完整藏文原文 · 德格版页 当前仅加载第 95 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སིདྡྷི་རྀ་ཥི་ནི་སྭཱ་ཧཱ། བསྒྲུབ་པའི་ཚེ་རིག་སྔགས་འདིས་མ་ད་ནའི་ཚེར་མ་ཁྲག་གི་ནང་དུ་སྨྱུགས་པ་བརྒྱད་སྟོང་གིས་སྦྱིན་སྲེག་བྱས་ན་བགེགས་ཐམས་ཅད་འབྱུང་བར་མི་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཙནྡན་དམར་པོས་
D746.095.0144b01.01དཀྱིལ་འཁོར་བྱས་ནས་རིག་སྔགས་ལན་བརྒྱད་སྟོང་བཟླས་བརྗོད་བྱས་ན་སའི་ལྷ་མོ་འགྲུབ་པར་འགྱུར་ཏེ། །དེ་ཕྱིན་ཅད་ལས་ཐམས་ཅད་བྱེད་ནུས་པར་འགྱུར་རོ། །སའི་ལྷ་མོའི་ཆོ་ག་རྫོགས་སོ།། །།དེ་ནས་ལྷའི་དྲང་སྲོང་མེས་སའི་ལྷ་མོའི་ཚམ་བརླང་མཐོང་ནས་
D746.095.0144b02.01ལག་ན་རྡོ་རྗེའི་ཐད་དུ་སོང་སྟེ་སྨྲས་པ། རྡོ་རྗེ་འཛིན་ཆེན་པོ་བདག་གིས་ཀྱང་རིག་སྔགས་འཆང་ཐམས་ཅད་གང་གིས་དངོས་གྲུབ་མྱུར་དུ་ཐོབ་པར་འགྱུར་བའི་དངོས་གྲུབ་བསྟན་པར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་སྟན་ལས་ལངས་ནས་ལྷའི་དྲང་
D746.095.0144b03.01སྲོང་མེ་ལ་འདི་སྐད་ཅེས་སྨྲས་སོ། །དྲང་སྲོང་ཆེན་པོ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་དང་། སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་གང་ཡིན་པ་ནི་ལེགས་སོ་ལེགས་སོ། །དྲང་སྲོང་ཆེན་པོ་ཁྱོད་ནི་ལྷ་ཐམས་ཅད་ཀྱི་ཞལ་ཡིན་ནོ། །དྲང་སྲོང་ཆེན་པོ་ཁྱོད་
D746.095.0144b04.01ནི་ལྷ་ཐམས་ཅད་ཀྱི་རྗེ་ཡིན་གྱིས་དྲང་སྲོང་ཆེན་པོ་སེམས་ཅན་རྣམས་ཀྱི་དོན་གྱི་ཕྱིར་དངོས་གྲུབ་ཀྱི་རྒྱུ་ཤོད་ཅིག་ཤོད་ཅིག །དེ་ནས་ལྷའི་དྲང་སྲོང་མེ་ལག་ན་རྡོ་རྗེས་བསྟོད་པས་ཡིད་དགའ་བར་གྱུར་ནས་ལག་ན་རྡོ་རྗེ་སྟོབས་པོ་ཆེ་ལ་འདི་སྐད་ཅེས་སྨྲས་སོ། །གནོད་སྦྱིན་གྱི་བདག་པོ་བདག་འོང་བ་ནི་
D746.095.0144b05.01དངོས་གྲུབ་འགྲུབ་པའི་རྒྱུར་འགྱུར་ཏེ། གང་གི་བདག་འོང་བར་འགྱུར་བའི་བདག་སྤྱན་དྲང་བའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། །ཨོྃ་ཨགྣི་དེ་བ་ཏཱ་ཡ། དྷུ་པ་ཏ་ཡེ་ཛྭ་ལི་ནི་སྭཱ་ཧཱ། རིག་སྔགས་འདི་སྤྱན་དྲང་བའི་སྔགས་སོ། །ན་མོ་བཛྲ་པཱ་ཎི་སྱ། ན་མོ་ཨགྣ་
D746.095.0144b06.01ཡེ། ཀུ་ཏི་ཀུ་ཏི། །ག་ཏི་ཡེ་གཙྪ་གཙྪ། ཤོ་ཥནྟི་ལ་ལི་པུ་ཏྲ་སྭཱ་ཧཱ། རིག་སྔགས་དེ་སླར་བཏང་བའི་སྔགས་སོ། །རིག་སྔགས་འཆང་གང་དག་བདག་ལ་ལྟ་བ་དེ་དག་གིས་ནི་དངོས་གྲུབ་ངེས་པར་ཐོབ་པར་འགྱུར་རོ། །བདག་འོང་བའི་མཚན་མ་ལྟ་བ་ནི་སྒྲུབ་པ་ཐམས་ཅད་ལ་ཡང་
D746.095.0144b07.01