完整藏文原文 · 德格版页 当前仅加载第 62 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
རང་གི་ལུས་དེ་ཉིད་ཀྱིས་དགྲ་བཅོམ་པ་ཐོབ་པར་འགྱུར་ཏེ། ཡོན་ཏན་དེ་འདྲ། ལས་དེ་འདྲ། བརྩོན་འགྲུས་ཀྱི་རྣམ་པ་དེ་འདྲ་སྟེ། ཤ་རིའི་བུ་སོར་མོའི་ཕྲེང་བ་ཡང་མྱུར་དུ་དགྲ་བཅོམ་པ་ཐོབ་པར་འགྱུར་བས། སོར་མོའི་ཕྲེང་བ་ལ་སྡིག་པར་ག་ལ་འགྱུར།
D213.062.0163a01.01ཤ་ར་དྭ་ཏིའི་བུ་སོར་མོའི་ཕྲེང་བ་ལ་ངོ་མཚར་དང་། ཡོན་ཏན་གཞན་ཡང་ཡོད་དེ། འཇམ་དཔལ་ཇི་ལྟ་བ་དེ་བཞིན་དུ་སོར་མོའི་ཕྲེང་བ་བྱང་ཆུབ་སེམས་དཔའ་མིའི་གླང་པོ་ཡང་དེ་བཞིན་ནོ། །སོར་མོའི་ཕྲེང་བ་ནི་སེམས་ཅན་ཐམས་ཅད་ལ་བུ་གཅིག་པ་བཞིན་དུ་བལྟའོ། །
D213.062.0163a02.01བྱང་ཆུབ་སེམས་དཔའ་སེམས་དཔའ་ཆེན་པོ་སོར་མོའི་ཕྲེང་བ་ནི། བདག་གྲོལ་ནས་འཇིག་རྟེན་ཐམས་ཅད་དགྲོལ་ལོ། །རྒལ་ནས་བསྒྲལ་བར་བྱའོ་ཞེས་བདག་དང་འཇིག་རྟེན་གྱི་ཕྱིར་སྐྱེས་བུ་འདི་རྟག་ཏུ་སྨོན་ལམ་འདེབས་ཏེ། འཇིག་རྟེན་ཐམས་ཅད་ལ་ཕན་ཞིང་སྙིང་
D213.062.0163a03.01བརྩེ་བ་སྡིག་པ་བྱེད་པ་དེ་ནི་གནས་མེད་དོ། །དེ་ལྟ་བུའི་སེམས་ཅན་དག་གི་ཕྱིར། བྱང་ཆུབ་སེམས་དཔའ་མིའི་གླང་པོ་ཆེ་རྣམས་ནི་ཉི་མ་དང་། ཟླ་བ་དང་། ཚངས་པ་ལྟ་བུ་དང་། སྐྱེ་དགུའི་བདག་པོར་འགྱུར་རོ། །ས་དང་། རླུང་དང་། ནམ་མཁའ་དང་། ཆུ་དང་། མེ་ལྔ་པ་
D213.062.0163a04.01དང་། དེ་ལྟ་བུ་རྣམ་པ་མང་པོར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་མཽད་གལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་སོར་མོའི་ཕྲེང་བ་ནི་གང་ཟག་ཡ་རབས་ལགས་ཏེ། བཅོམ་ལྡན་འདས་མཐོང་མ་ཐག་ཏུ་བདག་ཉིད་སྲིད་པ་
D213.062.0163a05.01ཐམས་ཅད་ལས་ངེས་པར་བརྒལ་ཏོ། །དེ་ནས་སོར་མོའི་ཕྲེང་བས། གནས་བརྟན་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མཽད་གལ་གྱི་བུ་ཆེན་པོས་དེ་བཞིན་གཤེགས་པ་མ་རྙེད་ན། འཇིག་རྟེན་ན་ཆོས་ལ་བདག་པོ་བྱེད་པའི་སེམས་ཅན་སུ་དག་
D213.062.0163a06.01ཡོད། སྨྲས་པ། རིགས་ཀྱི་བུ་ཆོས་མངོན་པའི་ལུང་ལས་བཅོམ་ལྡན་འདས་ཀྱིས་རབ་ཏུ་བསྟན་ཏེ། དགེ་སློང་རྣམས་ན་བ་དང་ན་བ་ལྟ་བུ་གསུམ་སྟེ། ན་བ་གསུམ་གང་ཞེ་ན། ལོག་པར་ངེས་པ་ཞེས་བྱ་བ་དང་། ཡང་དག་པ་ཉིད་དུ་ངེས་པ་ཞེས་བྱ་བ་དང་། མ་
D213.062.0163a07.01