完整藏文原文 · 德格版页 当前仅加载第 62 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོན་རྣོན་པོ་མྱུར་དུ་འོར་ལ། རབ་ཏུ་འབྱུང་བ་དང་། བསྙེན་པར་རྫོགས་པ་ལོང་ཤིག །སོང་ལ་བླ་མའི་རྐང་པ་ལ་གཏུགས་ཏེ་བཟོད་པ་གསོལ་ཅིག །རྒན་མོ་ཉོན་མོངས་མ་ལ་རབ་ཏུ་འབྱུང་བར་ཐོང་ཤིག་ཅེས་གསོལ་བ་ཐོབ་ལ་སྲིད་པ་མི་ཟད་པ་ལས་སེམས་
D213.062.0140a01.01ཅན་རྣམས་སྒྲོལ་ཅིག་དང་། ཤོ་གམ་བཟང་པོ་རབ་ཏུ་འབྱུང་བ་དང་བསྙེན་པར་རྫོགས་པ་སྦྱིན་ནོ། །སོར་མོའི་ཕྲེང་བ་ཁྱོད་ཡུན་རིང་པོར་ལམ་ངན་པར་འཁྱམས་ཤིང་ངལ་བར་གྱུར་གྱིས་ཆོས་ཀྱི་རོའི་ཆུ་འཐུང་ཤིག །སོར་མོའི་ཕྲེང་བ་ཁྱོད་ཀྱང་ཤོ་གམ་ལེན་པ་ཡིན། དེ་བཞིན་
D213.062.0140a02.01གཤེགས་པ་ཡང་ཤོ་གམ་ལེན་པ་ཡིན་ཏེ། སོར་མོའི་ཕྲེང་བ་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་ཤོ་གམ་ལེན་པ་ལམ་བསེལ་གྱི་རྒྱལ་པོ་ཡིན་ཏེ། སེམས་ཅན་ཐམས་ཅད་སྲིད་པའི་རྒྱ་མཚོ་ལས་བསྒྲལ་ཅིང་ལམ་བསེལ། རྟག་ཏུ་ཤོ་གམ་ལེན་
D213.062.0140a03.01ཏོ། །དེ་ནས་སོར་མོའི་ཕྲེང་བས་དེ་ཉིད་དུ་སྲིན་པོ་ལྟར་ཤིན་ཏུ་རྣོ་ཞིང་མི་ཟད་པའི་མཚོན་རྣོན་པོ་བོར་ནས། །བྱིས་པ་ལོ་གཅིག་ལོན་པས་མེ་མདག་བླངས་པ་དང་། མེ་མདག་དེ་བོར་ནས་རང་གི་ལག་ལ་ཉུག་ཅིང་། ངུས་ཏེ་ཆོ་ངེས་འདེབས་པ་དེ་བཞིན་དུ་སོར་མོའི་ཕྲེང་བ་
D213.062.0140a04.01ཡང་མཚོན་ཤིན་ཏུ་རྣོ་བ་དེ་བོར་ནས་ངུ་ཞིང་ཆོ་ངེས་བཏབ་སྟེ། མི་ཉིས་སྟོང་དུ་གཅིག་གིས་མ་ཚང་བའི་སོར་མོའི་ཕྲེང་བ་ཐོགས་པ་ཡང་རང་གི་ལུས་ལས་ཕུད་ནས་ཀྱི་ཧུད་ཅེས་ཟེར་ཏེ། དཔེར་ན་མི་ཞིག་ཉལ་བ་ལས་རང་གི་རྐང་པ་ལ་སྦྲུལ་གྱིས་ཟིན་མ་ཐག་ཏུ་མྱུར་དུ་སད་ནས།
D213.062.0140a05.01ལག་པ་བསྐུམ་པ་ལས་སྤྲུགས་ཏེ། ཤིན་ཏུ་མི་ཟད་པའི་སྦྲུལ་བཟུང་ནས་འདོར་བ་དེ་བཞིན་དུ་སོར་མོའི་ཕྲེང་བ་ཡང་རང་གི་མགོ་ལས་སོར་མོའི་ཕྲེང་བ་མྱུར་དུ་བོར་རོ། །ཇི་ལྟར་བདག་ཉིད་གདོན་དང་བྲལ་བར་གྱུར་པར་ཤེས་ནས་ངོ་ཚ་བ་དེ་བཞིན་དུ། དེ་ནས་སོར་མོའི་ཕྲེང་བས་ཀྱང་།
D213.062.0140a06.01བདག་ཉིད་མངོན་པར་རིག་ནས་མེ་ཏོག་རྩ་ལག་འཚོ་ཞེས་བྱ་བའི་ཁ་དོག་ལྟར་ཁྲག་གིས་ལུས་ཐམས་ཅད་ཡོག་ཅིང་། སྤྲིན་ཆེན་པོ་ལྟར་མིག་མཆི་མས་གང་ནས་རབ་ཏུ་ངུ་ཞིང་བདག་ལ་རྡེག་སྟེ། ཇི་ལྟར་སྦྲུལ་གྱིས་ཟིན་ནས་སྨྱོས་པའི་མི་སྦྲུལ་ལྟར་ལྟོས་འཕྱེ་ཞིང་འགྲོ་
D213.062.0140a07.01