完整藏文原文 · 德格版页 当前仅加载第 95 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
འཆང་གིས་ལ་གོར་དུ་རིག་པ་མཆོག་དྲན་པར་བགྱི་ཞིང་སྙིང་པོ་གཉིས་ཀ་བཟླས་བརྗོད་བགྱིས་པའི་ཡུངས་ཀར་གྱིས་བསྣུན་པར་བགྱིའོ། །དེ་ནས་བུད་མེད་དེ་དགོད་ཅིང་མཆི་སྟེ། དེ་ལ་བརྩད་པར་བགྱིའོ། །དེ་ནས་བུད་མེད་དེ་སྦྲུམ་མར་འགྱུར་ཏེ། དེ་ནས་
D746.095.0039b01.01རིག་སྔགས་འཆང་གིས་རྡོ་རྗེ་བཞད་མ་བཟླས་བརྗོད་བགྱིས་པའི་ཡུངས་ཀར་གྱིས་བསྣུན་པར་བགྱིའོ། །དེ་ནས་དེ་མི་འགུལ་བར་འགྱུར་རོ། །ཡང་རིག་པ་མཆོག་གིས་ཡུངས་ཀར་གྱིས་བསྣུན་པར་བགྱིའོ། །དེ་ནས་ལྟོ་འགས་ཏེ་རྡོ་རྗེ་བཞད་མ་བཟླས་བརྗོད་བགྱིས་ལ་
D746.095.0039b02.01མངལ་བླང་བར་བགྱིའོ། །མངལ་བླངས་ནས་ཀྱང་ཡུངས་ཀར་གྱིས་བསྣུན་ན་དུམ་བུ་བརྒྱར་འགྱུར་ཏེ་ཕྲུ་མའི་ནང་དུ་སྩལ་ལ་མི་ཐོད་གསུམ་གྱི་སྟེང་དུ་མཆིས་ལ་ཡོངས་སུ་སྨིན་པར་འགྱུར་གྱི་བར་དུ་རྡོ་རྗེ་བཞད་མ་བཟླས་བརྗོད་བགྱིས་ལ་བླངས་ཏེ་གྲོགས་རྣམས་ལ་ཡང་
D746.095.0039b03.01སྩལ་ཅིང་འཚལ་ན་སྐྲ་ལྕང་ལོ་འཁྱིལ་བར་འགྱུར། །གདུགས་ཤར་བ་ལྟ་བུའི་མདོག་ཏུ་འགྱུར། །ལོ་བཅུ་དྲུག་ལོན་པ་ལྟ་བུར་འགྱུར། །ནམ་མཁའ་ལ་མཆི་བར་འགྱུར། །རིག་སྔགས་འཆང་ཐམས་ཅད་བྲན་དུ་འགྱུར། །རྡོ་རྗེ་འཁོར་ལོས་སྒྱུར་བར་འགྱུར། དཔག་ཚད་
D746.095.0039b04.01སྟོང་གྱེན་དུ་འཕག་པར་འགྱུར། དཔག་ཚད་སྟོང་ཚུན་ཆད་ཀྱིས་ཐོས་པར་འགྱུར། ལོ་བརྒྱད་ཁྲི་ཐུབ་པར་འགྱུར། མཚོན་ཆས་ལུས་ལ་མི་ཚུགས་པར་འགྱུར། རྡོ་རྗེ་ཉིད་དུ་འགྱུར། བདག་མཆི་བར་འཚལ་བར་འགྱུར་རོ། །ལྷའི་བསྒྲུབ་པ་ནི་ཟླ་བ་གཅིག་ཟས་
D746.095.0039b05.01སུ་ཆུ་གྲོག་འཚལ་ཞིང་དེའི་འོག་ཏུ་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ། ལག་ན་རྡོ་རྗེ་མཆོད་ཅིང་ལྷ་ཐམས་ཅད་ཀྱང་མཆོད་པར་བགྱིའོ། །དེ་ནས་རིག་སྔགས་འཆང་གིས་ལག་ན་རྡོ་རྗེའི་མདུན་དུ་ལྡོང་རོས་ཤིང་ཨ་ཤྭཏྠའི་ལོ་མ་བདུན་གྱི་སྟེང་དུ་བཞག་
D746.095.0039b06.01སྟེ་དངོས་གྲུབ་གསུམ་བྱུང་གི་བར་དུ་བཟླས་བརྗོད་བགྱིའོ། །འབར་བར་གྱུར་ན་ནམ་མཁའ་ལ་མཆི་བར་འགྱུར་རོ། །དུ་བ་འཐུལ་ན་མི་གདའ་བར་འགྱུར། ལོ་ལྔ་སྟོང་ཐུབ་པའི་རིག་སྔགས་འཆང་ཉིད་དུ་འགྱུར། ལོ་ལྔ་སྟོང་ཐུབ་པའི་རྐང་གིས་འགྲོ་བར་འགྱུར་རོ། །ས་
D746.095.0039b07.01