完整藏文原文 · 德格版页 当前仅加载第 62 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལྷག་མ་ལུས་ཏེ། མཐའ་འཁོར་མི་ཚིག་པ་དེ་བཞིན་དུ་འཇམ་དཔལ་དང་པོ་ང་སྐྱེས་པའི་ས་ན་ནན་ཏན་ལྷུར་བྱེད་པ་ཞིག་སྟེ། ཚིག་པ་ལས་ལྷོ་ཕྱོགས་ཀྱི་རྒྱུད་དུ་ལྷག་མ་ལུས་ཏེ། མཐའ་འཁོར་ན་གནས་པའི་ས་དེར་བྱང་ཆུབ་སེམས་དཔའ་སྐྱེས་ནས་དམ་
D213.062.0201a01.01པའི་ཆོས་འབྱིན་པར་འགྱུར་བ་དེར་རྫོགས་པའི་སངས་རྒྱས་སྣང་བར་གྲགས་པ་ཡིན་ནོ། །དེ་ནས་ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་གཡོག་མང་པོ་དང་བཅས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞབས་ལ་མགོ་བོས་
D213.062.0201a02.01ཕྱག་འཚལ་ནས། ལྷའི་མཆོད་པ་ཆེན་པོ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་མདོ་སྡེ་འདི་བསྲུང་ཞིང་རྗེས་སུ་གཏད་པར་བགྱིའོ། །སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། དེ་བཞིན་གཤེགས་པས་མདོ་
D213.062.0201a03.01སྡེ་འདིའི་མིང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་མདོ་སྡེ་འདིའི་མིང་སོར་མོའི་ཕྲེང་བ་ལ་ཕན་པ་ཞེས་བྱ་བར་ཟུང་ཤིག །ཀཽ་ཤི་ཀ་མདོ་སྡེ་འདི་ནི་འཇིག་རྟེན་ན་ཤིན་ཏུ་རྙེད་པར་དཀའ་སྟེ། ཨུ་དུམ་བཱ་རའི་མེ་ཏོག་བཞིན་ནོ། །དེ་ནས་དབང་
D213.062.0201a04.01པོའི་བུ་ཐུ་བོ་མངོན་དུ་ཁྲོ་ཞེས་བྱ་བ་སྡུག་པ་དགའ་བ་ཡིད་དུ་འོང་བ་དེས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བདག་གི་ཕ་ནམ་ལྷ་མ་ཡིན་དང་འཐབ་པའི་ཚེ། ཁ་ལོ་སྒྱུར་བ་བསམ་འཛིན་
D213.062.0201a05.01ཞེས་བགྱི་བ་ལ། ལྷ་རྣམས་འཕེལ་བ་དང་། ལྷ་མ་ཡིན་བས་པར་འགྱུར་བ་དེ་ལྟར་ཤིང་རྟ་དྲོངས་ཤིག་ཅེས་བགྱིས་པ་དང་། ལྷ་གཞན་དུ་མ་དགོངས་ཤིག །བདག་ནི་སྔར་གུམ་སྟེ། ཁྱོད་ནི་སླད་ཀྱིས་སོ། །གྲུབ་ཀྱང་རུང་། མ་གྲུབ་ཀྱང་རུང་སྟེ། བདག་གི་
D213.062.0201a06.01སྲོག་ཀྱང་བོར། གཞན་དང་མཛའ་བའང་སྤངས་ནས་གོ་ཆ་ཆེན་པོ་བགོས་པ་དེ་བཞིན་དུ། བཅོམ་ལྡན་འདས་བདག་ཀྱང་མ་མཆིས་པའི་དུས་ན། དམ་པའི་ཆོས་ལོ་བརྒྱད་ཅུའི་བར་དུ་གནས་པར་འགྱུར་བ་དེའི་ཚེ། བདག་ཀྱང་བྱང་ཆུབ་སེམས་དཔའ་གང་དེ་བཞིན་
D213.062.0201a07.01