完整藏文原文 · 德格版页 当前仅加载第 95 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
མཛུབ་མོ་གདུ་བུ་ལྟར་བཀུག་སྟེ་བཞག་པ་ནི་སྙིང་པོའི་ཕྱག་རྒྱའོ། །ཚིགས་དབུ་མར་གཞར་བ་ནི་ཉེ་བའི་སྙིང་པོའི་ཕྱག་རྒྱའོ། །མཛུབ་མོའི་ཐོར་ཏོ་མཉམ་དུ་གཤིབས་པ་ནི་བློ་གྲོས་རྡོ་རྗེའི་ཕྱག་རྒྱའོ། །དེ་ཉིད་ལས་རྒྱབ་ཏུ་བསྙམས་ཏེ་གཞར་བ་ནི་དགའ་བྱེད་གདོང་གི་
D746.095.0177a01.01ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་ཀྱི་སེན་མོ་ཕན་ཚུན་སྤྲད་དེ་བཞག་པས་མཐེ་བོང་གཉིས་མནན་པ་ནི་རལ་གྲིའི་ཕྱག་རྒྱའོ། །རལ་གྲིའི་ཕྱག་རྒྱ་ལས་མཛུབ་མོ་གཉིས་ཚིགས་རེ་རེ་བཀུག་སྟེ། །མཐེ་བོང་གཉིས་ཀྱི་ཕྱི་རོལ་དུ་བཞག་པ་ནི་རིག་སྔགས་ཀྱི་རྒྱལ་པོ་
D746.095.0177a02.01རབ་ཏུ་གྲུབ་པར་བྱེད་པའི་རྩ་བའི་ཕྱག་རྒྱའོ། །དེ་ལས་མཛུབ་མོ་གཉིས་བརྐྱང་བ་ནི་དབང་ཕྱུག་ཆེན་པོའིའོ། །དེ་ཉིད་ལས་མཐེ་བོང་ཅུང་ཟད་བཀུག་པ་ནི་ལྷ་མོ་རྩེ་གསུམ་ཀ་གདེང་གི་ཕྱག་རྒྱའོ། །སྙིང་པོའི་ཕྱག་རྒྱ་ལས་གུང་མོ་གཤིབས་པའི་ཚིགས་དང་པོ་བཀུག་པ་ནི་སངས་རྒྱས་
D746.095.0177a03.01བཅོམ་ལྡན་འདས་ཀྱི་རྩ་བའི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་བཏང་སྟེ་ཚིགས་རེ་རེ་བཀུག་ལ། འོག་ཏུ་ཕན་ཚུན་སྤྲད་པ་ནི་གཙུག་ཏོར་གྱི་ཕྱག་རྒྱའོ། །མཛུབ་མོ་གཉིས་ཕྱི་རོལ་དུ་མ་ཕྲད་པར་བཟུང་བ་ནི་པདྨ་འཛིན་གྱི་ཕྱག་རྒྱའོ། །གཏུམ་སེལ་གྱི་ཕྱག་རྒྱ་ཡང་དེ་ཉིད་
D746.095.0177a04.01ཡིན་ནོ། །ཅུང་ཟད་བརྐྱང་བ་ནི་དཔལ་ཆེན་མོའི་ཕྱག་རྒྱའོ། །དེ་ཉིད་ལས་ཚིགས་དང་པོའི་སྟེང་དུ་བཞག་པ་ནི་རྡོ་རྗེ་མི་གཡོ་བའི་ཕྱག་རྒྱའོ། །ཚིགས་རེ་རེ་བཀུག་སྟེ་མཐེ་བོང་གཉིས་ཀྱི་ཕྱི་རོལ་དུ་གཞར་བ་ནི་རྟ་མགྲིན་གྱི་ཕྱག་རྒྱའོ། །སེན་མོ་གཉིས་ལ་གཞར་བ་ནི་རྡོ་རྗེ་སྙིང་པོའི་
D746.095.0177a05.01ཕྱག་རྒྱའོ། །དེ་བཞིན་དུ་རལ་གྲིའི་ཕྱག་རྒྱ་ལས་མཛུབ་མོ་གཉིས་ཀྱི་ཚིགས་རེ་རེ་བཀུག་པ་ནི་རྫོང་གི་འཕགས་མའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་སོ་སོར་སྦས་པ་ནི་རལ་པ་གཅིག་པའི་ཕྱག་རྒྱའོ། །རལ་པ་གཅིག་པའི་ཕྱག་རྒྱ་ཉིད་ལས་ཚིགས་གཅིག་བཀུག་པ་ལས་
D746.095.0177a06.01གཤིབས་པ་ནི་སངས་རྒྱས་ཐམས་ཅད་ཀྱི་ཕྱག་རྒྱའོ། །རྫོང་གི་འཕགས་མའི་ཕྱག་རྒྱ་ལས་བཀུག་པ་ནི་གནོད་སྦྱིན་ཐམས་ཅད་ཀྱི་ཕྱག་རྒྱའོ། །རྩ་བའི་ཕྱག་རྒྱ་ལས་གུང་མོ་གཤིབས་པ་ཡིད་ཙམ་གྱིས་བཀུག་པ་ནི་གཞན་གྱིས་མི་ཐུབ་པའི་ཕྱག་རྒྱའོ། །རིག་སྔགས་ཀྱི་རྒྱལ་
D746.095.0177a07.01