完整藏文原文 · 德格版页 当前仅加载第 62 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་པར་གྱིས་ཤིག །དེ་ནས་སོར་མོའི་ཕྲེང་བས། གནས་བརྟན་ཉེ་སྦྱོར་ལ་སླར་སྨྲས་པ། བཙུན་པ་ཉེ་སྦྱོར་ཁྱོད་འདུལ་བ་འཛིན་པའི་མཆོག་ན། འཇིག་རྟེན་ན་འདུལ་བ་འཛིན་པ་གང་། ཇི་ལྟར་ན་འདུལ་བ་བཅའ་བ་ལ་མཁས་པ་ཡིན། མྱུར་དུ་
D213.062.0159a01.01སྨྲོས་ཏེ་ངའི་ཐེ་ཙོམ་ཆོད་ཅིག །དེ་ནས་གནས་བརྟན་ཉེ་སྦྱོར་གྱིས། སོར་མོའི་ཕྲེང་བ་ལ་འདི་སྐད་ཅེས་སྨྲས་སོ། །སྡིག་པ་ཐམས་ཅད་མི་བྱ་སྟེ། །དགེ་བ་རྣམས་ནི་རྫོགས་པར་བྱ། །རང་གི་སེམས་ཀྱང་ཡོངས་སུ་གདུལ། །དེ་ནི་སངས་རྒྱས་རྣམས་ཀྱི་ཡང་། །འདུལ་
D213.062.0159a02.01བ་བསྡུས་པའི་སྙིང་པོའོ། །དེ་ནས་སོར་མོའི་ཕྲེང་བས། གནས་བརྟན་ཉེ་སྦྱོར་ལ་སླར་འདི་སྐད་ཅེས་སྨྲས་སོ། །སྐྱོན་ཆགས་པ་ཡ་མཚན་ཅན་རྣམས་ཀྱི་ནོར་དང་། ཆོས་གོས་ལ་སོགས་པ་དང་། གླེགས་བམ་དང་། ལྷུང་བཟེད་དང་། ཆུ་ཚགས་དང་། སྐ་རགས་དང་།
D213.062.0159a03.01ཁབ་རྣམས་ཐམས་ཅད་དུ་ཐམས་ཅད་དགག་ཅིང་བླང་བར་བྱ་སྟེ། མི་བགྲུངས་པ་ཚར་གཅད་ཅིང་ནན་ཏུར་བྱ་བ་ཡིན་ནོ། །དེ་ཐམས་ཅད་ནི་ཚུལ་ཁྲིམས་དང་ལྡན་པའི་ནོར་ཏེ། སྐྱོན་ཆགས་པའི་ཡ་མཚན་ཅན་གྱི་ནོར་མ་ཡིན་ནོ། །དཔེར་ན་རྒྱལ་པོའི་རལ་གྲི་གདོལ་
D213.062.0159a04.01པའི་ཁྱིམ་ན་འདུག་ན་རལ་གྲི་དེའི་མཐུས་ཕྲོགས་ཀྱང་ཉེས་པ་མེད་དེ། དེ་ནི་གདོལ་པའི་ནོར་མ་ཡིན་གྱི་རྒྱལ་པོའི་དཀོར་རོ། །དེ་བཞིན་དུ་དེ་ནི་ཚུལ་ཁྲིམས་དང་ལྡན་པའི་ནོར་ཏེ། བཟུང་ནས་ནན་གྱིས་ཁྱེར་བ་དེ་ནི། འཇིག་རྟེན་ན་འདུལ་བ་འཛིན་པ་སྟེ། དེ་ལ་ཉེས་
D213.062.0159a05.01བྱས་ཙམ་གྱི་ལྟུང་བ་ཡང་མེད་དོ། །ཆོ་ག་དང་མི་ལྡན་པ་ཡང་མ་ཡིན་ཏེ། དེ་ནི་དེ་བཞིན་གཤེགས་པའི་བཀའ་རྫོགས་པའོ། །དེ་བཞིན་གཤེགས་པ་ནི་རྟག་ཏུ་སེམས་ཅན་ཐམས་ཅད་ལ་སྒྲ་གཅན་ཟིན་དང་མཚུངས་པར་གཟིགས་པའོ། །ཀྱེ་མ་བཙུན་པ་
D213.062.0159a06.01ཉེ་སྦྱོར་ནི་སྦྲང་བུའི་སྤྱད་པ་ལྟ་བུ་སྤྱོད་དེ། འདུལ་བ་བསྡུས་པའི་སྙིང་པོ་མི་ཤེས་སོ། །སྦྲང་བུ་ཡང་བྱ་བ་ཤེས་ཀྱིས་སྦྲང་བུ་ལྟ་བུ་ཁྱོད་ཅང་མ་ཟེར་ཅིག །དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས།
D213.062.0159a07.01