完整藏文原文 · 德格版页 当前仅加载第 95 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཏུ་བཤད། །འདོད་པའི་རྡོ་རྗེ་མའི་ཆོ་ག་རྫོགས་སོ།། །།དེ་ནས་རྡོ་རྗེ་འོག་པག་ཅན། །གནོད་སྦྱིན་རྣམས་ཀྱི་སྙིང་པོ་སྟེ། །འཕྲོག་མ་ཞེས་ཀྱང་རབ་གྲགས་ཏེ། །འབར་བ་དེ་ནི་བཤད་པར་བྱ། །དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་སྡེའི་བདག་པོ་
D746.095.0218b01.01ལག་ན་རྡོ་རྗེ་གསུམ་པོ་ལ་ཕྱག་འཚལ་ལོ། །གནོད་སྦྱིན་ཐམས་ཅད་ལ་ཕྱག་འཚལ་ལོ། །ལྔས་རྩེ་ན་ལ་ཕྱག་འཚལ་ལོ། །གནོད་སྦྱིན་མོ་ཆེན་མོ་འཕྲོག་མ་རྡོ་རྗེའི་འོག་པ་གཅན་རིགས་ཐམས་ཅད་དང་ལྡན་པ་ལ་ཕྱག་འཚལ་ལོ། །དེ་ནས་གནོད་སྦྱིན་ཐམས་ཅད་སྙིང་པོ་བརྗོད་པར་བྱ་ཡིས།
D746.095.0218b02.01ཁྱེད་ཀུན་ང་ལ་ཉོན་ཅིག །མཐོང་ན་དོན་ཡོད་ཞི་བ་དང་། །གསུམ་མཆོག་བལྟ་ན་མི་བཟད་དང་། །འབྱུང་པོ་ཐམས་ཅད་རབ་ཞི་བྱེད། །ལག་ན་རྡོ་རྗེ་སྟོབས་པོ་ཆེ། །ནོར་གྱི་བདག་པོ་རྣམ་ཐོས་བུ། །གནོད་སྦྱིན་ཀུན་གྱི་མངའ་བདག་རྗེ། །གནོད་སྦྱིན་གང་དག་རི་ལ་གནས། །ས་ཏི་རི་དང་རི་བོ་
D746.095.0218b03.01ཆེ། །ཞོ་གདོང་དང་ནི་གདོང་རྒྱས་དང་། །འདོད་པའི་དོན་སྦྱིན་གནོད་སྦྱིན་གང་། །མཚོན་ཆ་འཐབ་ཆ་སྣ་ཚོགས་ཅན། །སྟོབས་ལྡན་རྫུ་འཕྲུལ་ཆེན་པོ་དང་། །རྒྱལ་དང་རྣམ་པར་རྒྱལ་བ་དང་། །པདྨ་དཀར་དག་དགྲ་འཇོམས་དང་། །རྒྱན་ཕྲེང་རྒྱས་དང་རྒྱན་ཕྲེང་ཆེ། །བདུད་རྩི་སྙིང་རྗེ་སྙིང་རྗེ་གྲོང་། །
D746.095.0218b04.01གནོད་སྦྱིན་ཆེན་པོ་ལྔས་རྩེན་དང་། །གནོད་སྦྱིན་ན་ལ་ཀུ་བེ་ར། །ནོར་བུའི་སུལ་ཅན་གནོད་སྦྱིན་གང་། །ནོར་བུ་བཟང་ཞེས་གྲགས་པ་དང་། །རྫོགས་ལྡན་དང་ནི་རྫོགས་{བཟངས་,བཟང་}དང་། །རབ་ཏུ་བཟང་དང་བཟང་པོ་ཉིད། །བདག་གི་སྙིང་པོས་བཀུག་པས་ན། །དེ་དག་ཐམས་ཅད་འདིར་གཤེགས་
D746.095.0218b05.01ཤིག །མ་སྨོས་གནོད་སྦྱིན་དེ་དག་དང་། །བདག་གི་དོན་གྲུབ་དེ་དག་དང་། །རྟག་ཏུ་དགེ་དང་ཕན་བྱེད་དང་། །གནོད་སྦྱིན་གདོན་ནི་སྐྱེད་བྱེད་དང་། །གནོད་སྦྱིན་མོ་ནི་འཕྲོག་མ་མོ། །བུ་{མངས་,མང་}ཁྱོད་ནི་འདིར་ཤོག་ཤིག །གཟུགས་ཆེན་ལྡན་ཞིང་སྟོབས་ཆེ་བའི། །བུ་དེ་དག་ཀྱང་འདིར་ཤོག་ཤིག །
D746.095.0218b06.01ཁྱོད་ནི་རྟག་ཏུ་གནོད་སྦྱིན་དང་། །བུ་ཡི་འཁོར་དང་ལྷན་ཅིག་ཏུ། །ལག་ན་རྡོ་རྗེས་རབ་བསྐུལ་བས། །ལས་རྣམས་ཐམས་ཅད་བསྒྲུབ་པར་གྱིས། །དགྲ་ཡི་ཕྱོགས་དང་མཛའ་བོའི་ཕྱོགས། །དེ་བཞིན་རྒྱལ་པོ་ས་གང་དང་། །ནགས་དང་བྲག་ཁྲོད་རྫོང་རྣམས་དང་། །གཡུལ་དུ་རྒྱལ་བར་བྱ་བ་དང་། །
D746.095.0218b07.01