ཆུབ་པ་ལ་བཀོད་པས་ན། ངའི་ལུས་བླ་ན་མེད་པའི་ཆོས་ཀྱི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་སེམས་ཅན་བྱེ་བ་མང་
D213.062.0185b03.01པོ་རྣམས་ཡན་ལག་མ་ཚང་བའི་ལུས་ཀྱིས་འཇིག་རྟེན་གྱི་ཕྱིར་འགྲོ་བར་བྱས་ཏེ། སེམས་ཅན་མང་པོ་བྱང་ཆུབ་ལ་བཀོད་པས་ན། ངའི་ལུས་བླ་ན་མེད་པའི་ཆོས་ཀྱི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་ངས་
D213.062.0185b04.01འཇིག་རྟེན་རྣམས་ལ། དེ་བཞིན་གཤེགས་པའི་སྙིང་པོ་རྟག་པའི་དབྱིངས་མ་བཅབས་ཏེ། སེམས་ཅན་ཐམས་ཅད་ལ་ཕན་པར་བསྟན་པས་ན། ངའི་ལུས་རྟག་པའི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་
D213.062.0185b05.01པར་ངས་ཚུལ་ཁྲིམས་སྲུང་བ་ན། ལྷའི་བུ་མོ་དང་། བདུད་ཀྱི་བུ་མོ་དང་། འཇིག་རྟེན་པ་བཟང་མོ་མཐོང་ཡང་སེམས་མ་བཏང་བས་ངའི་ལུས་མི་འཇིག་པའི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་སེམས་ཅན་
D213.062.0185b06.01བྱེ་བ་མང་པོ་ཐམས་ཅད་ཀྱི་བླ་མའི་ཆུང་མ་དང་། ཕུ་ནུ་བོའི་ཆུང་མ་དང་། བུད་མེད་ཐམས་ཅད་ལ་ཆགས་པར་མ་བྱས་པས་ན། ངའི་ལུས་མི་འཇིག་པའི་ཆོས་ཀྱི་སྐུར་གྱུར་ཏོ། །ངས་ཚེ་རབས་མང་པོ་གང་གཱའི་ཀླུང་གི་བྱེ་མ་སྙེད་དུ་བསྐལ་པ་བྱེ་བ་མང་པོ་གྲངས་མེད་པར་ལྷ་
D213.062.0185b07.01