完整藏文原文 · 德格版页 当前仅加载第 62 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་རྟག་པ་ཉིད་དང་། ཐེར་ཟུག་ཉིད་དང་། གཡུང་དྲུང་ཉིད་དུ་དེ་བཞིན་གཤེགས་པའི་སྙིང་པོ་སྟོན་པ་ལས་དེ་སླད་ཀྱིས་འདི་སྙམ་དུ་སེམས་སྐྱེས་ཏེ། དེ་བཞིན་གཤེགས་པའི་སྙིང་པོ་བསྟན་པར་བྱ་བའི་བསྟན་པའི་སེམས་ཅན་མང་པོར་མི་འདུག་གིས། །ད་ནི་མི་བསྟན་ཏོ་སྙམ་སྟེ།
D213.062.0201b01.01དེའི་ཐབས་བྱས་པ་ཐོས་ནས། བདག་ཀྱང་སྐྱེས་བུ་བསམ་འཛིན་ཅེས་བགྱི་བ་དེ་འདྲ་བར་ཆོས་ཀྱི་ཤིང་རྟ་སྦྱར་ཏེ། ཅི་ནས་ཀྱང་དེ་བཞིན་གཤེགས་པའི་སྙིང་པོ་རྟག་པ་ཉིད་དང་། ཐེར་ཟུག་པ་ཉིད་དང་། གཡུང་དྲུང་ཉིད་དང་། ཞི་བ་ཉིད་དུ་འཇིག་རྟེན་དུ་རྒྱས་པར་འགྱུར་བ་དེ་
D213.062.0201b02.01ལྟར་བདག་གི་སྲོག་ཀྱང་བཏང་སྟེ། བདག་གི་དགེ་སློང་གི་ཚུལ་གྱིས་བསྟན་ཅིང་བསྐལ་པ་ཐམས་ཅད་དུ་རྣམ་པར་དག་པར་བགྱིས་པར་གྱུར་ཅིག །དེ་ནས་དབང་པོའི་བུ་མང་པོ་དང་། བུད་མེད་དང་། བུ་མོ་དང་། ལྷ་གཞན་དག་གིས་བཅོམ་ལྡན་འདས་ཀྱི་ཞབས་ལ་མགོ་བོས་
D213.062.0201b03.01ཕྱག་འཚལ་ནས། བཅོམ་ལྡན་འདས་བདག་ཅག་ཀྱང་སྲོག་ཀྱང་བཏང་སྟེ། དགེ་སློང་གི་ཚུལ་དང་། དགེ་སློང་མའི་ཚུལ་དང་། དགེ་བསྙེན་གྱི་ཚུལ་དང་། དགེ་བསྙེན་མའི་ཚུལ་གྱིས་སྐྱེས་བུ་དམ་པ་དེའི་གཡོག་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་
D213.062.0201b04.01སོ་ལེགས་སོ། །རིགས་ཀྱི་བུ་དམ་པའི་ཆོས་འདོད་པ་ཁྱེད་ཐམས་ཅད་དེ་བཞིན་གྱིས་ཤིག །ངས་ཀྱང་དམ་པའི་ཆོས་འདོད་པ་དེ་དག་བསྲུང་བར་བྱའོ། །དེ་དག་གི་ཐད་དུ་ང་རྟག་ཏུ་འཆག་ཅིང་གནས་སོ། །ཁྱེད་རྣམས་ཅི་ནས་ཀྱང་ཁ་ལོ་སྒྱུར་བ་དང་། ངའི་བྱས་པ་
D213.062.0201b05.01ཤེས་ཤིང་བརྟན་པར་གྱིས་ལ། དེ་ནས་ཁྱེད་ཐམས་ཅད་ཀྱིས་རྟག་པའི་གནས་ནི་དེ་བཞིན་གཤེགས་པའི་གནས་ཡིན་ནོ་ཞེས་སྟོན་ཅིག །དེ་ནས་ཡུལ་མཛོད་འཛིན་གྱི་རྒྱལ་པོ་གསལ་རྒྱལ་གྱིས་བློན་པོ་དང་། དམག་དཔོན་ལ་བསྒོ་བ། དཔུང་གི་ཚོགས་ཡན་ལག་བཞི་དང་ལྷན་ཅིག་དོང་ལ།
D213.062.0201b06.01མིའི་གཟུགས་སུ་སྲིན་པོ་མི་ཉིས་སྟོང་དུ་གཅིག་གིས་མ་ཚང་བ་བསད་དེ། སོར་མོའི་ཕྲེང་བ་བྱས་ནས་བྱང་ཁྲག་གིས་བསྐུས་ཤིང་སྟོབས་དང་རྩལ་ཆེན་པོ་རབ་ཏུ་འཁྱམ་ཞིང་གྲོང་ཁྱེར་འདི་ནས་གནག་པའི་དགོངས་བཞི་བཅུ་ཙམ་ན་འདུག་ཅིང་། བདག་གི་མ་ཡང་དེང་གསད་དེ་
D213.062.0201b07.01