完整藏文原文 · 德格版页 当前仅加载第 62 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ན། སྲིན་པོ་མི་བཟད་པ་ཡང་ཇི་ལྟ་བུ་ཞིག་ཡོད་དེ། སོར་མོའི་ཕྲེང་བ་བག་ཡོད་པར་གྱིས་ལ། ཁྱོད་ཀྱིས་ལས་བྱས་པ་རྣམས་ཇི་ནས་བྱང་བར་འགྱུར་བ་དེ་ལྟར་བརྩོན་པར་གྱིས་ཤིག །ཀྱེ་མ་སངས་རྒྱས་ནི་ཐུགས་རྗེ་ཅན་ཏེ། སོར་མོའི་
D213.062.0145a01.01ཕྲེང་བ་ལ་སོགས་པ་གཏུམ་པོའི་ལས་བྱེད་པ་རྣམས་ངེས་པར་སྒྲོལ་བའོ། །དེ་ནས་སོར་མོའི་ཕྲེང་བས་ཚངས་པ་མི་མཇེད་ཀྱི་བདག་པོ་ལ་སླར་འདི་སྐད་ཅེས་སྨྲས་སོ། །ཚངས་པ་ཁྱོད་སྲིན་བུ་ཕྲ་མོ་བཞིན་དུ་མཆོང་ཞིང་འཁྱམ་དུ་གར་འགྲོ །སྡིག་པ་དང་མི་སྡིག་པ་
D213.062.0145a02.01མི་ཤེས་པའི་སེམས་ཅན་རྣམས་ངན་འགྲོར་འགྲོའོ། །བླུན་པོ་ལ་ལ་ཞིག་ནགས་ཀྱི་ནང་དུ་སོང་ནས་མཚན་མོ་མུན་པའི་ནང་ན་ཤིང་གི་རྩ་བའི་སྟེང་ན་སྲིན་བུ་མེ་ཁྱེར་གྱི་ཕུང་པོ་མཐོང་བ་དང་། ངན་པ་དེ་སྐྲག་ནས་གྲོང་དང་ཚོང་དུས་སུ་འོངས་ཏེ། འབྲོག་ཚིག་གོ་ཞེས་ཟེར་
D213.062.0145a03.01བ་དང་། འགྲོ་བ་མང་པོ་དེར་དོང་བ་དང་། མཚན་མོ་མུན་ནག་གི་ནང་ན་སྲིན་བུ་མེ་ཁྱེར་མཐོང་ནས། འདི་མེ་མ་ཡིན་ནོ་ཞེས་མཐར་གྱིས་སླར་ལོག་སྟེ་དོང་བ་དེ་བཞིན་དུ། ཚངས་པ་ངན་པ་ཁྱོད་ཀྱང་སོར་མོའི་ཕྲེང་བ་བླུན་པོའོ་ཞེས་སྟོན་ཅིང་བདག་ཉིད་དང་། སྐྱེ་བོ་མང་པོ་
D213.062.0145a04.01ཡང་ཤིན་ཏུ་བསླུས་ཏེ། ཕྱིས་སྒྱུ་མའི་ཕུང་པོ་དེ་སྦྲང་བུ་ལྟ་བུས་ཀྱང་ཤེས། སེམས་ཅན་མང་པོས་ཀྱང་ཤེས་པར་འགྱུར་རོ། །བློ་གྲོས་འཆལ་པ་བླུན་པོ་ལ་ལ་ཞིག་ནགས་ཁྲོད་དུ་སོང་ནས། ཤིང་མྱ་ངན་མེད་པའི་ནགས་མེ་ཏོག་རྒྱས་པ་མཐོང་བ་དང་།
D213.062.0145a05.01མེ་ཡིན་པ་སྙམ་དུ་བསམས་ཏེ། སྐྲག་ནས་གྲོང་དང་ཚོང་འདུས་སུ་སོང་སྟེ། འགྲོ་བ་མང་པོ་ཡང་དེ་བཞིན་དུ་ཕྱིན་པ་དང་། རིམ་གྱིས་མེ་དང་། ཤིང་མྱ་ངན་མེད་པའི་བྱེ་བྲག་ཤེས་པ་དེ་བཞིན་དུ་སྦྲང་བུ་ལྟ་བུ་ཁྱོད་ཀྱིས་སྡིག་པ་དང་། སྡིག་པ་མ་ཡིན་པ་རིམ་གྱིས་
D213.062.0145a06.01ཤེས་པར་འགྱུར་རོ། །དེ་ནས་ཕྱིས་སྐྱེ་བོ་མང་པོས་ཀྱང་སྒྱུ་མའི་ཕུང་པོ་ལྟ་བུ་འདི་ཤེས་པར་འགྱུར་གྱིས་ཚངས་པ་ངན་པ་ཁྱོད་ལན་གཉིས་སུ་དེ་སྐད་མ་ཟེར་ཅིག །དེ་ལྟར་{བརྫུན་,རྫུན་}སྨྲ་བ་མ་སློབ་པར་ཁྱོད་ལྟ་བུ་བློ་ཞན་པ། སྦྲང་མ་ལྟ་བུ་རྣམས་ནི་ཅང་མ་ཟེར་བར་
D213.062.0145a07.01