'phags pa rig pa mchog gi rgyud chen po/
当前为德格木刻版 205a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 205a
- 可引用原文
- 7 行
- 全文规模
- 全经 3308 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 95 函 · 德格 205a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དེ་ཉིད་ཤེས། །ཡང་ན་དངོས་གྲུབ་འདོད་པ་ཡིས། །ཆོ་ག་བཞིན་དུ་ཀུན་བྱས་ན། །སྒྲུབ་པ་པོས་ནི་ཐམས་ཅད་འཐོབ། །ལྷ་འམ་ལྷ་མ་ཡིན་རྣམས་དང་། །གནོད་སྦྱིན་ཡང་ན་རིག་སྔགས་འཆང་། །གཞན་ཡང་གང་དག་སུ་ཡང་རུང་། །འགལ་བར་བྱེད་པ་གང་ཡང་མེད། །སངས་རྒྱས་ཤ་ར་དྭ་ཏིའི་བུ། །རྡོ་རྗེ་འཛིན་པ་ཆེན་པོ་དང་། །རིག་སྔགས་བདག་གི་བླ་མ་ལ། །ཅི་སྟེ་མཆོག་ཏུ་དང་བྱེད་ན། །དེ་ནི་ཀུན་ལས་ལྷག་པ་དང་། །སེམས་ཅན་ཀུན་གྱིས་མཆོད་པ་དང་། །རྟག་ཏུ་དངོས་གྲུབ་ཀུན་བྱེད་དང་། །གཞན་
གྱི་དངོས་གྲུབ་འཇིག་པར་ནུས། །དུས་ཀུན་དུ་ནི་གཙང་བ་དང་། །གསང་བ་ཐམས་ཅད་འཆང་བྱེད་ལ། །རིག་སྔགས་འཆང་གི་གོ་འཕང་མཆོག །ཤིན་ཏུ་སེམས་པར་བྱེད་པ་ཡི། །ཆོ་གར་ལྡན་ཞིང་རྒྱས་པར་བཅས། །དེ་ནི་མ་ལུས་བཤད་པར་བྱ། །དེ་ནས་ལྷ་དང་ལྷ་མ་ཡིན། །མི་དང་རིག་སྔགས་འཆང་རྣམས་དང་། །འབྱུང་པོའི་ཚོགས་དང་ཀླུ་རྣམས་དང་། །གནོད་སྦྱིན་རྣམས་དང་སྲིན་པོར་བཅས། །གསང་བའི་མཆོག་ནི་མཉན་པའི་ཕྱིར། །ཐམས་ཅད་ཐལ་མོ་སྦྱར་ནས་འཁོད། །དེ་ནས་ཚིག་དོན་རྟོགས་པ་ཡི། །རྡོ་རྗེ་
འཛིན་པས་དེ་དག་ལ། །གསལ་བར་བྱ་ཕྱིར་ཚིག་འདི་སྨྲས། །ང་ནི་དཀྱིལ་འཁོར་དམ་པ་དང་། །བླ་མའི་རིགས་ནི་སྔོན་མཐོང་ལ། །རྡོ་རྗེ་དང་ནི་རྡོ་རྗེ་འཛིན། །རིག་སྔགས་སྒྲུབ་པ་རྟོགས་བྱས་ནས། །ཟླ་བ་ཕྱེད་གསུམ་བར་དུ་ནི། །ཟླ་གཅིག་པས་ནི་བསྒྲུབ་པར་བྱ། །སངས་རྒྱས་གཟུགས་ནི་རྫོགས་པའམ། །སྐུ་གདུང་ལྡན་པའི་མཆོད་རྟེན་དེར། །རིག་སྔགས་རྡོ་རྗེ་ལྕགས་ཀྱུ་མ། །རིག་སྔགས་རིགས་ཀྱི་ཚོགས་བསྐོར་བ། །ཆོ་ག་བཞིན་དུ་བྱས་ནས་ནི། །ཡིད་དང་འཐད་པས་མཆོད་པར་བྱ། །མཚམས་བཅད་དང་ནི་ཕྱོགས་བཅིངས་དང་། །
ཆུས་ནི་ཀུན་ནས་བཅད་པ་དང་། །ཐམས་ཅད་དུ་ནི་བསྲུང་བ་རྣམས། །ཆོ་ག་བཞིན་དུ་ལེགས་པར་དགོད། །སྣ་གསུམ་རྡོ་རྗེ་བཀྲ་ཤིས་དང་། །ལྕགས་ཀྱུ་ཁ་གདེངས་ཡུངས་ཀར་གྱིས། །ཚུལ་བཞིན་དང་པོར་མདུན་དག་ཏུ། །རྡོ་རྗེ་ལྕགས་ཀྱུའི་གཟུགས་སུ་བྲི། །ཁ་ཟས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D746
- 德格版页
- 205a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0740 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。