完整藏文原文 · 德格版页 当前仅加载第 95 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་གཙོ་བོ་མཆོག་གི་མིང་ཙམ་འཛིན་པ་དེ་ལ་ཡང་ལྷ་ཐམས་ཅད་ཀྱིས་ཟིལ་གྱིས་གནོན་པར་མི་ནུས་ན་གང་མདོ་ཉིད་འཆང་བ་ལྟ་སྨོས་ཀྱང་ཅི་འཚལ། དེ་ནས་འཇིགས་པ་ཐམས་ཅད་ལ་ནི་སྐུད་པ་ལ་བརྒྱ་རྩ་བརྒྱད་བཟླས་བརྗོད་བྱས་པས་བསྲུང་བ་བྱས་པར་འགྱུར་
D746.095.0065b01.01རོ། །དུག་གོ་ཅོག་ལ་ནི་ཆུའམ་རྨ་བྱའི་མདོངས་ཀྱིས་བྱ་བས་ན་མེད་པར་འགྱུར་རོ། །ཞག་གཅིག་སྨྱུང་བ་བྱས་ཏེ་ཉི་མ་བཟང་བ་ལ་འབབ་ཆུའི་འགྲམ་དུ་སོང་སྟེ་མེ་ཏོག་བརྒྱ་སྟོང་ཕུལ་ན་མེ་ཏོག་གི་ཁ་དོག་ཇི་ལྟ་བུ་ཕུལ་བ་དེ་ལྟ་བུའི་གོས་རྣམས་ཞག་བདུན་ཚུན་ཆད་
D746.095.0065b02.01ཀྱི་ཐོབ་པར་འགྱུར་རོ། །གཞོན་ནུའི་གདོན་གྱིས་བྱིས་པ་ཟིན་པ་ལ་ནི་དཀྱིལ་འཁོར་སྐྱོང་ནུལ་གྱིས་བྱུགས་པ་ལ་དྲི་དང་། མེ་ཏོག་དང་། ལྷ་བཤོས་ཕུལ་ནས་བྱིས་པ་ཤར་ཕྱོགས་སུ་ཁ་བསྟན་ཏེ་བཞག་ལ་བདུག་པས་བདུག་སྟེ་བྱ་བ་པ་ཡང་བྱས་ནས་ལག་པ་ལ་ཡང་སྐུད་
D746.095.0065b03.01པ་བཏགས་ན་སོས་པར་འགྱུར་རོ། །རིག་སྔགས་སྒྲུབ་པ་ཐམས་ཅད་དང་། རོ་ལངས་བསྒྲུབ་པ་དང་བདག་ཉིད་བསྲུང་བ་དང་། ཕྱོགས་བཅིང་བ་དང་། །ཕ་རོལ་བསྲུང་བ་དང་། མཚམས་བཅད་པ་དང་། བསྒྲུབ་པ་ཐམས་ཅད་ལ་རིག་སྔགས་ཀྱི་རྒྱལ་པོ་འདི་གཅིག་པུས་
D746.095.0065b04.01བྱའོ། །ཆར་དབབ་པར་འདོད་ན་ཆུ་ཀླུང་གི་སར་འགྲམ་གཉི་གའི་སས་རྡོ་རྗེ་བྱས་ལ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། ཆུ་ཀླུང་རྒྱ་མཚོར་འབབ་པའི་འགྲམ་དུ་སོང་ལ་ས་དེ་ལྟ་བུ་ལ་ནོར་རྒྱས་ཀྱི་བུའི་གཟུགས་བྱས་ཏེ། དེ་ལ་དྲི་དམར་པོ་དང་། མེ་ཏོག་
D746.095.0065b05.01དམར་པོ་དང་། བདུག་པ་དང་། མར་མེ་ཕུལ་ནས་དེའི་མདུན་དུ་རྡོ་རྗེ་ལ་ལན་བརྒྱ་སྟོང་བཟླས་བརྗོད་བྱས་ཏེ། བཟླས་བརྗོད་ཟིན་ན་དུས་མ་ཡིན་པར་ཆར་འབབ་པར་འགྱུར་རོ། །བཅད་ན་ལག་ན་རྡོ་རྗེའི་མདུན་དུ་ལག་ན་རྡོ་རྗེ་ལ་ཕུལ་བའི་མེ་ཏོག་རྙིང་པ་བརྒྱད་བརྒྱས་སྦྱིན་
D746.095.0065b06.01སྲེག་བྱས་ན་འཆད་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་རྒྱ་ཤུག་དང་བནྡ་ཀའི་ཤིང་བླངས་ལ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ནས་དུར་ཁྲོད་དུ་སོང་ལ་དཀྱིལ་འཁོར་སྐྱོང་ནུལ་དུ་བྱུགས་ཏེ། དྲི་དང་། མེ་ཏོག་དང་། བདུག་
D746.095.0065b07.01