完整藏文原文 · 德格版页 当前仅加载第 62 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱི་གདུང་མ་ལ་གྱེན་དུ་བཅིངས་ནས་བཏགས་སོ། །དེ་ནས་དེའི་ཚེ་སློབ་དཔོན་ནོར་བུ་བཟང་པོ་རྒྱལ་པོས་མཆོད་ནས་སླར་རང་གི་ཁྱིམ་དུ་འོངས་པ་དང་། དེས་མཐོང་ངོ་། །མཐོང་ནས་དེའི་ཐག་པ་བཅད་དེ་ཀྱེ་མའོ་ཞེས་སྐད་དྲག་ཏུ་ཕྱུང་ནས་རང་གི་ཆུང་
D213.062.0127a01.01མ་ལ་འདི་སྐད་ཅེས་སྨྲས་སོ། །བཟང་མོ་འདི་ཅི་སུས་ཁྱོད་འདི་ལྟ་བུར་བྱས། བཟང་མོས་སྨྲས་པ། ཁྱོད་ཀྱི་སློབ་མ་འཇིག་རྟེན་ཐམས་ཅད་ཀྱིས་བལྟ་ན་སྡུག་པས་ནན་གྱིས་ཁོ་མོ་ལ་ཉལ་པོ་བྱས་ནས་འདི་ལྟར་བྱས་སོ། །དེ་ནས་སློབ་དཔོན་ནོར་བུ་བཟང་པོས་འཇིག་རྟེན་
D213.062.0127a02.01ཐམས་ཅད་ཀྱིས་བལྟ་ན་སྡུག་པ་དེའི་མཐུ་ཆེན་པོ་ཤེས་ཏེ། དེ་ཐོག་མ་བཙས་མ་ཐག་ཏུ་རྒྱལ་རིགས་ཐམས་ཅད་ཀྱི་མཚོན་རྣམས་ཤུབས་ནས་ཕྱུང་སྟེ། མདའ་སྟེའུ་ཁ་མ་བཞིན་དུ་ཐམས་ཅད་དུ་ལྷུང་ནས། དེའི་ཚེ་རྒྱལ་རིགས་ཐམས་ཅད་སྐྲག་ཅིང་རབ་ཏུ་འཇིགས་པར་
D213.062.0127a03.01གྱུར་ཏེ། འཇིག་རྟེན་ཐམས་ཅད་ཀྱིས་བལྟ་ན་སྡུག་པ་སེམས་ཅན་གྱི་མཆོག་དེའི་མཐུ་ཆེན་པོ་དེ་ལྟ་བུ་ཤེས་ནས། དེ་ལ་ཅུང་ཟད་བསྒོ་བ་ཙམ་ཞིག་ནུས་ཏེ། འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེ་ལ་འདི་སྐད་ཅེས་སྨྲས་སོ། །བདག་ཉིད་ངན་པ་བླ་མའི་ཆུང་མ་མ་རུང་
D213.062.0127a04.01བར་བྱེད་པ་ཁྱོད་ཉེས་པ་ཆེན་པོ་བྱས་པས་བྲམ་ཟེར་མི་འགྱུར་གྱིས་མི་སྟོང་སོད་ཅིག་དང་དེ་ནས་བྱང་བར་འགྱུར་རོ། །དེ་སྐད་ཅེས་རང་གི་སློབ་མ་བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ལ་བསྒོ་བ་དང་། བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་
D213.062.0127a05.01པ་དེ་རང་བཞིན་གྱིས་བླ་མ་ལ་གུས་པས་རང་གི་སློབ་དཔོན་ལ་འདི་སྐད་ཅེས་སྨྲས་སོ། །ཀྱེ་མཁན་པོ་བདག་ལ་འོས་པ་མ་ལགས་སོ། །ཡང་སློབ་དཔོན་གྱིས་སྨྲས་པ། ཇི་བདག་ཉིད་ངན་པ་ཁྱོད་མཐོ་རིས་སུ་འགྲོ་བའམ། བྲམ་ཟེར་འགྱུར་བར་མི་འདོད་དམ། ཡང་སློབ་
D213.062.0127a06.01མས་སྨྲས་པ། ལེགས་སོ་ལེགས་སོ། །མཁན་པོ་དེ་ལྟར་བགྱིའོ་ཞེས་སྨྲས་ཏེ། མི་སྟོང་བསད་དེ་འོངས་ནས་རང་གི་སློབ་དཔོན་ལ་གུས་པར་སྨྲ་བ་བྱས་པ་དང་། སློབ་དཔོན་གྱིས་དེ་མཐོང་ནས་གཏུམ་པོ་འདི་ད་རུང་མ་ཤི་བ་ལྟ་ཞེས་ངོ་མཚར་དུ་གྱུར་ཏེ། འོ་ན་ད་ཤི་བར་
D213.062.0127a07.01