完整藏文原文 · 德格版页 当前仅加载第 95 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་། །ཁྱིམ་ཐབ་དང་ནི་ནོར་འཇོག་དང་། །ཁྱིམ་དང་བཞོན་པ་གླང་ཆེན་རྟ། །མ་ཧེ་དང་ནི་གྲོང་ཡང་རུང་། །ཞག་བདུན་གྱིས་ནི་མྱུར་བར་འཐོབ། །གཞན་གྱིས་རིག་སྔགས་རིགས་ཀུན་དང་། །གདོན་རྣམས་ཀྱང་ནི་བརླག་པར་འགྱུར། །ཁྱེའུ་དག་དང་ནི་བུ་མོ་རྣམས། །
D746.095.0206b01.01ནད་ཀྱིས་ཀྱང་ནི་མ་རུང་འགྱུར། །རོ་བསྲེགས་སོལ་བའི་རི་མོ་ཡིས། །དགྲ་ཡི་གཟུགས་ནི་དེར་བྲིས་ལ། །དེ་ཡི་སྟེང་དུ་འདུག་ནས་ནི། །གང་དུ་གཞོམ་པར་འདོད་པ་དེར། །གཟིར་བར་བྱས་ཏེ་ཞག་བདུན་དུ། །བཟླས་བརྗོད་དང་ནི་སྦྱིན་སྲེག་བྱ། །དེ་ལྟར་བྱས་ན་གཟིར་བར་
D746.095.0206b02.01འགྱུར། །ཅི་སྟེ་བུ་མོ་ཐོབ་འདོད་ན། །དེས་ནི་ཞག་བདུན་བྱ་བར་བསྟན། །ཞག་བདུན་འབུམ་དུ་བཟླས་ན་ནི། །བུ་མོའི་མཆོག་ཀྱང་ཐོབ་པར་འགྱུར། །རིག་སྔགས་འཆང་བ་བདག་ཉིད་ཀྱིས། །ཁྲོས་ནས་བཟླས་བརྗོད་བྱས་ན་ནི། །གྲོང་ཁྱེར་དག་ནི་འབར་བ་དང་། །གསེར་
D746.095.0206b03.01དང་དེ་བཞིན་འཇིག་པ་དང་། །གདོན་དག་གིས་ནི་འདེབས་པར་འགྱུར། །གང་ལས་རྒྱལ་འདོད་དམག་གི་ནང་། །འདུག་ནས་ཀྱང་ནི་བཟླས་བརྗོད་བྱ། །གྲོང་ཁྱེར་དབུས་འདུག་བཟླས་ན་ནི། །ནད་ཀྱིས་གྲོང་ཁྱེར་དཀྲུགས་པར་འགྱུར། །གྲོང་གི་དབུས་འདུག་བཟླས་ན་ནི། །གྲོང་
D746.095.0206b04.01མི་ནད་ཀྱིས་དཀྲུགས་པར་འགྱུར། །དགོན་པར་འདུག་ནས་བཟླས་ན་ནི། །གདུག་པ་ཀུན་ལས་ཐར་བར་འགྱུར། །དེ་ནས་ཡིད་ནི་ཞི་བ་ཡིས། །ཞི་བའི་རིག་སྔགས་བརྗོད་པར་བྱ། །ཞི་ཕྱིར་རིག་སྔགས་བརྗོད་ན་ནི། །ཐམས་ཅད་དུ་ནི་ཞི་བར་འགྱུར། །བསད་ཕྱིར་རིག་སྔགས་
D746.095.0206b05.01བཟླས་ན་ནི། །ཕན་ཚུན་དུ་ཡང་གསོད་པར་འགྱུར། །འཐབ་ཏུ་གཟུད་ཕྱིར་རིག་སྔགས་བཟླས། །འཐབ་མོ་མངོན་དུ་འབྱུང་བར་འགྱུར། །ཤིང་སྐམ་ཕྱིར་ནི་ཆུ་ལ་བཟླས། །ཟླ་བ་གཅིག་གིས་ལོ་མ་འབྱུང་། །ཀུན་དགའ་ར་བ་ཡིད་འོང་ཡང་། །ཟླ་བ་གཅིག་གིས་བཤིག་པར་
D746.095.0206b06.01འགྱུར། །ཅི་སྟེ་ཉི་མ་རངས་པར་བཟླས། །ཆུ་དང་ཟས་དང་བག་ཆོས་དང་། །འབྲས་བུ་རྣམ་པ་སྣ་ཚོགས་ཀྱང་། །དེ་མ་ཐག་ཏུ་སྒྱུར་བར་བྱེད། །གཞན་གྱིས་བཞོན་དང་དེ་བཞིན་དུ། །ཤིང་རྟའི་བཞོན་པ་འཇོམས་པར་བྱེད། །ཅི་སྟེ་ཆུ་ཀླུང་ཆེན་པོ་ཡི། །འགྲམ་དུ་སོང་
D746.095.0206b07.01