完整藏文原文 · 德格版页 当前仅加载第 62 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བློ་གྲོས་བསྐྱེད་དུ་མེད་པའི་ཡོན་ཏན་འབྱུང་གནས་སའི་དབང་ཕྱུག་རྒྱལ་པོ་ད་ལྟར་བཞུགས་ཏེ། འཚོ་ཞིང་གཞེས་པའི་དེ་བཞིན་གཤེགས་པ་དེ་ལ་བཅོམ་ལྡན་འདས་མི་མཇེད་ཀྱི་
D213.062.0171a01.01འཇིག་རྟེན་གྱི་ཁམས་ན། དེ་བཞིན་གཤེགས་པ་ཤཱཀྱ་ཐུབ་པ་བཞུགས་བཞིན་མི་སྐྱེ་བའི་མཐའ་ལ་གནས་སོ་ཞེས་གསུངས་ན་ཇི་ལྟ་བུ་ལགས་ཞེས་ཞུས་ཤིག །དེ་ནས་འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བས་ལེགས་སོ་ལེགས་སོ་ཞེས་གསོལ་ནས། རྫུ་འཕྲུལ་
D213.062.0171a02.01གྱི་རྐང་པའི་སྟོབས་ཀྱིས་ངང་པའི་རྒྱལ་པོ་ལྟར་དགའ་བ་བསྐྱེད་དུ་མེད་པའི་འཇིག་རྟེན་གྱི་ཁམས་དེར་དོང་ནས། བཅོམ་ལྡན་འདས་བློ་གྲོས་བསྐྱེད་དུ་མེད་པའི་ཡོན་ཏན་འབྱུང་གནས་སའི་དབང་ཕྱུག་རྒྱལ་པོ་དེ་བཞིན་གཤེགས་པ་ག་ལ་བ་དེར་དོང་སྟེ་ཉེ་བར་ཕྱིན་ནས། དེ་བཞིན་
D213.062.0171a03.01གཤེགས་པའི་ཞབས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས་བདག་ཅག་གཉིས་འདིར་མཆིས་པ་དེ་བཞིན་གཤེགས་པ་ཤཱཀྱ་ཐུབ་པས་མི་མཇེད་ཀྱི་འཇིག་རྟེན་གྱི་ཁམས་ནས་བཀྱེ་སྟེ་འདིར་མཆིས་སོ། །བཅོམ་ལྡན་འདས་དེ་བཞིན་
D213.062.0171a04.01གཤེགས་པ་ཤཱཀྱ་ཐུབ་པ་ཡོངས་སུ་མྱ་ངན་ལས་མ་འདས་པར་དེ་ཉིད་ན་བཞུགས་བཞིན་དུ་མ་སྐྱེས་པའི་མཐའ་ཐར་པ་ལ་ཇི་ལྟར་གནས་ཞེས་གསོལ་པ་དང་། བཅོམ་ལྡན་འདས་དེས་འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་ལ་འདི་སྐད་ཅེས་བཀའ་སྩལ་ཏོ། །རིགས་
D213.062.0171a05.01ཀྱི་བུ་དེ་བཞིན་གཤེགས་པ་ཤཱཀྱ་ཐུབ་པ་གང་ཡིན་པ་ང་ཉིད་དེ་བཞིན་གཤེགས་པ་དེ་ཡིན་ཏེ། དེ་བཞིན་གཤེགས་པ་དེ་ཉིད་སྟོན་གྱིས། རིགས་ཀྱི་བུ་ཁྱེད་དེང་ལ། བཅོམ་ལྡན་འདས་དེ་བཞིན་གཤེགས་པ་དེས་བདག་ཅག་འདི་ལྟར་བཀྱེའོ་ཞེས་སྨྲོས་ཤིག །དེ་ནས་འཇམ་
D213.062.0171a06.01དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་གཉིས་ལངས་ཏེ། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ནས། དགེའོ་ཞེས་སྨྲས་ཏེ། ངང་པའི་རྒྱལ་པོ་བཞིན་དུ་སླར་འོངས་སོ། །བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་
D213.062.0171a07.01