完整藏文原文 · 德格版页 当前仅加载第 62 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
རང་སངས་རྒྱས་དང་། ཉན་ཐོས་རྣམས་ཀྱིས་ཀྱང་དུས་གསུམ་དུ་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་མེད་པ་མ་བརྙེས་མི་བརྙེས་བརྙེས་པར་མི་འགྱུར་ཏེ། ཚིགས་སུ་བཅད་པ་དེའི་དོན་ནི་འདིའོ། །ཡང་སངས་རྒྱས་ཀུན་གྱིས་གང་མ་བརྙེས་ཞེས་བྱ་བ་ནི་འདས་པའི་
D213.062.0151b01.01སངས་རྒྱས་བཅོམ་ལྡན་འདས་རྣམས་ཀྱིས་ཀྱང་ཆོས་ཐམས་ཅད་ལ་ནན་ཏན་དུ་བཙལ་ཀྱང་འཇིག་རྟེན་པའི་བདག་ཐེ་བོ་ཙམ་དང་། ཅི་ཙེའི་འབྲུ་དང་། འབྲས་དང་། ཡུངས་འབྲུ་དང་། ཏིལ་གྱི་རིལ་བུ་ཙམ་དམར་པོ་དང་། སྔོན་པོ་དང་། སེར་པོ་དང་། དཀར་པོ་དང་། ཐུང་ངུ་དང་།
D213.062.0151b02.01རིང་པོ་དང་། ཤིན་ཏུ་རིང་པོ་ལ་སོགས་པ་སྙིང་ག་ན་འབར་ཞིང་འདུག་ཅེས་བྱ་བ་དང་། ལྟེ་བའི་དྲུང་དང་། མགོ་དང་། མིག་དང་། རྣ་བ་ལ་མེ་མར་གྱི་སྙིང་པོ་དམར་པོ་སྣུམ་གྱི་རྐྱེན་གྱིས་འབར་བ་ལྟ་བུ་འདུག་གོ་ཞེས་བྱ་བ་ལ་སོགས་ཏེ། རྟོག་པ་རྣམ་པ་མང་པོ་ནི་ཇི་ལྟར་
D213.062.0151b03.01འཇིག་རྟེན་པ་རྣམས་བདག་ལ་སྒོམ་པ། གང་དེ་དག་གི་རྟག་པ་བརྟེན་པ་ཐེར་ཟུག་སྟེ། བདག་ནི་འདི་འདྲའོ་ཞེས་བྱ་སངས་རྒྱས་ཐམས་ཅད་དང་། ཉན་ཐོས་ཐམས་ཅད་ཀྱིས་མ་བརྙེས་ནས་མངོན་པར་སངས་རྒྱས་ནས་སྲོག་ཆགས་རྣམས་ལ་བཤད་དོ་ཞེས་བྱ་སྟེ། ཚིགས་
D213.062.0151b04.01སུ་བཅད་པ་དེའི་དོན་ནི་འདི་ཡིན་གྱི། གང་པོ་ནི་ཕྱིན་ཅི་ལོག་ཏུ་རྣམ་པར་བརྟགས་པས་ན་དེའི་དོན་མ་ཡིན་ནོ། །སངས་རྒྱས་རྣམས་ཀྱིས་གང་མ་བརྙེས་ཞེས་བྱ་བ་དེ་ནི་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་དེ་བཞིན་གཤེགས་པའི་སྙིང་པོ་བྱས་པ་མ་
D213.062.0151b05.01བརྙེས་ནས་འདས་ཏེ། མ་བྱས་པའི་སངས་རྒྱས་ཀྱི་ཁམས་མཚན་དང་དཔེ་བྱད་བཟང་པོ་མཐའ་ཡས་པས་བརྒྱན་པ་སེམས་ཅན་ཐམས་ཅད་ལ་ཡོད་དོ། །ད་ལྟར་གྱི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་དེ་བཞིན་གཤེགས་པའི་སྙིང་པོ་བྱས་པ་ནི་ནན་ཏན་དུ་བཙལ་
D213.062.0151b06.01ཀྱང་མ་བརྙེས་ཏེ། སེམས་ཅན་ཐམས་ཅད་ལ་མ་བྱས་པའི་སངས་རྒྱས་ཀྱི་དབྱིངས་སེམས་ཅན་ཐམས་ཅད་ལ་མཐའ་ཡས་པའི་མཚན་དང་དཔེ་བྱད་ཀྱིས་བརྒྱན་པ་ཡོད་དོ། །དུས་གསུམ་དུ་ཉན་ཐོས་དང་། རང་སངས་རྒྱས་སྦྲང་མ་ལྟ་བུ་རྣམས་དེ་བཞིན་
D213.062.0151b07.01