完整藏文原文 · 德格版页 当前仅加载第 62 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཤཱཀྱ་ཐུབ་པ་དེ། དེ་བཞིན་གཤེགས་པ་ངེད་དང་གཅིག་གིས་དེ་བཞིན་གཤེགས་པ་དེ་ལ་ཞུས་ཤིག་ཅེས་གསུངས་ནས། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པས་ཀྱང་རིགས་ཀྱི་བུ་ཁྱེད་གཉིས་ངེད་ལ་ཐེ་ཙོམ་དང་། ཡིད་གཉིས་ཐམས་ཅད་
D213.062.0183a01.01གཅོད་པའི་རྣམ་པ་དེ་བཞིན་གཤེགས་པ་ལ་དྲིས་ཤིག་ཅེས་བདག་ཅག་འདིར་བཀྱེ་སྟེ་མཆིས་སོ། །བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་མི་མཇེད་ཀྱི་འཇིག་རྟེན་གྱི་ཁམས་ན་བཞུགས་ཤིང་མྱ་ངན་ལས་མ་འདས་པར་ཇི་ལྟར་ན་ཐར་པའི་མཐའ་ལ་གནས་ཞེས་ཞུས་
D213.062.0183a02.01པ་དང་། དེ་གཉིས་ཀྱི་ཚིག་གསན་ནས། དེ་བཞིན་གཤེགས་པ་དེས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་མྱུར་དུ་སླར་ལོག་ཤིག །དེ་བཞིན་གཤེགས་པ་དེས་ཐེ་ཙོམ་དང་ཡིད་གཉིས་ཐམས་ཅད་གཅོད་པར་འགྱུར་རོ། །དེ་བཞིན་གཤེགས་པ་དེ་ཉིད་ང་ཡིན་ཏེ། ཐ་
D213.062.0183a03.01དད་པ་ནི་མ་ཡིན་ནོ། །དེ་ལྟར་ཤཱཀྱ་ཐུབ་པ་ནི་ཚད་མེད་དོ་ཞེས་གསུངས་ནས་སླར་བཀྱེའོ། །དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་ལེགས་སོ་ལེགས་སོ་ཞེས་གསོལ་ཏེ། སོར་མོའི་ཕྲེང་བ་དང་ལྷན་ཅིག་ཏུ་དེ་བཞིན་གཤེགས་པ་དེའི་ཞབས་ལ་མགོ་བོས་
D213.062.0183a04.01ཕྱག་འཚལ་ཏེ། དོང་ནས་བཅོམ་ལྡན་འདས་ཀྱི་དྲུང་དུ་ཕྱིན་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། འདི་སྐད་ཅེས་གསོལ་ཏོ། །ཀྱེ་མ་དེ་བཞིན་གཤེགས་པའི་སྐུ་ནི་ཚད་མེད་གྲངས་མེད་པར་འཛིན་པ་སྟེ། དེ་བཞིན་གཤེགས་པ་དེ་ཉིད་ང་ཡིན་ཏེ། ཤཱཀྱ་
D213.062.0183a05.01ཐུབ་པ་དེ་བཞིན་གཤེགས་པ་དེས་ཁྱོད་ཀྱི་ཐེ་ཙོམ་ཐམས་ཅད་གཅོད་པར་འགྱུར་གྱིས། ཁྱེད་དེང་ཤིག་ཅེས་དེ་དག་གིས་ཀྱང་བདག་ཅག་སླར་བཀྱེའོ། །བཅོམ་ལྡན་འདས་ཀྱིས་བཀའ་སྩལ་པ། ང་ཉིད་དེ་བཞིན་གཤེགས་པ་དེ་ཡིན་ནོ་ཞེས་དེ་བཞིན་གཤེགས་པ་དེ་གསུང་ངམ།
D213.062.0183a06.01དེ་དག་གིས་གསོལ་པ། དེ་གཅིག་གསུང་བ་བཞིན་དེ་བཞིན་གཤེགས་པ་དེ་དག་ཐམས་ཅད་གསུང་སྟེ། ཐ་མར་བདག་ཅག་གིས་ཞུས་ན། དེ་བཞིན་གཤེགས་པ་ཐམས་ཅད་ང་ཉིད་དེ་བཞིན་གཤེགས་པ་དེ་ཡིན་ཏེ། གཅིག་གོ་ཞེས་གསུང་ངོ་། །བཀའ་སྩལ་པ།
D213.062.0183a07.01