完整藏文原文 · 德格版页 当前仅加载第 95 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
འོག་ལོགས་སུ་རིག་སྔགས་འཆང་གིས་ཤིང་ས་ལ་སེར་པོ་ལས་སྒྲོམ་བུ་བགྱིས་ཏེ། སྒྲོམ་བུ་དེར་ལིག་བུ་མིག་སྩལ་ལ། དྲོ་བར་གྱུར་པ་དང་དུ་བ་འཐུལ་བ་དང་འབར་བའི་བར་དུ་བཟླས་བརྗོད་བགྱིའོ། །དྲོ་བར་གྱུར་ན་དབང་དུ་འགྱུར་རོ། །དུ་བ་འཐུལ་ན་
D746.095.0024a01.01མི་སྣང་བར་འགྱུར་རོ། །འབར་ན་ནམ་མཁའ་ལ་མཆི་བར་འགྱུར་རོ། །མདོག་གདུགས་ཤར་བ་འདྲ་བར་འགྱུར་རོ། །ལོ་བདུན་སྟོང་ཐུབ་པར་འགྱུར་རོ། །ལུས་ཞིག་ནས་ལག་ན་རྡོ་རྗེ་མཐོང་བར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་
D746.095.0024a02.01ཏེ་དུར་ཁྲོད་དུ་མཆིས་ལ་སྐྱེས་པའི་རོ་མ་སྣད་པ་བླངས་ཏེ། །རིག་པ་མཆོག་གི་དྲི་དང་མེ་ཏོག་དང་བདུག་པས་བརྒྱན་པ་བགྱིས་ལ་མགོ་བོ་ཤར་ཕྱོགས་སུ་བསྟན་ཏེ། དེ་ནས་རིག་སྔགས་འཆང་གཅེར་བུར་ཕྱུང་ལ་སྐྲ་བཤིག་སྟེ། དེའི་སྙིང་གར་མཆིས་ལ་མི་རོའི་ཁར་
D746.095.0024a03.01མིའི་ཐོད་པ་ཡུངས་ཀར་གྱིས་གཏམས་པ་བཞག་ལ་ཡུངས་ཀར་རྣམས་མི་སྣང་བར་གྱུར་གྱི་བར་དུ་བཟླས་བརྗོད་བགྱིའོ། །དེ་ནས་དངོས་གྲུབ་ཏུ་འགྱུར་རོ། །མི་ཐོད་བླངས་ལ་མཚེའུར་བོར་ན་དེ་ནས་ཡིད་ཀྱིས་བསམས་པ་ཙམ་གྱིས་ནམ་མཁའ་ལ་མཆི་བར་འགྱུར་ཏེ་
D746.095.0024a04.01ནམ་མཁའ་ལ་མཆིའོ། །མི་སྣང་བར་འགྱུར་རོ། །རྒྱལ་པོར་བགྱིད་དོ། །བདག་མི་སྡུག་པར་ཡང་སྟོན་ཏོ། །སླར་ཡང་རྒྱན་ཐམས་ཅད་ཀྱིས་བརྒྱན་པ་དང་། མདོག་གདུགས་ཤར་བ་ལྟ་བུར་ཡང་སྟོན་ཏོ། །བདག་གིས་གང་བསམས་པ་དེ་དག་ཐམས་ཅད་
D746.095.0024a05.01འགྲུབ་བོ། ཚེ་ལོ་སྟོང་ཐུབ་པར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་རིག་པ་མཆོག་གིས་ལག་ན་རྡོ་རྗེ་ལ་དྲི་དང་མེ་ཏོག་དང་བདུག་པ་རྣམས་དབུལ་ལོ། །གྲོང་གི་ཕུག་རོན་གྱི་ཁར་ལྡོང་རོས་སྩལ་ལ་དྲོ་
D746.095.0024a06.01བར་གྱུར་པ་དང་། དུ་བ་འཐུལ་བ་དང་འབར་གྱི་བར་དུ་བཟླས་བརྗོད་བགྱིའོ། །དྲོ་བར་གྱུར་པས་ཐིག་ལེ་བགྱིས་ན་ཆབ་ཀྱི་ནང་དུ་དགུང་ཟླ་གཅིག་མཆིས་ཤིང་ཆབ་ཀྱི་ནང་དུ་བཞག་གོ། །གང་མཐོང་བ་དེ་དབང་དུ་འགྱུར་རོ། །དུ་བ་འཐུལ་ན་མི་སྣང་བར་འགྱུར་ཏེ། མི་
D746.095.0024a07.01