完整藏文原文 · 德格版页 当前仅加载第 62 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོའི་སྲིད་ཆེན་པོ་མི་བཞེད་ཅིང་ཁུར་ཆེན་པོ་ཐོགས་ཏེ། སྟོང་གསུམ་པ་རྣམས་བསྒྲལ་ལོ་ཞེས་བསྐལ་པ་བྱེ་བ་མང་པོར་བསྒྲལ་བ་དེ་བཞིན་དུ་ངའི་ཉན་ཐོས་ཐམས་ཅད་ཀྱང་བསྐལ་པ་བྱེ་བ་མང་པོར་ངའི་དམ་པའི་ཆོས་ནུབ་པར་འགྱུར་བའི་དུས་ན། ནམ་དམ་པའི་ཆོས་ལོ་བརྒྱད་ཅུའི་
D213.062.0200b01.01བར་དུ་གནས་པར་འགྱུར་བའི་ཚེ། དམ་པའི་ཆོས་ཀྱི་ཁུར་ཁྱེར་བར་མི་འདོད་དོ། །ཡང་འཇམ་དཔལ་ཁྱོད་ལྟ་བུའི་དམ་པའི་ཆོས་ལོ་བརྒྱད་ཅུའི་བར་དུ་གནས་པར་འགྱུར་བའི་ཚེ། དམ་པའི་ཆོས་ཀྱི་ཁུར་ཆེན་པོ་ཁྱེར་ཏེ། བདག་གིས་དམ་པའི་ཆོས་ཕྲག་ལ་བསྐུར་རོ་
D213.062.0200b02.01སྙམ་ནས། འཛམ་བུའི་གླིང་དང་། གླིང་ཕྲན་ཐམས་ཅད་ཀྱི་སེམས་ཅན་རྣམས་ལ་དེ་བཞིན་གཤེགས་པའི་སྙིང་པོ་རྟག་པ་ཐེར་ཟུག་ཞི་བ། གཡུང་དྲུང་ཡིན་ནོ་ཞེས་རང་གི་སྲོག་ཀྱང་བཏང་སྟེ་རབ་ཏུ་བསྟན་པར་བྱའོ། །སེམས་ཅན་རྣམས་ཡིད་ཆེས་ཀྱང་རུང་། མི་ཆེས་
D213.062.0200b03.01ཀྱང་རུང་། ངའི་ལུས་བསད་དམ། དུམ་བུར་བྱས་ཀྱང་རུང་། གདོད་བདག་གི་ལུས་རྟག་པའི་སྐུར་འགྱུར་ཏེ། ཁུར་ཁྱེར་བ་རབ་ཏུ་དཀའ་བ་བྱེད་པའི་བྱང་ཆུབ་སེམས་དཔའ་རྣམས་ལྷོ་ཕྱོགས་ཀྱི་རྒྱུད་ནས་འབྱུང་ངོ་། །ངའི་ཉན་ཐོས་དེ་ལྟ་བུ་དང་། ཁྱོད་ལ་སོགས་
D213.062.0200b04.01པ་སེམས་ཅན་བྱེ་བ་མང་པོ་ཡོད་དེ་དེའི་ཕྱིར་ལྷོ་ཕྱོགས་ཀྱི་རྒྱུད་རབ་ཏུ་བསྔགས་སོ། །ངའི་ཆོས་ཐ་མ་དེར་སྟོན་པར་འགྱུར་ཏེ། བྱང་ཆུབ་སེམས་དཔའ་དེ་དག་གི་མཐུ་དང་། གཟི་བརྗིད་ཀྱིས་འཛམ་བུའི་གླིང་གི་སྐྱེ་བོ་མ་ལུས་པར་འཛེམ་པ་དང་། འཇིགས་པ་དང་།
D213.062.0200b05.01ང་རྒྱལ་གྱི་རྒྱུས་ནན་ཏན་དུ་བྱེད་པར་འགྱུར་རོ། །འདི་ལྟ་སྟེ་དཔེར་ན། རྒྱལ་པོ་དག་རྒྱལ་པོ་གཞན་གྱི་ཁྲིམས་བྱས་པ་ཐོས་ནས། བདག་ཉིད་ཀྱང་སྐྱེ་དགུ་སྐྱོང་བ་དེ་བཞིན་དུ་ཁ་ཆེའི་ཡུལ་གྱི་འཁོར་དང་། ཡུལ་བྷ་རུ་ཀ་ཙ་བ་རྣམས་ཀྱང་ངོ་ཚ་བ་དང་། ང་རྒྱལ་བསྐྱེད་ནས་
D213.062.0200b06.01ཐེག་པ་ཆེན་པོས་འཇིགས་ཤིང་སྐྲག་པས་གསངས་ཏེ་སྟོན་པར་འགྱུར་གྱི། དེ་དག་དེ་བཞིན་གཤེགས་པའི་སྙིང་པོ་སྟོན་པར་མི་འགྱུར་རོ། །འཇམ་དཔལ་འདི་ལྟ་སྟེ་དཔེར་ན། སོག་བུར་གྱི་ཕུང་པོའི་ནང་དུ་མེ་བཅུག་ན། སོག་མའི་ཕུང་པོའི་དབུས་ཚིག་
D213.062.0200b07.01