完整藏文原文 · 德格版页 当前仅加载第 95 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་མ་དག་ཀྱང་འགྲུབ་པར་འགྱུར་རོ། །ཅི་སྟེ་དབང་ཕྱུག་ཆེན་པོའི་ཆོ་ག་རྒྱས་པར་བསྒྲུབ་པར་འདོད་ན་རིག་སྔགས་འཆང་དེས་མེ་ཏོག་དམར་པོ་སྟོང་རྩ་བརྒྱད་བཟླས་བརྗོད་ལན་རེ་རེ་དང་སྦྱར་ཏེ། དབང་ཕྱུག་ཆེན་པོ་ལ་བསྣུན་ན་དེའི་ཡང་དངོས་གྲུབ་རྣམ་པ་གསུམ་དུ་འགྱུར་
D746.095.0063b01.01ཏེ། དབང་ཕྱུག་ཆེན་པོའི་ཆོ་ག་རྒྱས་པ་ཡང་འགྲུབ་པར་འགྱུར་རོ། །ཅི་སྟེ་ཕུར་བུ་གསུམ་པའི་ཆོ་ག་རྒྱས་པར་བསྒྲུབ་པར་འདོད་ན་རིག་སྔགས་འཆང་དེས་མེ་ཏོག་ནག་པོ་སྟོང་རྩ་བརྒྱད་རྩ་བརྒྱད་བཟླས་བརྗོད་ལན་རེ་དང་སྦྱར་ཏེ། ཕུར་བུ་གསུམ་པའི་རི་མོ་ལ་བསྣུན་ན་དེ་
D746.095.0063b02.01ཡང་དངོས་གྲུབ་རྣམ་པ་གསུམ་དུ་འགྱུར་ཏེ། ཕུར་བུ་གསུམ་པས་བྱས་པའི་མ་ཏང་གི་ཆོ་ག་རྒྱས་པ་ཐམས་ཅད་ཀྱང་འགྲུབ་པར་འགྱུར་རོ། །སེམས་ཅན་རྣམས་ལ་ཕན་པའི་ཕྱིར། ཆོ་ག་འདི་ནི་བདག་གིས་བཤད། ཁྱེད་རྣམས་ཡིད་ནི་དགའ་བཞིན་པས། །
D746.095.0063b03.01དངོས་གྲུབ་དམ་པ་སྦྱིན་པར་གྱིས། གང་སངས་རྒྱས་ཀྱི་ཡུམ་དྲན་པ་ཙམ་གྱིས་འོང་བར་མི་བྱེད་ན་དངོས་གྲུབ་ཀྱང་སྦྱིན་པར་མི་བྱེད་པ་ནི་དེ་བཞིན་གཤེགས་པ་ལ་སྙིང་རིངས་པ་ཡིན་ཏེ། ངས་ཀྱང་རྡོ་རྗེས་སྤྱི་བོ་བཀས་པར་བྱའོ། །གང་ཆོ་ག་རྒྱས་པ་འདི་འཆང་བ་དེ་ལ་གདོན་
D746.095.0063b04.01ཐམས་ཅད་དང་། ལོག་འདྲེན་ཐམས་ཅད་དང་། ཤ་ཟ་ཐམས་ཅད་ཀྱང་འབྱེར་ཞིང་སྐྲག་པར་འགྱུར་རོ། །གང་ཞིག་ཆོ་ག་འདིས་མཆོད་པ། །དེ་ལ་ལྷ་མཆོག་རྣམས་ཀྱིས་མཆོད། །གང་ཞིག་དངོས་གྲུབ་མཆོད་པ་ལ། །དེ་ཡིས་ཆོ་ག་ལྷ་མཆོད་བྱ། །གང་ཞིག་ཆོ་ག་
D746.095.0063b05.01འདི་མཆོད་དང་། །ཐམས་ཅད་རྫོགས་པར་མཆོད་བྱེད་པ། །དེ་ཡི་ལག་ན་རྡོ་རྗེ་ཡིས། །བཤད་པ་བཞིན་དུ་ངེས་པར་འགྲུབ། །གང་ཞིག་ཆོ་ག་འདི་འཆང་བ། །སངས་རྒྱས་ཀུན་གྱི་བྱིན་གྱིས་བརླབས། །ལག་ན་རྡོ་རྗེ་དཔལ་ལྡན་པ། །དེ་ཡི་ལུས་ཀྱི་སྤྱི་བོར་
D746.095.0063b06.01གནས། །ཡི་གེ་བཞི་པ་ཞེས་བྱ་བ། །རིག་སྔགས་ཀྱི་རྒྱལ་པོའི་ཆོ་ག་རྫོགས་སོ།། །།དེ་ནས་བཅོམ་ལྡན་འདས་ལག་ན་རྡོ་རྗེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་གང་ན་བ་དེ་ལོགས་སུ་
D746.095.0063b07.01