完整藏文原文 · 德格版页 当前仅加载第 62 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་མ་བྱིན་པར་ལེན་པ་སྤངས་པའི་ཚུལ་ཁྲིམས་ཟུང་ཤིག །དེ་ནས་སོར་མོའི་ཕྲེང་བས། བཅོམ་ལྡན་འདས་ལ་ཚིགས་སུ་བཅད་པས་སླར་གསོལ་པ། བདག་ནི་མ་བྱིན་ལེན་སྤོང་ཁྲིམས་མི་འཛིན། །གཞན་ནོར་རྐུ་བའི་ཚུལ་ནི་
D213.062.0167b01.01རྟག་ཏུ་འཛིན། །མ་བྱིན་པ་ནི་བྱང་ཆུབ་ལགས་ཞེས་བགྱི། །དེ་ནི་སུས་ཀྱང་སུ་ལའང་མ་སྩལ་ཏེ། །བྱང་ཆུབ་ཤིང་དྲུང་བཅོམ་ལྡན་བཞུགས་ནས་ཀྱང་། །ཁྱོད་ཀྱིས་རྙེད་པ་མེད་ཅིང་བཤིག་པའང་མེད། །དེ་ནི་ཆོས་རྣམས་ཀུན་གྱི་རང་བཞིན་ཏེ། །དེ་ནི་བླ་ན་མེད་
D213.062.0167b02.01པའི་ཆོས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་གར་དང་། རོལ་མོ་སྤངས་པའི་ཚུལ་ཁྲིམས་ཟུང་ཤིག །དེ་ནས་བཅོམ་ལྡན་འདས་ལ་སོར་མོའི་ཕྲེང་བས་ཚིགས་སུ་བཅད་པས་སླར་འདི་སྐད་ཅེས་གསོལ་ཏོ། །བདག་
D213.062.0167b03.01ནི་གར་མཁན་བཞིན་དུ་རྟག་ཏུ་གར་བགྱིད་དེ། །དྲི་ཟའི་དབྱངས་སྙན་སྒྲོག་ཅིང་གླུ་བླངས་བྲོ་བརྡུངས་ཏེ། །ལེགས་སོ་ལེགས་སོ་དེ་བཞིན་གཤེགས་པའི་སྙིང་པོ་སྟོན། །ལེགས་བརྗོད་གར་བགྱིད་དེ་བཞིན་གཤེགས་པའི་སྙིང་པོ་ཐོས། །མི་སྦྱིན་ལྟ་བུར་སྒྲ་སྙན་ཐེག་
D213.062.0167b04.01ཆེན་མདོ་སྡེ་བཀླག །མི་འམ་ཅི་དང་དྲི་ཟའི་རྔ་དང་རྔ་བྲན་དང་། །སིལ་སྙན་དག་གིས་གླེགས་བམ་ལ་ཡང་མཆོད་པར་བགྱི། །སེམས་ཅན་གང་རྣམས་དེ་ལྟར་རྟག་ཏུ་མཆོད་བགྱིད་པ། །དེ་དག་འཇིག་རྟེན་དུ་ནི་ཁོར་མོར་མིང་གཅིག་པར། །ཕྱི་དུས་སངས་རྒྱས་
D213.062.0167b05.01འགྱུར་ཞེས་དེ་བཞིན་གཤེགས་པས་གསུང་། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། འོ་ན་སོར་མོའི་ཕྲེང་བ་ཁྱོད་ཅི་གཅིག་ཅི་ཞེས་སློབས་ཤིག །སོར་མོའི་ཕྲེང་བས་བཅོམ་ལྡན་འདས་ལ་སླར་འདི་སྐད་ཅེས་གསོལ་ཏོ། །ཅི་གཅིག་ཅེ་ན། སེམས་ཅན་
D213.062.0167b06.01ཐམས་ཅད་ནི་ཟས་ལ་གནས་སོ་ཞེས་ཉན་ཐོས་ཀྱི་ཐེག་པ་ལས་འབྱུང་བའི་ཚིག་སྟེ། ཐེག་པ་ཆེན་པོ་ལ་དེ་ལྟ་བུའི་རྣམ་པ་མ་མཆིས་སོ། །ཐེག་པ་ཆེན་པོ་པ་རྣམས་ནི་རྟག་ཏུ་མིག་མི་འཛུམས་ཤིང་བརྟན་པའོ། །ཅི་གཅིག་ཅེ་ན། སེམས་ཅན་ཐམས་ཅད་ནི་དེ་
D213.062.0167b07.01