完整藏文原文 · 德格版页 当前仅加载第 62 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་སྟེ། །ཐབས་ཀྱི་སྐྱབས་སུ་གང་དག་འཇུག་པ་ཡང་། །དེ་ལྟ་བུ་ཡི་སྦྲང་བུ་གཞན་མེད་དེ། །དེ་ནི་སངས་རྒྱས་སྟོང་གིས་གསོ་མི་ནུས། །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་གཞོན་ནུའི་ཚུལ་ཁྲིམས་སྲུངས་ཤིག །དེ་ནས་སོར་
D213.062.0165b01.01མོའི་ཕྲེང་བས། བཅོམ་ལྡན་འདས་ལ་སླར་འདི་སྐད་ཅེས་གསོལ་ཏོ། །འཇིག་རྟེན་ན་གཞོན་ནུ་གང་ལགས། བསྙེན་པར་རྫོགས་པ་གང་ལགས། འཇིག་རྟེན་ན་དགེ་སྦྱོང་གསལ་བ་གང་ལགས། འཇིག་རྟེན་ན་སྦྱིན་གནས་གང་ལགས། དེ་ནས་བཅོམ་
D213.062.0165b02.01ལྡན་འདས་ཅང་མི་གསུང་བར་གྱུར་པ་དང་། སོར་མོའི་ཕྲེང་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་འཇིག་རྟེན་ན་སྐྱབས་གཅིག་པོ་དོན་དམ་པའི་སྐྱབས་སུ་མ་འཚལ་བ་དེ་དག་ཐབས་གཉིས་པོ་ལ་བཀོད་དོ། །དེ་གཉིས་
D213.062.0165b03.01འཇིག་རྟེན་ན་སྐྱབས་ལགས་ཏེ། གཞོན་ནུར་གྱུར་ནས་བསྙེན་པར་རྫོགས་པ་མི་གསལ་བ་དེ་དགེ་སྦྱོང་ལགས་སམ། གང་སྐྱབས་གཅིག་པོ་མ་འཚལ་བ་དེ་དག་སྐྱབས་སྦྱོར་བ་ལྟ་ག་ལ་འགྱུར། གང་བཅོམ་ལྡན་འདས་ལ་དོན་དམ་པའི་སྐྱབས་སུ་མ་འཚལ་
D213.062.0165b04.01བ་དེ་དག་ཐོག་མ་ནས་སྐྱབས་སུ་འགྲོ་བ་ཡང་མ་སྦྱངས་ན་དགེ་སྦྱོང་དུ་ལྟ་ག་ལ་འགྱུར། དེ་ལྟར་སྐྱབས་སུ་མཆི་བ་ཡང་གསལ་བར་མ་འཚལ་ན། སྦྱིན་གནས་སུ་ལྟ་ག་ལ་འགྱུར། གང་སྐྱབས་དང་ཐབས་ཀྱི་སྐྱབས་ཀྱི་བྱེ་བྲག་མ་འཚལ་བ་དེ་ནི་འཇིག་རྟེན་ན་གཞོན་
D213.062.0165b05.01ནུ་མི་མཁས་པའོ། །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་སྲོག་གཅོད་པ་སྤངས་པའི་ཚུལ་ཁྲིམས་སྲུངས་ཤིག །དེ་ནས་སོར་མོའི་ཕྲེང་བས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ནི་སྲོག་གཅོད་པ་
D213.062.0165b06.01སྤངས་པའི་ཚུལ་ཁྲིམས་མི་འཛིན་གྱི། ཉ་པ་ལྟར་སྲོག་གཅོད་པའི་ཚུལ་ཁྲིམས་འཛིན་ཏོ། །སྲོག་ཅེས་བགྱི་བ་ནི་ཉོན་མོངས་པ་བྱེ་བ་སྟེ། དེ་དག་བཟུང་ནས་གང་གསོད་པ་དེ་ནི་འཇིག་རྟེན་ན་སྲོག་གཅོད་པ་སྤངས་པ་འཛིན་པའོ། །དེ་ཡང་གསད་པ་འམ།
D213.062.0165b07.01