完整藏文原文 · 德格版页 当前仅加载第 62 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་ཡན་ལག་བདུན་པོ་དག་སྟེ། དེ་བཞིན་གཤེགས་པ་རྟག་པས་ཤིན་ཏུ་མེ་ཏོག་རྒྱས་པ་བདུན་ནོ། །ཅི་བརྒྱད་ཅེ་ན། འཕགས་པའི་ལམ་ཡན་ལག་བརྒྱད་ཅེས་ཉན་ཐོས་ཀྱི་ཐེག་པ་ལ་གྲགས་པའི་ཚིག་སྟེ། ཐེག་པ་ཆེན་པོ་འདི་ལས་ཀྱང་འཕགས་
D213.062.0169a01.01པའི་ལམ་ཡན་ལག་བརྒྱད་པོ་ཡང་དག་པའི་ལྟ་བ་ལ་སོགས་པའོ། །གཞན་ཡང་དེ་བཞིན་གཤེགས་པ་རྟག་པའི་མཆོག་གོ་ཞེས་རབ་ཏུ་སྟོན་པ་ནི་འཕགས་པའི་ལམ་ཡན་ལག་བརྒྱད་པ་ཡིན་ཏེ། དེ་བཞིན་གཤེགས་པའི་ཆེ་བ་ཐོས་ཤིང་རྣམ་པར་རེག་པ་ཙམ་གྱིས་མྱ་ངན་ལས་
D213.062.0169a02.01འདའ་བར་འགྲོ་བའི་ལམ་ཡང་དག་པར་འཐོབ་བོ། །དེ་བཞིན་གཤེགས་པའི་རྟག་པ་ཐེར་ཟུག་གཡུང་དྲུང་གི་མཆོག་བསིལ་བར་གྱུར་པ། ཤིས་པ་ནི་སངས་རྒྱས་ཏེ། དེ་བཞིན་གཤེགས་པ་ནི་ཆོས་ཀྱི་སྐུའོ། །དེ་བཞིན་གཤེགས་པའི་སྙིང་པོ་རྒ་བ་མེད་པའོ་ཞེས་བྱ་བ་འདི་ནི་
D213.062.0169a03.01འཕགས་པའི་ལམ་ཡན་ལག་བརྒྱད་པ་ཡིན་པར་རིག་པར་བྱའོ། །ཅི་དགུ་ཞེ་ན། མདོ་སྡེ་ཡན་ལག་དགུ་ཞེས་ཉན་ཐོས་ཀྱི་ཐེག་པ་ལ་གྲགས་པའི་ཚིག་སྟེ། ཐེག་པ་ཆེན་པོ་འདི་ལ་ནི་ཐོགས་པ་མེད་པའི་ཡེ་ཤེས་ལ་ཐེག་པ་གཅིག་ཅེས་བྱའོ། །ཅི་བཅུ་ཞེ་ན། དེ་བཞིན་
D213.062.0169a04.01གཤེགས་པའི་སྟོབས་བཅུ་ཞེས་ཉན་ཐོས་ཀྱི་ཐེག་པ་ལས་གྲགས་པའི་ཚིག་སྟེ། ཐེག་པ་ཆེན་པོ་འདི་ལ་ནི་དེ་བཞིན་གཤེགས་པའི་སྟོབས་བཅུ་མ་ཡིན་གྱི་མཐའ་ཡས་པའི་སྟོབས་ཞེས་བྱའོ། །དེ་བས་ན་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་ཅིང་
D213.062.0169a05.01བསམ་དུ་མེད་པ་སྟེ། སྟོབས་མཐའ་ཡས་པར་མངའ་བའོ། །སངས་རྒྱས་བཅོམ་ལྡན་འདས་ནི་མདོ་སྡེ་མཐའ་ཡས་པ་ལྡེམ་པོ་ངག་ཏུ་སྟོན་པའོ། །འདི་ནི་ལམ་གཅིག་པོ་སྟེ། དེ་བཞིན་གཤེགས་པ་ནི་ཐེག་པ་གཅིག །སྐྱབས་གཅིག །བདེན་པ་
D213.062.0169a06.01གཅིག་གི་ཕྱིར་འབྲང་བ། ཁམས་གཅིག་པ། འགྲོ་བ་གཅིག་པ། ཁ་དོག་གཅིག་པ་སྟེ། དེ་བས་ན་ཐེག་པ་གཅིག་ཅེས་བྱའོ། །གཞན་ནི་ཐབས་ཀྱི་བྱ་བའོ། །དེ་ནས་བཅོམ་ལྡན་འདས་ཀྱིས་སོར་མོའི་ཕྲེང་བ་ལ་ལེགས་སོ་ཞེས་བྱ་བ་བྱིན་ཏེ། ལེགས་
D213.062.0169a07.01