完整藏文原文 · 德格版页 当前仅加载第 95 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་འཇིག་རྟེན་གྱི་མའི་ལས་རྣམས་ངས་བཤད་ཟིན་ཏོ། །ངས་ཀྱང་དྲན་པར་བྱེད་དུ་གཞུག་པ་དང་། དམ་ཚིག་འཛིན་དུ་གཞུག་པའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་
D746.095.0148b01.01སྱ། ན་མཿས་ར་སྭ་ཏྱཻ། ཨོྃ་ས་ར་སྭ་ཏྱཻ་སྭཱ་ཧཱ། ལྷ་རྣམས་རིག་སྔགས་འདིའི་ལས་རྣམས་ཀྱང་འབྱུང་སྟེ། འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། རིག་སྔགས་འདིས་འོད་མའི་ཤིང་གིས་མེ་སྦར་ལ། ཡུངས་ཀར་ཞོ་དང་།
D746.095.0148b02.01སྦྲང་རྩི་དང་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་ཚིག་ལྡན་མ་འགྲུབ་པར་འགྱུར་ཏེ། ལས་ཀྱི་མཆོག་སྟོང་བྱེད་ནུས་པར་འགྱུར་རོ། །སྒྲུབ་པའི་ཚེ་ཡང་མདུན་དུ་གུ་གུལ་གྱིས་ལན་བརྒྱད་སྟོང་སྦྱིན་སྲེག་བྱས་ན་ལྷ་མོ་ཡོངས་སུ་གཟིར་ཅིང་ཚིག་བཞིན་དུ་མྱུར་དུ་འོང་བར་འགྱུར་ཏེ་སྡིག་
D746.095.0148b03.01པའི་ལས་བྱེད་པར་མི་བྱའོ། །ཚིག་ལྡན་མའི་ཆོ་ག་རྫོགས་སོ།། །།དེ་ནས་རྫོང་རིའི་ལྷ་མོས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེའི་གཟུགས་སུ་སྤྲུལ་ནས་ནམ་མཁའི་དཀྱིལ་འཁོར་ན་རྩེ་ཞིང་གར་བྱེད་དེ་རབ་ཏུ་འཇོམས་པའི་ཚོགས་ཀྱིས་བསྐོར་ལ་ལྷ་མོ་རྫོང་གི་འཕགས་པ་མ་རྔ་འབུམ་རྡུང་
D746.095.0148b04.01ཞིང་གར་བྱེད་དེ་ལྷ་མོ་རྩེ་ཞིང་ང་ནི་ལག་ན་རྡོ་རྗེ་ཡིན་ནོ། །ང་ནི་ལག་ན་རྡོ་རྗེ་ཡིན་ནོ། །ཞེས་སྐད་ཆེན་པོས་སྨྲ་ཞིང་གར་བྱེད་དེ། ལྷ་མོ་རྫོང་གི་འཕགས་མ་ཆ་ལུགས་མི་བཟད་ཅིང་སྟོབས་དང་ཕ་རོལ་གནོན་པ། གཞན་གྱིས་མི་ཚུགས་པའི་ལྷ་མོ་རབ་ཏུ་འཇོམས་མའི་ཚོགས་
D746.095.0148b05.01ཀྱིས་བསྐོར་ཏེ་རྩེ་བར་བྱེད་དོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་མིག་ཡིད་ཙམ་བཏེག་སྟེ་བལྟས་ནས་བགད་དོ། །དེ་ནས་ལྷ་མོ་རྫོང་གི་འཕགས་མ་ཆ་ལུགས་མི་བཟད་ཅིང་སྟོབས་དང་ཕ་རོལ་གནོན་པ་གཞན་གྱིས་མི་ཚུགས་པའི་ལྷ་མོ་རབ་ཏུ་འཇོམས་པའི་ཚོགས་ཀྱིས་
D746.095.0148b06.01བསྐོར་བ་དེ་སའི་སྟེང་དུ་ལྷུང་ངོ་དེ་ནས་ལྷ་མོ་དེས་ལག་ན་རྡོ་རྗེའི་རྐང་པ་གཉིས་ལ་གཏུགས་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བརྩོན་འགྲུས་དང་ཕ་རོལ་གནོན་པ་ཆེན་པོ་ཁྱོད་ཀྱི་བདག་སའི་སྟེང་དུ་ལྟུང་བར་བྱེད་ནུས་ཀྱི་ལྷར་བཅས་
D746.095.0148b07.01