完整藏文原文 · 德格版页 当前仅加载第 95 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བར་བྱ་བའི་ཕྱག་རྒྱའོ། །མདུན་ལོགས་སུ་མཛུབ་མོ་གཅིག་གི་དབུས་བཀུག་སྟེ་བཞག་ལ་གུང་མོ་བརྐྱང་སྟེ་བསྟན་པ་ནི་རྡོ་རྗེ་གདན་གྱི་ཕྱག་རྒྱའོ། །གཡོན་པའི་སོར་མོ་གཉིས་ཀྱིས་དེ་བཞིན་དུ་བྱས་པ་ནི་ལྷའི་ཕྱག་རྒྱའོ། །མཛུབ་མོ་གཅིག་པུ་ནི་འཇམ་དཔལ་གྱི་ཕྱག་རྒྱའོ། །
D746.095.0182b01.01གུང་མོ་ནི་རྡོ་རྗེ་མཛེས་མའི་ཕྱག་རྒྱའོ། །གཡས་བརྐྱང་གི་ཚུལ་དུ་གནས་ལ་ལག་པ་གཡོན་པའི་སེན་མོ་རྣམས་སྦས་ཏེ། ཁུ་ཚུར་བཅངས་ནས་དེ་བཞིན་དུ་ལག་པ་གཡས་པའི་རྡོ་རྗེ་བརྐྱང་སྟེ་ལྟ་བའི་དམིགས་སུ་གཏད་པ་ནི་རྡོ་རྗེ་ཁུ་ཚུར་གྱི་ཕྱག་རྒྱའོ། །མཛུབ་མོ་སྟེང་དུ་བཞག་
D746.095.0182b02.01པ་ནི་སྙིང་པོའི་ཕྱག་རྒྱའོ། །གུང་མོ་ཡང་དེ་ལྟར་བྱས་པ་ནི་ནེ་བའི་སྙིང་པོའི་ཕྱག་རྒྱའོ། །གུང་མོ་དང་མཐེ་བོ་གཉིས་སྦྱར་ལ་སོར་མོ་གཞན་རྒྱབ་ཏུ་བཞག་པ་ནི་རྡོ་རྗེ་འཇོམས་མའི་ཡིན་ཏེ། ཕྱོགས་བཞི་བསྲུང་བ་ཡིན་ནོ། །གཡས་བརྐྱང་གི་ཚུལ་གྱིས་ལག་པ་གཡོན་པའི་རྡོ་རྗེ་
D746.095.0182b03.01གཡས་པའི་དཔུང་མགོར་བཞག་ལ་ལག་པ་གཡས་པའི་རྡོ་རྗེ་བསྟོད་ནས་དཔུང་པ་གཡོན་པ་རྣ་བའི་ཕྱོགས་སུ་བཞག་སྟེ་ལྟ་བའི་དམིགས་སུ་གཏད་པ་ནི་རྡོ་རྗེ་ཕག་མོའི་ཕྱག་རྒྱའོ། །གཡོན་བརྐྱང་གི་ཚུལ་གྱིས་ལག་པ་གཡོན་པ་བཀན་ལ་མཛུབ་མོ་དང་མཐེའུ་ཆུང་གཉིས་བཀུག་སྟེ།
D746.095.0182b04.01པདྨའི་རྩ་བ་ལྟར་བྱས་ལ་གཡས་པ་ཡང་དེ་ཉིད་དང་འདྲ་བར་བཞག་པ་ནི་ལུས་དམར་གྱི་ཕྱག་རྒྱའོ། །འབར་བའི་ཕྱག་རྒྱ་ཡང་དེ་ཉིད་ཡིན་ནོ། །སྙིང་པོ་གང་ནས་འབྱུང་བའི་ཕྱག་རྒྱ་ཡང་དེ་ཉིད་ཡིན་ནོ། །རྡོ་རྗེ་བྷྲིང་གི་རི་ཏིའི་ཕྱག་རྒྱ་ཡང་དེ་ཉིད་ཡིན་ནོ། །གཡས་བརྐྱང་གི་ཚུལ་གྱི་ལག་
D746.095.0182b05.01པ་གཡོན་པ་བཀན་ཏེ་བརྐྱང་ལ་མཐེ་བོང་དང་མཐེའུ་ཆུང་སོ་སོར་བསྐྱེད་ནས་སོར་མོ་ལྷག་མ་རྣམས་ཀླུ་མགོའི་གདེངས་ཀ་ལྟར་བཞག །གཡས་པ་ཡང་མཚན་ཉིད་དེ་དང་འདྲ་བར་བྱས་ལ། །གཞུ་འགེངས་པ་ལྟར་གྲུ་མོ་རྣ་བའི་ཕྱོགས་སུ་བཟུང་བ་ནི་ཀླུ་ཆེན་པོའི་ཕྱག་རྒྱའོ། །ཁྱབ་འཇུག་
D746.095.0182b06.01གི་འདུག་སྟངས་ཀྱིས་མཐེ་བོའི་སེན་མོ་རྐང་པ་གཡོན་པའི་འོག་ཏུ་སྦྱར་ཏེ། །ལག་པ་སྟེང་དང་བཅས་པར་སྦྱར་བའི་མཐིལ་གྱིས་གདེག་ཅིང་ལག་པ་བསྣོལ་བས་བཟུང་ལ། །ཕོ་ལོང་གི་ཐབས་སུ་གྱེན་དུ་སྦར་ཞིང་ལག་པ་བསྐོར་ཏེ་བཀན་པས་ནུ་མའི་བར་དུ་གདེག་ཅིང་བསྐོར་ལ། །ལག་པ་
D746.095.0182b07.01